நீங்கள் மட்டும் தொப்பி அணியலாமா

நீங்கள் மட்டும் தொப்பி அணியலாமா

தொப்பி அணிய ரசூல்(ஸல்) சொன்னதற்கு ஆதாரமாக ஒரு ஹதீஸ் கூட இல்லை என்று நீங்கள் குறிப்பிட்டதைப் பார்த்தேன். ஆனால் தாங்களே தொப்பி அணிந்து இருக்கிறீர்கள். இது எதற்கு? முஸ்லிம் என்று தெரியத் தானே? அப்போ தொப்பி உங்களுக்கு ஒரு மறைமுக கண்ணியத்தை அளிக்கிறது. இதை பற்றி தங்கள் கருத்து என்ன?

தாரிக்

பதில் :

பல சந்தர்ப்பங்களில் இது போன்ற கேள்விகள் என்னிடம் கேட்கப்பட்டு அதற்கு நான் பதிலளித்துள்ளேன்.

தொப்பிக்கும் மார்க்கத்திற்கும் எந்தச் சம்பந்தமும் இல்லை என்பதில் மாற்றுக் கருத்தில்லை. அதே நேரத்தில் ஒருவர் இதை மார்க்கம் என்று கருதாமல் ஆடை அலங்காரம் என்ற அடிப்படையில் அணிந்தால் அதில் தவறேதுமில்லை.

தொப்பி அணிவது தவறு என்று நான் வாதிட்டால் தான் இது பற்றி நீங்கள் கேட்க முடியும். தொப்பி அணிய விரும்புவோர் அணியலாம். அணிபவரை ஆட்சேபிக்கக் கூடாது என்றும் அதே நேரத்தில் தொப்பி அணியாதவர்களைப் பார்த்து அணியுமாறு வற்புறுத்தவோ ஆர்வமூட்டவோ கூடாது என்பதையும் நான் கூறி வருகிறேன். எனவே நான் தொப்பி அணிந்தால் மார்க்கத்தில் அனுமதிக்கப்பட்ட ஒன்றை செய்கிறேன். அணியாவிட்டாலும் அனுமதிக்கப்பட்டதைத் தான் செய்கிறேன். இதில் கேள்வி கேட்க யாருக்கும் அதிகாரம் இல்லை.

20.02.2011. 11:46