மோடி அரியணை ஏறினால் அச்சப்பட வேண்டுமா?

விலைபோன ஊடகங்களின் தவறான சித்தரிப்பின் காரணமாக மோடி நாட்டின் பிரதமராகிவிட்டால் அப்போது இந்திய முஸ்லிம்களின் நிலை என்னவாகும்? 

 

 விலை கொடுத்து வாங்கப்பட்ட ஊடகங்கள் தான் மோடி பிரதமராவார் என்ற மாயையை ஏற்படுத்தி வருகின்றன. அதற்கு சாத்தியமில்லை என்றுதான் அரசியல் நோக்கர்கள் கணிக்கிறார்கள். எனவே மோடி ஆட்சியை பிடித்தால் இறை நம்பிக்கையுள்ள முஸ்லிம்கள் இதற்காக அஞ்சத் தேவையில்லை. ஆட்சியையும் அதிகாரத்தையும் பயன்படுத்தி முஸ்லிம்களை ஒடுக்க நினைத்தால் முஸ்லிம்கள் மத்தியில் அதிக விழிப்புணர்வு  ஏற்படும்.  பெயரளவிற்கு முஸ்லிம்களாக வாழ்பவர்களும் உண்மை முஸ்லிம்களாக வாழும் நிலை ஏற்படும்.

 சமுதாயத்தைப் பற்றி அக் கரையில்லாமல் வாழ்ந்த பொறுப்பற்ற முஸ்லிம்கள் சமுதாய உணர்வு பெறுவார்கள்.  அபூஜஹில் வகையறாக்களின் அடக்கு முறை களுக்குப் பின்னால் இஸ்லாத்தை நோக்கி மக்கள் கூட்டம் கூட்டமாக இணைந்ததுபோல் அக்கிரமத்தை விரும்பாத பெரும்பாலான இந்து சகோதரர்கள் இஸ்லாத்தில் இணைவது அதிகரிக்கும். 

 சிறிய சமுதாயத்தை ஏன் நசுக்குகிறார்கள் என சிந்திக்கத் தலைப்பட்டு இஸ்லாத்தில் தம்மை இணைத்துக் கொள்வார்கள். 

 பாதிக்கப்படும் முஸ்லிம்கள் அறவழியில் போராட்டம் நடத்துவது நசுக்கப்பட்டால் இதனால் விரக்தி அடையும் மக்களில் ஐந்து விழுக்காடு மக்கள் ஜனநாயகம் அல்லாத வேறு பாதைக்குத் திரும்பினால், அவர்களை எந்த முஸ்லிம் தலைவர்களாலும் கட்டுப்படுத்த முடியாத நிலை ஏற்படும்.

 காவல்துறைக்கும் இராணு வத்திற்கும் அஞ்சாத நிலை ஏற்பட்டு சாகத் துணிந்த மக்களை யாராலும் ஒன்றும் செய்ய முடியாது. மோடி வகையாறாக்களுக்கு மூளை சிறிதளவாவது இருந்தால், இதுபோன்ற ஆபத்தான முடிவை எடுக்க மாட்டார்கள். குஜராத்தைப்போல் எல்லா முஸ்லிம்களும் இருக்கமாட்டார்கள் என்பதை உணர்ந்த நடந்து கொள்வார்கள்.

 மன்னராட்சி நடக்கும் கற்காலத்தில் நாம் வாழவில்லை. உலக நாடுகளை அனுசரித்து ஆட்சி நடத்தும் காலத்தில் நாம் வாழ்கிறோம். சிறுபான்மை மக்களை நசுக்கி அடக்கி ஒடுக்கும் ஆட்சி நடத்தினால்,  வல்லரசுகளான கிறித்தவ நாடுகளும், அண்டை நாடுகளான முஸ்லிம் நாடுகளும், பொருளதாரத் தடை போன்ற நடவடிக்கை எடுப்பது நிச்சயம்.

 அப்படி நடந்தால் ஏற்றுமதி மற்றும் இறக்குமதி நின்றுவிடும். மருந்துகளுக்குக்கூட  தட்டுப்பாடு ஏற்படும். இன்னும் நினைத்துப் பார்க்க முடியாத நிலைமையை நாடு நிச்சயம் சந்திக்கும். எரிபொருள் தட்டுப்பாட்டால் வாகனங்கள் ஓட முடியாது. மாட்டு வண்டியில் மோடி பாராளுமன்றம் செல்லும் நிலை ஏற்படும். ஓட்டுப்போட்ட மக்கள் எல்லாம் கற்காலத்து மக்களைப்போல் நவீன(?) வசதிகளுடன் வாழும் நிலை ஏற்படும்.

 குஜராத் என்ற மாநிலத்தில் நடத்தப்பட்ட வெறியாட்டத்தை உலக நாடுகள் சாதாரணமாக எடுத்துக் கொண்டதுபோல் இந்திய அரசு நடந்துகொள்வதை எடுத்துக் கொள்ள மாட்டார்கள்.

 கற்பனை செய்து பார்த்தாலே குலை நடுங்குகிறது.

 தொழில் நுட்பத்தில் இந்தியாவை விட பன்மடங்கு உயர்ந்து நிற்கும் பெரும் பெட்ரோல் வளம் கொண்ட ஈரானால்கூட இதுபோன்ற நெருக்கடிகளைச் சமாளிக்க முடியவில்லை.

 ஈரானுக்கு ஏற்பட்ட நெருக்கடிகளைவிட பலமடங்கு நெருக்கடிகள் பலநாடுகளால் ஏற்பட்டு, மோடி நாட்டைவிட்டு ஓட்டம் பிடித்தாலும் ஆச்சரியம் இல்லை. 1900களில்  உருவாக்கப்பட்ட உளுத்துப்போன ஆர்.எஸ்.எஸ். கொள்கை நாட்டை அழித்து நாசமாக்கிவிட்டதை அப்போது மக்கள் உணர்வார்கள்.

 எனவே இடஒதுக்கீடு போன்ற சில பிரச்சினைகளில் சில்லரைத்தனமாக நடக்க முடியுமே தவிர, முஸ்லிம்களின் உயிருக்கும் உடமைக்கும் பாதிப்பை ஏற்படுத்தும் நடவடிக்கைகளில் இறங்க முடியாது.

 ஒவ்வொரு விளைவுக்கும் எதிர்வினை உண்டு என்ற மோடியின் பொன்மொழி நமக்கும் பொருந்தக்கூடியதுதான். எனவே மோடியைக் கண்டு நாம் பயப்படத் தேவையில்லை.

 நாம் எந்த ஆயுதத்தை எடுக்க வேண்டும் என்பதை நம் எதிரி தீர்மானிக்கிறான் என்ற தத்துவம் எக்காலத்திற்கும் பொருந்தக்கூடியதாகும்.

 ஆர்.எஸ்.எஸ். கொள்கையான ஒரே நாடு, ஒரே இனம் ஒரே கலாச்சாரம் என்பதை இவர்கள் செயல்படுத்த விரும்பினால் இன்னும் கடுமையான விளைவுகளை நாடு சந்திக்கும்.

 இந்து மதத்தில் உள்ள ஒவ்வொரு ஜாதிக்கும் ஒரு கலாச்சாரம் உள்ளது. பிராமணக் கலாச்சாரத்தை நாட்டு மக்கள் அனைவரின் கலாச்சாரமாக மாற்றும் இவர்களின் திட்டத்தை செயல்படுத்தினால், ஒவ்வொரு சாதியினரும் கொந்தளித்து எழுவார்கள். யானைக்கு வடகலை நாமம் போடுவதா தென்கலை நாமம் போடுவதா என்பதற்காக  கொலை விழும் நாட்டில் ஒரே கலாச்சாரத்தை செயல்படுத்த விரும்பினால், அதன் விளைவுகள் கடுமையானதாக இருக்கும்.

 ஒரே இனம் என்பது இந்துக்களை மட்டுமே கொண்ட தேசம் என்பதாக நினைக்கமுடியாது. ஒரே மொழிதான் இருக்க வேண்டும். மொழிவாரி மாநிலங்கள் இருக்கக்கூடாது என்பதுதான் இவர்களின் கொள்கை. தென்னிந்திய மொழி பேசும் மக்கள் மீது, இந்தி மொழி திணிக்கப்படும்.

 இந்தியாவின் ஆட்சி மொழி இந்திதான் என்று அரசியல் சாசனம் கூறுவதை எடுத்துக்காட்டி எல்லா மொழியையும் நசுக்குவார்கள். மாநிலங்களில் பிரிவினை முழக்கம் அதிகரிக்கும்.

 அனைவருக்கும் பொதுவான சிவில் சட்டம் என்பது முஸ்லிம்களுக்கு மட்டும் எதிரானது அல்ல. அனைத்து இந்துக்களுக்கும் ஒரே சட்டம் என்ற அர்த்தமும் இதில் அடங்கியிருக்கிறது.

திருமணம், அடக்கம் செய்தல், சடங்குகள், வழிபாட்டு முறைகள் ஆகியன இந்துக்கள் அனைவருக்கும் ஒரேமாதிரியாக இல்லை. ஒவ்வொரு மாநிலத்திற்கும், ஒவ்வொரு ஜாதிக்கும், ஒவ்வொரு பகுதிக்கும் தனித்தனியான வழிமுறைகள் உள்ளன.

 அனைவருக்கும் பொதுசிவில் சட்டம் என்று பிராமணர்களுக்கான சட்டத்தை அனைவரும் மீதும் திணிக்க முயன்றால், நாடு சுடுகாடாகிவிடும்.

 இவர்களின் எல்லா கொள்கைகளும் நாட்டை சுடுகாடாக்கும் நாசகாரக் கொள்கைதான்.

 எதையாவது பேசி ஆட்சிக்கு வந்துவிட்டு, வாஜ்பாய்போல் இன்னொரு காங்கிரஸாக இருந்தால் நல்லது.

 அதைவிடுத்து சங்பரிவாரத்தின் கொள்கைகளை இந்திய மக்கள் மீது திணிக்க முயன்றால், அனைத்து சாதியினரும், அனைத்து மொழிபேசும் மக்களும், ஒடுக்கப்பட்ட மக்களும், மதச் சிறுபான்மை மக்களும் ஒரு சேர கொதித்து எழுந்தால், அதை யாராலும் அடக்க முடியாது.

 எனவே மோடிக்கு நாம் அஞ்ச வேண்டியதில்லை.

 மோடியால் நாட்டுக்கு கேடுதான் ஏற்படும் என்பதை உணர்ந்து இந்துக்கள் அவரை புறக்கணித்தால் அதுவும் நல்லதுதான்.

 மோடியை அரியணையில் ஏற்றினால்,  சங்பரிவாரத்தின் கொள்கைக்கு அத்தோடு, மரண அடி கொடுக்கப்படும் என்பதால் அதன் முடிவும் நன்மையாகத்தான் இருக்கும்.

April 10, 2014, 10:37 AM

நரேந்திர மோடியைப் பிரதமராக்க நான் துணை போகமாட்டேன் என்று ஜெயலலிதா இன்றுவரை கூறவில்லையே?

நரேந்திர மோடியைப் பிரதமராக்க நான் துணை போகமாட்டேன் என்று ஜெயலலிதா இன்றுவரை கூறவில்லை. கருணாநிதி, ஸ்டாலின், ப.சிதம்பரம் மற்றும் கம்யூனிஸ்ட் தலைவர்கள் இதுபற்றி ஜெயலலிதா தெளிவாக அறிவிக்க வேண்டும் என்று மேடை தோறும் கேள்வி எழுப்பியும் வாய் திறக்காமல் இருக்கிறாரே, இதுபற்றி உங்கள் கருத்து என்ன?

 காங்கிரஸ் தனது மதவாதப் போக்கில் இருந்து திருந்திக் கொண்டால் காங்கிரஸை மன்னிக்கத் தயார் என்று கருணாநிதி கூறுவதன் பொருள் என்ன?

ஜெயலலிதாவும், கருணாநிதியும் தேர்தலுக்குப் பின் தமக்கு ஆதாயம் தரும் முடிவைத்தான் எடுப்பார்கள். மத்திய ஆட்சியில் தமக்கும் பங்கு இருந்தால்தான் தமிழகத்துக்கு நன்மை செய்ய முடியும் என்ற பதிலை ரெடிமேடாக வைத்துள்ளனர்.

 இருவரையும் இந்த விஷயத்தில் நாம் பிரித்துப் பார்க்க முடியாது.

 கருணாநிதியை எடுத்துக் கொண்டால் அவர் பா.ஜ.க.வுடன் கூட்டு சேர முயற்சித்து, பா.ஜ.க சேர்த்துக் கொள்ளாததால், கூட்டணி வைக்காமல் போனவர்.

 புதிய தலைமுறை தொலைக் காட்சியில் பா.ஜ.கவைச் சேர்ந்த பெண் தலைவி ஒருவர், திமுக சார்பில் கலந்து கொண்ட தலைவரை நோக்கி “எங்களை மதவாத சக்தி என்று சொல்லும் நீங்கள், எங்களுடன் கூட்டணிக்கு கெஞ்சினீர்கள், நாங்கள் ஏற்றுக் கொள்ளவில்லை என்பதை மறந்துவிட வேண்டாம் என்று சொன்னார். அந்த நிகழ்ச்சியில் கலந்துகொண்ட அந்த திமுக தலைவர, இதை மறுக்கவில்லை. உலகமே பார்த்துக்கொண்டு இருந்த இந்த நிகழ்ச்சியில் கூறப்பட்ட குற்றச்சாட்டை திமுக தலைமை இன்று வரை மறுக்கவில்லை.

 தேர்தலுக்குப் பின்னால் பார்த்துக் கொள்வோம் என்ற அடிப்படையில்தான் அவர்களுக் கிடையே முடிவாகியுள்ளது என்பது, உன்னிப்பாக கவனிக்கும் அனை வருக்கும் தெரிகின்றது.

 இதனால்தான் திருச்சிக்கு மோடியின் முதல் வருகையை எதிர்த்து சில முஸ்லிம் அமைப்புகளும், தமிழர் அமைப்புகளும் போராட்டம் நடத்தியபோது இதைக் கருணாநிதி கண்டித்தார்.

 ஏற்காடு இடைத்தேர்தலில் பா.ஜ.க ஆதரவைக் கேட்டு கடிதம் எழுதினார்.

தினமலருக்கு அளித்த பிரத்தியோகப் பேட்டியில் ”மோடி எனது நண்பர்” என்றார்.

 தேர்தலுக்குப் பின்னால் பா.ஜ.க.வை ஆதரிக்கலாமா என்பதை தேர்தலுக்குப் பின் முடிவு செய்வோம் என்றும் கூறினார்.

 இதனால் முஸ்லிம் வாக்குகள் முழுமையாக திசை மாறுவதை உணர்ந்து, மோடியும் ராகுலும் அல்லாத ஒருவர் பிரதமராக, ஆதரவு தெரிவிப்போம் என்று பல்டி அடித்தார்.

 ராகுல் பிரதமராக ஆதரவு இல்லை என்ற சொல்லில் இருந்தும் பல்டி அடித்து காங்கிரஸை மன்னிக்கத் தயார் என்று மாற்றினார்.

 காங்கிரஸ் மதவாதத்தைக் கைவிட்டால் காங்கிரஸை ஆதரிப்போம் எனக் கூறி, பா.ஜ.க போலவே காங்கிரசும் மதவாதக் கட்சி என்று இப்போது கூறுகிறார். இதுதான் இவரது கடைசி நிலையாக உள்ளது. (இதன் பிறகு அடிக்கும் பல்டிகள் எத்தனை என்று இனிமேல் தெரிய வரும்)

 மதவாதக் கட்சியாக காங்கிரஸ், இருந்தது இல்லை. மதவாதத்தைக் கைவிடுவதாக காங்கிரஸ் அறிவிக்கத் தேவையில்லை. கைவிடுவதாக அறிவித்தால் இதற்கு முன் மதவாதத்தில் அக்கட்சி இருந்ததாக ஆகிவிடும். காங்கிரஸ் எதை அறிவிக்காதோ அதை அறிவிக்குமாறு கருணாநிதி கேட்கிறார்.

 காங்கிரஸ் மதவாதத்தைக் கைவிடுவதாக அறிவிக்கவில்லை. எனவே பாஜக காங்கிரஸ் இரண்டுமே மதவாதக் கட்சிகள்தான். இரண்டில் ஒன்றைத்தான் ஆதரிக்க முடியும் என்பதால் பாஜகவை ஆதரிக்கிறேன் என்று தேர்தலுக்குப் பின்னால் சொல்வதற்காகவே காங்கிரஸ் மதவாதத்தைக் கைவிடுவதாக அறிவிக்க வேண்டும் என்று கூறியுள்ளார்.

 பத்தினிப் பெண்ணிடம் போய் இனிமேல் விபச்சாரம் செய்ய மாட்டேன் என்று, அறிவித்தால்தான் உன்னை நம்புவேன் என்று சொல்வதுபோல அவரது கடைசி வாக்குமூலம் உள்ளது.

 முஸ்லிம்களை ஏமாற்றுவதற்குரிய டயலாக்குகளும் அவரிடம் உள்ளது. அவரை ஆதரிக்கும் முஸ்லிம் இயக்கத்தினர் அதை எடுத்துக்காட்டி பிரச்சாரம் செய்கிறார்கள். இந்துத்துவா சக்திகளை ஏமாற்றும் டயலாக்குகளும் அவரிடம் உள்ளன. அவரை நம்பும் பா.ஜ.க.வினர் அதை மேற்கோளாகக் காட்டி தேர்தலுக்குப்பின் திமுகவின் ஆதரவைத்தான் கோருவோமே தவிர, அதிமுகவின் ஆதரவைக் கோரமாட்டோம் என்று கூறுவது இதனால்தான்.

 காங்கிரஸ் குறித்தும், மோடி குறித்தும் இந்த இரண்டு மாதத்தில் ஆயிரம் பல்டி அடித்தவருக்கு தேர்தல் முடிந்தபின் இன்னொரு பல்டி அடிப்பது எளிதானதுதான்.

 தேர்தலுக்குப் பின் பாஜக தலைமையில் ஆட்சி அமைக்க, நான் ஒரு போதும் துணை நிற்கமாட்டேன் என்று கருணாநிதி, தெளிவாகக் கூறவேண்டும் என்று ப.சிதம்பரம் கூறுகிறார்.

 அப்படி தெளிவாகக் கூறினாலும் கருணாநிதி அதை அப்பட்டமாக மீறுவதற்கு வெட்கப்பட மாட்டார். இது கருணாநிதியின் நிலை.

 ஜெயலலிதா தன்னைப் பிரதமர் என்று நேரடியாக சொல்லாவிட்டாலும் அப்படித்தான் ஆரம்பத்தில் காட்டிவந்தார்.

 இதை மெய்ப்பிக்கும் வகையில் மூன்றாவது அணியில் அங்கம் வகித்தார். கம்யூனிஸ்டுகள் ஆதரவு கிடைக்க வேண்டும் என்பதற்காக அவர்களுக்கு ராஜ்ய சபா சீட்டு வழங்கினார்.

 மம்தா, சந்திரபாபு நாயுடு போன்றவர்களின் ஆதரவையும் திரட்டினார்.

 இப்படி அவர் காட்டிக் கொண்டாலும், பாஜக ஆட்சி அமைக்க தனது எம்பி.க்கள் பலம் உதவுமானால் நிச்சயம் அவர் பாஜகவை ஆதரிக்கத் தவற மாட்டார்.

 நான் ஒரு போதும் மோடி பிரதமராக ஆதரவு தெரிவிக்க மாட்டேன் என்று அவர் கூறவேண்டும் என்று ப.சிதம்பரம் கேட்கிறார்.

 நான், ஒரு போதும் மோடியை ஆதரிக்க மாட்டேன் என்று ஜெயலலிதா சத்தியம் செய்து கூறினாலும் நம்மைப் பொறுத்தவரை அதை நம்ப மாட்டோம்.

 1999ல் நாம் நடத்திய வாழ்வுரிமை மாநாட்டில், அவர் இதுபோல் கூறினார். நான்தான் பாஜகவை ஆட்சியில் அமர்த்தினேன். நானே அதைக் கவிழ்த்துவிட்டேன். இனி ஒரு போதும் பா.ஜ.கவை ஆதரிக்கமாட்டேன் எனக்கூறிவிட்டு பின்னர் பா.ஜ.கவுடன் சேர்ந்தார்.

 ”எனவே ஜெயலலிதாவாக இருந்தாலும், கருணாநிதியாக இருந்தாலும் நாங்கள் பாஜகவை ஆதரிக்கவே மாட்டோம் என்று தெளிவான வார்த்தைகளால் சத்தியம் செய்து சொன்னாலும் அறிவுடைய மக்கள் அதை நம்பமாட்டார்கள்.”

 ஆனால் கருணாநிதி, இரு முகம் காட்டி இருவகையாக பேசுவதால், இவர் பாஜகவை ஆதரிக்கமாட்டார் என்று அப்பாவிகள் நம்புவதற்கு வாய்ப்பு அதிகம் உள்ளது.

 ஜெயலலிதா பாஜக பற்றி வாய் திறக்காததால் அவர் பாஜக பக்கம்தான் போவார் என்று அப்பாவிகள் நம்பும் வாய்ப்பு அதிகம் உள்ளது.

 ”ஜெயலலிதா கருணாநிதி இருவர் மீதும் விருப்பு வெறுப்பு இல்லாமல், இருவரது கடந்த கால செயல்பாடுகளைச் சீர்தூக்கி பார்க்கும் மக்கள் தான் இதைப்புரிந்து கொள்வார்கள்.”

 கருணாநிதி, பாஜகவை ஆதரிக்க மாட்டேன் என்பதுபோல பேசுகிறார். ஆனால் ஜெயலலிதா வாய் திறக்கமாட்டேன் என்கிறார் என்பதை மட்டும் பார்க்கும் அப்பாவி முஸ்லிம்களின் ஆதரவை ஜெயலலிதா, இழப்பார். ஜெயலலிதா, பாஜகவை ஆதரிப்பார் என்ற பிரச்சாரம் ஓரளவு எடுபடக்கூடிய அறிகுறிகள் தென்படுகின்றன.

 ஆனால் “கருணாநிதி பாஜக பக்கம் போகமாட்டார் என்று நம்பும் இவர்கள் பின் ஏமாறுவார்கள். இருவருமே பாஜகவின் இரகசிய நண்பர்கள் என்று நம்புவதால் நமக்கு எந்த ஏமாற்றமும் ஏற்படாது.

 எனவே ஜெயலலிதாவின் மவுனம் முஸ்லிம்கள் மத்தியில் அவருக்கு இருந்த ஆதரவைக் குறைக்கும் வாய்ப்பு அதிகம் என்பதை நாம் உறுதிபடக் கூறிக்கொள்கிறோம்.”

 ஆட்சி அமைக்க 272 எம்பிக்கள் ஆதரவு தேவை என்பதை நாம் அறிவோம்.

 பாஜக.வுக்கு அந்த அளவு பெரும்பான்மை கிடைக்கும் என்று பாஜகவிடம் விலை போன ஊடகங்கள் கூட, கருத்துக் கணிப்பில் கூற முடியவில்லை.

 கடைசியாக பாஜக ஆதரவு ஊடகங்கள் வெளியிட்ட கருத்துக் கணிப்பில், பாஜகவுக்கும், பாஜகவுடன் கூட்டு சேர்ந்த கட்சிகளுக்கும் சேர்த்து 233 இடங்கள் கிடைக்கும் என்கிறார்கள். எனவே, இன்னும் நாற்பது எம்பி.க்களின் ஆதரவு தேவைப்படும். இதற்காக பல்வேறு மாநிலக் கட்சிகளிடம் பாஜக பேரம் பேசும்.

 அதிமுக 20, திமுக 20 என்ற அளவில் வெற்றி பெற்றால் இரு கட்சிகளில் ஏதாவது ஒரு கட்சியின் ஆதரவைத்தான் பெறமுடியும். இரு கட்சிகளுமே பாஜகவுக்கு ஆதரவு அளிக்க போட்டி போடுவார்கள். ஒரு லட்சம் கோடி இரண்டு லட்சம் கோடி என்று ஊழல் செய்ய உதவும் பதவிகளை அடைய இருவரும் துடிப்பார்கள்.

 ஐந்து ஆண்டுகள் தமிழகத்தில் ஆட்சியில் இருந்து சம்பாதித்ததை(?) விட பல மடங்கு ஒரே ஒரு மத்திய அமைச்சர் பதவியின் மூலம் சம்பாதிக்க முடியும். இதை இருவருமே எளிதாக விட்டுவிட மாட்டார்கள்.

 இருவருமே பாஜகவை ஆதரிக்க போட்டி போடும்போது, 13 மாதங்களில் ஆதரவை வாபஸ் பெற்று வாஜ்பேய் ஆட்சியைக் கவிழ்த்த ஜெயலலிதாவை விட, கருணாநிதியைத்தான் பாஜக தேர்வு செய்யும். குஜராத் கலவரம் போன்ற இன அழிப்பு நடந்தாலும், கருணாநிதி நம்மை உறுதியாக ஆதரிப்பார் என்றுதான் பாஜக நினைக்கும்.

 நாற்பது இடங்களையும் ஜெய லலிதா கைப்பற்றினார் என்று வைத்துக் கொள்வோம். அப்போது மானம் கெட்ட பாஜக அதிமுகவின் ஆதரவை நாடும். அதிமுகவும் ஆதரிக்கும்.

 நாற்பது இடங்களையும் திமுக வென்றாலும் இதுதான் நடக்கும்.

 ஆட்சியில் பங்கேற்று பதவிகளைப் பெற்று தம்மை வளப்படுத்திக் கொள்வதற்குத்தான் அரசியல் நடத்துகிறார்களே தவிர, சேவை செய்வதற்கு அல்ல.

 பாஜகவுக்கு கிடைக்கும் என்று கணிக்கப்பட்ட 233 இடங்கள், காங்கிரசுக்குக் கிடைப்பதாக வைத்துக் கொண்டாலும் இதே நிலைதான் ஏற்படும்.

 திமுக 20, அதிமுக 20 என்று வெற்றி பெற்றாலும் இருவரும் காங்கிரசை ஆதரிக்க நான், நீ என்று போட்டி போடுவார்கள். 3ஜி ஊழல் பிரச்சினை வந்தபோது, திமுகவை கழற்றிவிட்டால் காங்கிரசை ஆதரிக்க நான் தயார் என்று ஜெயலலிதா பகிரங்கமாக அறிவித்ததை நாம் மறந்து விட முடியாது.

 ஆனால் இருவரும் போட்டி போட்டுக்கொண்டு காங்கிரஸை ஆதரிக்க முன்வந்தாலும் காங்கிரஸ், திமுக ஆதரவைத்தான் ஏற்றுக்கொள்ளும். ஜெயலலிதா, சோனியாவை அவமானப்படுத்தியதை காங்கிரஸ் மறக்காது.

 எல்லா தொகுதிகளையும் அதிமுக கைப்பற்றினால், தனது ஆதரவினால் காங்கிரஸ் ஆட்சி அமையும் என்றால் இரண்டு கட்சிகளுமே மானத்தை இழந்து கூட்டு சேருவார்கள்.

 காங்கிரசுடன் பாஜக கூட்டுசேராது, அதிமுகவுடன் திமுக கூட்டுசேராது என்பது மட்டுமே இன்றைய நிலையில் உறுதியானது.

 மற்ற யாருடனும், யாரும் கூட்டு சேருவார்கள். அரசியல் என்பது பதவி பெற்று சம்பாதிப்பதற்குத்தான். இதைப் புரிந்து கொள்ள வேண்டும்.

 முடிவாகச் சொல்வது என்றால் ஜெயலலிதா, கருணாநிதி இருவருமே பாஜகவுடன் சேர்வதால் லாபம் கிடைக்கும் என்றால் சேர்வார்கள். ஆனால் ஜெயலலிதா, பாஜக பற்றி வாய் திறக்காமல் இருப்பது, நுணுக்கமான விஷயத்தைப் புரிந்து கொள்ளாத முஸ்லிம்களின் ஆதரவை இழக்கச் செய்யும் என்பதில் சந்தேகம் இல்லை.

 இடஒதுக்கீட்டுக்காக ஆதரிக்க வேண்டும் என்ற முடிவில் இருக்கும் முஸ்லிம்களின் ஆதரவில் சிறிய அளவிலாவது இந்த மவுனம் பாதிப்பை ஏற்படுத்தும் என்பதை ஜெயலலிதா உணர்வது, அவருக்கு நல்லது.

April 4, 2014, 8:02 PM

அதிமுக விற்கு ஆதரவாக ஏன் பிரச்சாரத்தில் இறங்கவில்லை ?

முஸ்லிம்களின் இடஒதுக்கீட்டை உயர்த்தித் தருவதற்காக ஆணையம் அமைத்த காரணத்தால் அதிமுகவை ஆதரிக்க தவ்ஹீத் ஜமாஅத் முடிவு செய்துள்ளது. ஆனால் ஜெயலலிதா அவர்களின் பிரச்சாரக் கூட்டங்களில் நமது கொடிகளைக் காணவில்லை. மாநில நிர்வாகிகளின் சூறாவளிப் பிரச்சாரத்தையும் காணவில்லை. இதற்குக் காரணம் என்ன? 
 

எந்தக் கட்சியை நாம் ஆதரிப்பதாக இருந்தாலும் தார்மீக ஆதரவு என்றால் அதற்கு எந்தச் செலவும் இல்லை. ஆனால் தீவிரப் பிரச்சாரம் செய்வதாக இருந்தால் அதற்கு பெரிய அளவில் பொருட் செலவு தேவைப்படும். நம் ஜமாஅத்தில் இது போன்ற பணிகளுக்குச் செலவிட எந்த நிதியும் இல்லை. 

மார்க்கப் பணிகளுக்காக மக்கள் தரும் நிதியை தேர்தல் பிரச்சாரத்துக்கு பயன்படுத்தினால், இது, நிதி அளித்த மக்களை ஏமாற்றுவதாகத்தான் இருக்கும்; மார்க்கத்திலும் இது பாவமாக ஆகிவிடும்.

தேர்தல் பிரச்சாரச் செலவுகளை நாம் ஆதரிக்கும் கட்சிகளே ஏற்றுக் கொண்டால்தான் நாம் பிரச்சாரத்தில் ஈடுபடமுடியும்.

தேவையான பணத்தை வந்து வாங்கிக் கொண்டு பிரச்சாரத்தை ஆரம்பியுங்கள் என்று, நாம் ஆதரிக்கும் கட்சியின் சார்பில் நம்மிடம் சொல்லப்பட்டது.

மாநில நிர்வாகிகள் ஆலோசனை செய்து, எக்காரணம் கொண்டும் பணமாகப் பெற்றுக் கொள்ள மாட்டோம் என்று முடிவெடுத்து அம்முடிவை அவர்களிடம் உறுதிபடக் கூறிவிட்டோம்.

பெரிய அளவில் பொதுக்கூட்டம் நடத்த வேண்டும் என்று நீங்கள் விரும்பினால் உங்கள் சொந்தப் பொறுப்பில் மேடை உள்ளிட்ட சகல ஏற்பாடுகளையும் செய்து தாருங்கள்! சூறாவளிப் பிரச்சாரம் செய்ய வேண்டும் என்று விரும்பினால் அதற்கான பிரச்சார வாகனங்களைத் தந்து அதற்கான செலவுகளையும் உங்கள் பொறுப்பில் செய்தால் பிரச்சாரம் செய்கிறோம். துண்டுப் பிரசுரங்களுக்காக நாங்கள் வாசக மேட்டர் தருகிறோம். துண்டுப் பிரசுரங்களாக அச்சிட்டு தாருங்கள் என்று விளக்கமாக அவர்களிடம் சொல்லிவிட்டோம்.

தேர்தல் கமிஷனின் கெடுபிடியால் இதையெல்லாம் எங்கள் பொறுப்பில் செய்தால் வேட்பாளரின் கணக்கில் சேர்ந்துவிடும். சட்ட சிக்கல் ஏற்படும் என்று எங்களிடம் அவர்கள் விளக்கினார்கள்.

அவர்கள் கூறுவது நியாயமான காரணமாக இருந்தாலும் நாம் கூறுவது அதை விட நியாயமாக இருப்பதால் தீவிரப் பிரச்சாரப் பணிகள் செய்யப்படாமல் உள்ளன.

கடந்த காலங்களில் செலவுகளுக்காக பணத்தைப் பெற்று முறையாகச் செலவிட்டு கணக்குகளையும் மீதிப் பணத்தையும் நாம் ஒப்படைத்துள்ளோம்.

அவர்களின் பணத்தில் அவர்களுக்காக செலவிட்டாலும் ஏதோ நமக்காக பணம் தந்ததுபோல அவர்களின் போக்கு மாறிவிடுவதை நாம் கண்டோம். நமக்கு எந்த ஆதாயமும் இல்லாமல் தூய்மையாக நடந்து கொண்டாலும் பணம் பெற்றபின் நம்மிடம் கூடுதல் மரியாதையை அவர்கள் எதிர்பார்ப்பதை நாம் அவ்விடத்தில் உணர்ந்தோம்.

பணம் வாங்கி தேர்தல் பணி செய்யும் போது மற்றவர்கள் பாதியைச் சாப்பிட்டுவிட்டு மீதியை தேர்தல் பணிகளுக்காக செலவிடுவார்கள். அது போல்தான் அவர்கள் நம்மையும் கருதுவார்கள். எவ்வித ஆதாயமும் இல்லாமல் உழைக்க முடியுமா என்றும் அவர்கள்  கருதுவார்கள் மறுமை நன்மைக்காகவும், சமுதாய நன்மைக்காகவும் மனிதன் பணியாற்ற முடியும் என்பதை உண்மை முஸ்லிம்கள் தவிர மற்றவர்களால் புரிந்து கொள்ள முடியாது.

இதையெல்லாம் கருத்தில் கொண்டுதான் எக்காரணம் கொண்டும் பணமாக வாங்கக் கூடாது என்ற முடிவில் உறுதியாக இருக்கிறோம். நம் நிலைப்பாட்டுக்கு ஏற்ப நம்மைப் பயன்படுத்திக் கொண்டால், நம்மை பயன்படுத்திக் கொள்ளட்டும். இல்லாவிட்டால் தவ்ஹீத் ஜமாஅத் ஆதரவு பெற்ற சின்னம் என்று அவர்களே பிரச்சாரம் செய்து முஸ்லிம்களின் வாக்குகளைப் பெற்றுக் கொள்ளட்டும் என்று தெரிவித்துவிட்டோம்.
நமக்கும் மற்றவர்களுக்கும் இன்னொரு முக்கிய வித்தியாசம் உள்ளது.

அதிமுகவினர் ஏற்பாடு செய்யும் கூட்டங்களில் அனைத்து கூட்டணிக் கட்சி பிரமுகர்களையும் மேடையில் ஏற்றி ஒரே செலவில் அனைவரது பிரச்சாரத்தையும் அவர்கள் பெற்றுவிட முடியும்.

மற்ற மேடைகளின் மார்க்க முரணான காரியங்கள் நடக்கும் என்பதால் நாம் அதில் ஏற முடியாது. எனவே நமக்காக தனி மேடைகள் அமைப்பது அவர்களுக்கு இரட்டைச் செலவாகிவிடும் என்பதையும் நாம் கவனத்தில் கொள்கிறோம். தேர்தல் கமிஷன் நிர்ணயித்த வரம்பை இது தாண்டிவிடும்.

மானமும், மரியாதையும், நாணயமும், நம்பிக்கையும்தான் எங்களுக்கு முக்கியமானது என்ற கொள்கை முடிவின் காரணமாக இது போன்ற நிலை ஏற்படுகிறது என்பதை புரிந்துகொள்ள வேண்டும்.

தொகுதி பொறுப்பாளர்களுக்கும் இதுகுறித்து அறிவுறுத்தியுள்ளோம்.

நாம் ஆதரிக்கும் கட்சிகளின் கூட்டங்களுக்குப் போய் கொடியைத் தூக்கிக் காட்டும் கலாச்சாரத்தை நாம் எப்போதுமே தவிர்த்து வந்துள்ளோம்.  

நாம் ஆதரிக்கிறோம் என்பதைக் காட்டும் வகையில் இரண்டு மூன்று  கொடிகளைப் பறக்க விடலாம் என்றும் அறிவுறுத்தப்பட்டுள்ளது. இதனால் தான் அதிமுக கூட்டங்களில் நம்முடைய கொடிகளைப் பார்க்க முடியவில்லை. இது வழக்கமாக நாம் கடைப்பிடிக்கும் நிலைப்பாடுதான்.
 

March 25, 2014, 11:47 AM

காந்தியின் பெயரை கூறி சோனியா காந்தி ஏமாற்றுவதாக மோடி கூறுகின்றாரே ?

கேள்வி

காந்தியின் பெயரைத் தம் பெயருடன் இணைத்து சோனியா, ராகுல் ஆகியோர் மக்களை ஏமாற்றுவதாக மோடி பேசியுள்ளாரே? 

- அபூ ஆயிஷா, திருச்சி

பதில் :

உளறிக் கொட்டுவதிலும் மடத்தனமாகப் பேசுவதிலும். வரலாற்றைப் புரட்டுவதிலும் மோடிக்கு நிகர் யாருமில்லை. 

ஊடகங்கள் ஆதாரத்துடன் மோடி சொன்னதை தவறு என்று அம்பலப்படுத்தி மானத்தை வாங்கினாலும், அவர் திருந்துவதாக இல்லை. காந்தியின் பெயரைக் கூட மோகன்தாஸ் என்பதற்குப் பதில் மோகன்லால் என்று சொன்ன அதிமேதாவிதான் மோடி.

அது போன்ற மடத்தனத்தைத்தான் இப்போதும் அரங்கேற்றியுள்ளார்.
இந்திராகாந்தி, ராஜீவ் காந்தி, சஞ்சய் காந்தி, சோனியா காந்தி, ராகுல் காந்தி ஆகியோரின் பெயர்களில்  மோகன் தாஸ் கரம்சந்த் காந்தியைச் சேர்த்துக் கொள்ளவில்லை.

இந்திரா பிரியதர்சினி அவர்கள் பெரோஸ் காந்தியை திருமணம் செய்தபின் கணவரின் பெயருடன் சேர்த்து இந்திரா காந்தி என்று அழைக்கப்பட்டார். அவரது மகன்களான ராஜீவ் காந்தியும் சஞ்சய் காந்தியும் தமது தந்தையின் பெயரைத்தான் சேர்த்துக்கொண்டார்கள்.

ராஜீவ் காந்தியின் மனைவி சோனியா காந்தி என்றும் சஞ்சய் காந்தியின் மனைவி மேனகா காந்தி என்றும் அழைக்கப்பட்டதும் பெரோஸ் காந்தி குடும்பம் என்பதால் தான். அந்த மேனகா காந்தி பாஜவில் சேர்த்துக் கொள்ளப்பட்டாரே, அவரை ஏன் மேனகா காந்தி என்று மோடி குடும்பம் அழைக்கிறது?

மோடியின் உளறல் பட்டியலில் இதுவும் சேர்கின்றது. ஒரு மூடரா இந்த நாட்டை ஆள்வது என்று மக்கள் சிந்திக்கத் தொடங்கிவிட்டனர்.
 

February 25, 2014, 5:54 PM

ராஜீவ் காந்தி கொலைக் குற்றவாளிகளை விடுதலை செய்தது சரியா ?

கேள்வி : ராஜீவ் காந்தி படுகொலையில் சம்மந்தப்பட்டவர்களுக்கு முன்னர் தூக்குத் தண்டனை விதித்த உச்சநீதிமன்றம், இப்போது அதை ஆயுள் தண்டனையாக மாற்றி உத்தரவிட்டுள்ளது. இது சரியான நடவடிக்கைதானா?

மேலும் மத்திய மாநில அரசுகள் அவர்களை விடுதலை செய்யலாம் என்றும் உச்சநீதிமன்ற பெஞ்ச் அறிவுரை வழங்கியுள்ளது சரியா? மூன்று நாள் கெடுவுக்குள் அவர்களை விடுவிக்காவிட்டால் மாநில அரசு தன் அதிகாரத்தைப் பயன்படுத்தி விடுதலை செய்யும் என்று தமிழக அரசு அறிவித்ததன் காரணம் என்ன?

அதிகமான மக்கள் இதை வரவேற்கும் போது தமிழ்நாடு தவ்ஹீத் ஜமாஅத் இதை வரவேற்கிறதா?

------- ஷேக் ஃபரீத், சென்னை.

பதில் :

நீதிமன்றத்தின் தீர்ப்பு சரியானதா என்பதை அறிவதற்கு முன் மரண தண்டனை சரியானதுதானா என்பதைப் பார்ப்போம்.

குற்றங்கள் குறைவதற்கும், குற்றவாளிகளால் பாதிக்கப்பட்ட வர்கள் தங்களுக்கு நீதி கிடைத்துவிட்டதாக மன நிறைவு அடைவதற்கும்  தண்டனைகள் கடுமையாக்கப்படவேண்டும்.

குற்றவாளிகளால் பாதிக்கப்பட்டவர்கள் மனநிறைவு அடையாதவகையில்,  குற்றவாளிகள் மெனமையாகத் தண்டிக்கப்பட்டால், அது பாதிக்கப்பட்டவனுக்கு நீதி வழங்கியதாக ஆகாது.

மரண தண்டனை வேண்டாம் என்று கூப்பாடு  போடுபவர்கள் ஏன் வேண்டாம் என்கிறார்கள் என்றால் அவர்கள்  பாதிக்கப்படவில்லை என்பது மட்டுமே இதற்குக் காரணமாகும்.

மனித உரிமை என்ற பெயரில் குற்றவாளிகளுக்கு ஆதரவாகக் குரல் கொடுக்கும் இவர்களுக்கு இந்த பாதிப்பு ஏற்பட்டால் என்ன செய்வார்கள்?

மரண தண்டனையை எதிர்க்கும் மனிதாபிமானிகளின் மனைவியர், செல்லமாக வளர்த்த பிள்ளைகள், பேரப்பிள்ளைகள் மற்றும் உடன்பிறந்தவர்கள் கொடூரமாகக் கொல்லப்பட்டால் மரண தண்டனை வேண்டாம்; என் பிள்ளைகள் போனால் போகட்டும் என்று சொல்வார்களா? ஒருக்காலும் சொல்ல மாட்டார்கள்.

தனக்கென்று வரும்போது ஒரு நிலையும் மற்றவருக்கு வேறு நிலையும் எடுப்பதுதான் முதல்தரமான அயோக்கியத் தனமாகும்.

சட்டப்படி மரண தண்டனை கொடுப்பதை எதிர்ப்பவர்கள் தாங்கள் அரசியல் வளர்ச்சிக்கு இடையூறாக இருப்பவர்களைக் கொல்கிறார்கள்.

இவர்களை, மேடையில் ஒருவன் தரக்குறைவாகப் பேசினால் அவன் மேல் வழக்குப் போடுகிறார்கள். அல்லது ஆள் வைத்து அடிக்கிறார்கள்.

மரண தண்டனை வேண்டுமா என்று தொலைக்காட்சிகளில் விவாதம் நடக்கும்போது இவர்களின் கருத்தை எதிர்த் தரப்பு கடுமையாக மறுத்தால் எதிரியைக் கொன்று போடுவதைப்போல் தலையை சிலுப்பிக் கொண்டு ரவுடிகள் போல கூச்சல் போடுகிறார்கள்.

இவர்கள் வீட்டில் திருடியவனை இவர்கள் மன்னிக்க மாட்டார்கள்.  இவர்களின் ஒரு ஜான் நிலத்தை ஒருவன் அபகரித்துக் கொண்டால் அதை மன்னித்து, விட்டுக் கொடுக்கமாட்டார்கள்.

இவர்களின் கிறுக்குத் தனமான கருத்தை நாம் விமர்சித்தால் அப்போது நம்மை பக்கம் பக்கமாக திட்டித் தீர்ப்பார்கள்.

தன்மீது துரும்பு விழுந்தாலும் மன்னிக்காமல், வாழ்நாள் முழுவதும்  நடந்து கொள்வார்கள். பாதிக்கப்பட்டவன் மற்றவன் என்றால் அப்போது மட்டும் இரக்கமும் கருணையும் பீறிட்டு வரும்.

போலி மனித உரிமை பேசுவோர்,  போலி பகுத்தறிவாளர்கள் தங்கள் இயக்கத்தில் இருந்து எத்தனையோ பேரை நீக்கியுள்ளனர். கணக்கு கேட்டதற்காகவோ, அடித்த கொள்ளையில் பங்கு தரவில்லை என்பதற்காகவோ, என்னை விட இவன் முந்துவதா என்ற காழ்ப்புணர்ச்சியின் காரணமாகவோ அவர்களை கட்சியைவிட்டு நீக்குகிறார்கள்.

போலி மனித உரிமை பேசும் இந்த அநியாயக்காரர்கள் தங்களுக்கு ஏற்படும்  அற்பத்திலும் அற்பமான இழப்புகளைக் கூட மன்னித்ததில்லை. இனியும் மன்னிக்கமாட்டார்கள்.

கொலை செய்யப்பட்டவர்கள் மட்டும்தான்  இவர்கள் பார்வையில் மனிதர்கள். பாதிக்கப்பட்டவர்கள் இவர்கள் பார்வையில் மனிதர்கள் அல்லர். பாதிக்கப்பட்டவர்களின் குடும்பத்தினரும் இவர்கள் பார்வையில் மனிதர்கள் அல்லர்.

படுகொலை செய்யப்பட்ட ராஜீவ் காந்தியின் மனைவி சோனியாவும், அவரது மகன்  ராகுல் காந்தியும், மகள் பிரியங்கா காந்தியும் கொலையாளிகளை மன்னித்தால் அப்போது கருணை காட்டலாம். 

அதுபோல ராஜீவ் காந்தியுடன்  கொல்லப்பட்ட 17 நபர்களின் மனைவி மக்களும் மன்னிக்கச் சொன்னால் அப்போது கருணை காட்டலாம். பாதிக்கப்பட்டவன் தனக்கு நீதி கிடைத்துவிட்டதாக மனநிறைவு அடைவதுதான் இதில் முக்கியமாகக் கவனிக்க வேண்டியது.

இதுதான் நியாயமான நிலைப்பாடு. மனித உயிர்களை மதிக்கும் உயர்ந்த நிலைப்பாடு.

மரண தண்டனை சரியில்லை என்று கேமராக்களின் முன்னால் காட்டுக் கூச்சல் போடுவோரும் மாநாடுகளில் தீர்மானம் போடுவோரும் இந்தக் கேள்விகளுக்கு நேர்மையான பதிலைத் தர முடியாது.

மனித உரிமை என்ற பெயரில் அநியாயம் செய்யும் இவர்களை மரண தண்டனை  குறித்து விவாதிக்கத் தாயாரா என்று நாம் அறை கூவல் விடுத்து வருகிறோம். கருணாநிதிக்கும் விவாத அழைப்பு விடுத்தோம். மரண தண்டனை கூடாது என்பதை நியாயமாகவும், தர்க்க ரீதியாகவும் இவர்களால் நிரூபிக்க இயலாது என்பதால் பொது விவாதத்துக்கு வராமல் ஓட்டம் பிடிக்கிறார்கள்.

அறிக்கைகளிலும் பேஸ்புக்கு களிலும் சொன்னதையே திரும்பத் திரும்பச்  சொல்லிக் கொண்டு இருக்கிறார்கள். மரண தண்டனையை விவாத அரங்கில் இவர்கள் நிரூபிக்க முடியாமல் ஓட்டம் பிடிப்பதில் இருந்து மரண தண்டனை தேவையான சட்டம்தான் என்பதை அறிந்து கொள்ளலாம்

தண்டனைகள் குறித்து இதுதான் எங்கள் நிலைப்பாடு. விவாதித்து இது தவறு  என்று எவராலும் நிரூபிக்க முடியாத, முரண்பாடு இல்லாத, நீதியான நிலைப்பாடும் இதுவே.

இனி உச்சநீதிமன்றத் தீர்ப்பு குறித்து எழும் ஐயங்களை நாம் பார்ப்போம்.

நமது நாட்டுச் சட்டத்தில் குறிப்பிட்ட குற்றங்களுக்கு மரண தண்டனை அளிக்க முடியும்.

மரண தண்டனைக்குரிய குற்றத்தை ஒருவன் செய்துள்ளான் என்று கீழ்நிலை நீதிமன்றங்களில் இருந்து உச்சநீதிமன்றம் வரை நிரூபிக்கப்பட்டால், அவனுக்கு மரண தண்டனை வழங்க வேண்டும் என்ற சட்டம் சரியானது என்றாலும் அதை அர்த்தமற்றதாக்கும் விதிவிலக்குகளையும் நமது சட்டம் கொண்டுள்ளது.

மரண தண்டனை விதிக்கப்பட்டவர் குடியரசுத் தலைவருக்கு கருணை மனு போட்டு  அதை குடியரசுத் தலைவர் ஏற்றுக் கொண்டால், மரண தண்டனை ரத்தாகி விடும்.

கொல்லப்பட்டவன் குடியரசுத் தலைவரின் மகனாக அல்லது மனைவியாக இருந்தால் அவர் மன்னிக்கலாம். ஒருவனின் தந்தையை இன்னொருவன் கொலை செய்தால் அதனால் அவன் பாதிக்கப்பட்டுள்ளான். எனவே அவன்தான் அதுகுறித்து முடிவு எடுக்க வேண்டும். 

கொல்லப்பட்டவனுக்கு மாமனாகவோ மச்சானாகவோ, உறவினராகவோ இல்லாத  குடியரசுத் தலைவர் மரண தண்டனையை மன்னிக்கலாம் என்றால், எதற்காக மரண தண்டனை சட்டப்புத்தகத்தில் இடம் பெற்றதோ அதற்கு அர்த்தமில்லாமல் போய்விடும்.

குடியரசுத் தலைவர் கொலை செய்தாலும் அவரையும் துக்கில் போட வேண்டும் என்பதுதான் சரியான சட்டமாகும். குடியரசுத் தலைவர் பெரும்பாலும் கட்சிகளில் இருந்துவிட்டு தள்ளாத வயதில் குடியரசுத் தலைவராக்கப்படுகிறார்.அவர் எந்தக் கட்சியில் இருந்து வந்தாரோ, அந்தக் கட்சியினர் மீது அவருக்கு கருணை பொங்கும்.எதிர்க்கட்சியினர் மீது கருணை வராது.

அவரது கட்சியியைச் சேர்ந்தவர்கள் கொலை செய்தால் அவரை  மன்னித்துவிடுவார். அவரது சொந்த பந்தங்கள் கொலையாளிகளாக இருந்து கருணை மனு போட்டால் அவர்களையும் மன்னித்து விடுவார்.

இதுதான் ஜனநாயகமா?  இதுதான் அனைவருக்குமான சமநீதியா? மரண தண்டனை உண்டு; ஆனால் இல்லை என்ற இந்தப் போக்கினால் சட்டம் கேலிக்கூத்தாக்கப்படுகிறது. 

குற்றவாளியைக் கண்டுபிடிக்கவும், கைது செய்யவும், சாட்சிகளையும்  ஆதாரங்களையும் திரட்டவும் பல ஆண்டுகள் உழைத்த புலனாய்வு அதிகாரிகள் வெட்டி வேலை பார்க்கிறார்களா? 

மக்களின் கோடிக்கணக்கான வரிப்பணத்தில் எதற்காக நீதிமன்றங்களில் பணத்தையும் காலத்தையும் விரயம் செய்ய வேண்டும்?

நாட்டு மக்கள் அனைவரையும் ஒரு உத்தரவில் முட்டாள்களாக்கும் அதிகாரம்  குடியரசுத் தலைவருக்கு இருந்தால் அது ஒருக்காலும் மக்களாட்சி ஆகாது.

இந்தக் கிறுக்குத் தனமான விதிவிலக்கு சட்டத்தில் இல்லாதிருந்தால் தூக்குத் தண்டனை விதிக்கப்பட்டவர்கள் எப்போதோ தங்கள் தண்டனையை அனுபவித்து இருப்பார்கள்.

இந்த விதிவிலக்கு நியாயமற்றதாக இருந்தாலும், இந்த விதிவிலக்கு  சட்டத்தில் இருக்கும்வரை இதன்படிதான் நீதிமன்றங்கள் தீர்ப்பளிக்க முடியும்.

இதைக் குப்பைக் கூடையில் வீசிவிட்டு எந்த நீதிமன்றமும் தீர்ப்பளிக்க முடியாது.

கருணை மனு குறித்து குடியரசுத் தலைவர் முடிவு செய்யாமல்  தாமதித்ததால், குற்றவாளிகள் மன உளைச்சலுக்கு ஆளானார்கள்; பல வருடங்கள் வேதனையை அனுபவித்துவிட்டார்கள்; மரண தண்டனையவிட அதிகத் துன்பத்தை அவர்கள் அடைந்துவிட்டதால் அவர்களின் தூக்குத்தண்டனை ஆயுள் தண்டனையாக ஆக்கப்படுகிறது என்பதுதான் உச்சநீதிமன்றத் தீர்ப்பின் சாராம்சம்.

இது சட்டப்படியான தீர்ப்பு அல்ல. இஷ்டப்படியான தீர்ப்பு என்று நாம் கருதுகிறோம்.

நீதிமன்றங்கள் சட்டப்படி இல்லாமல், பொருந்தாத வியாக்கியானம் கூறி தீர்ப்பளிப்பது தற்போது அதிகமாகிக் கொண்டே இருக்கிறது. அனைத்துத் துறைகளின் மீதும் நம்பிக்கை கொண்ட மக்கள் நீதிமன்றத்தின் மீது ஓரளவு நம்பிக்கை வைத்து இருந்தார்கள். அது தற்போது குறைந்து வருகிறது.

அப்சல் குருவுக்கு தூக்குத்தண்டனை வழங்கிய நீதிபதிகள் சட்டத்தின்படி  அவரைக் குற்றவாளி என்று நிரூபிக்கவில்லை. தேசத்தின் கூட்டுமனசாட்சி இவரைத் தூக்கில் போடவேண்டும் என்பதாக இருப்பதால் தூக்குத்தண்டனை விதிக்கிறேன் என்றார்கள். அதைக் கேடுகெட்ட மத்திய அரசு செயல்படுத்தியும் விட்டது.

முஸ்லிம் என்ற காரணத்தால் அவன் செய்த குற்றம் நிரூபிக்கப்படா  விட்டாலும் அவனைத் தண்டிக்க வேண்டும் என்ற துவேசம் நீதிபதியின் உள்ளத்தில் இருந்ததால்தான் சட்டப்படி இல்லாமல் தேசத்தின் மனசாட்சி என்று சொல்லி தீர்ப்பளிக்க முடிந்தது.

அப்படியானால் இந்தியத் தண்டனைச் சட்டங்கள் எதற்கு? சாட்சியச் சட்டங்கள் எதற்கு?

டெல்லிப் பெண் கற்பழித்துக் கொல்லப்பட்ட வழக்கில்தான் நாமறிந்தவரை தேசத்தின் கூட்டு மனசாட்சி மரணதண்டனை கொடுக்க வேண்டும் என்று இருந்தது. போலி மனிதஉரிமைவாதிகள்கூட வாய் திறக்க முடியாத அளவுக்கு தேசம் கொந்தளிப்பாக இருந்தது.

தேசத்தின் கூட்டு மனசாட்சியின் படி, அந்தக் கொலையாளிகளுக்கு தூக்குத் தண்டனை அளிக்கப்பட்டதா?

தேசத்தின் கூட்டு மனசாட்சி என்பதும் பொய் என்பது இதில் இருந்து தெரிகிறது. தாங்கள் எதை விரும்புகிறார்களோ அதன் படி தீர்ப்பளிக்கலாம் என்ற அளவுக்கு கேவலமான நிலையில் நமது சட்டங்கள் இருக்கின்றன.

கூட்டு மனசாட்சியின் அடிப்படையில் மரண தண்டனை வழங்கப்படுவது என்றால் அதற்கு ராஜீவ் காந்தி கொலைதான் அதிகத் தகுதி வாய்ந்ததாகும்.

ராஜீவ்காந்தி படுகொலை செய்யப்பட்ட நேரத்தில் ஒட்டுமொத்த தேசமும் கொலை செய்த சதிகாரர்களைத் தூக்கில் போட வேண்டும் என்பதாகத்தான் இருந்தது. 

இப்போது பட்டாசு வெடித்து கொண்டாடுவோரும், தொலைக்காட்சிகளில் தோன்றி  விட்டுத் தத்துவம் பேசுவோரும் அப்போது வாய் திறந்திருந்தால் தேசம் அவர்களை கொன்று போட்டு இருக்கும். மரண தண்டனை வேண்டாம் என்று அந்த நேரத்தில் இவர்கள் தீர்மானம் போட்டிருக்க முடியாது.

ராஜீவ்காந்தி படுகொலை செய்யப்பட்ட நேரத்தில் நாடாளுமன்றத்  தேர்தலுக்கு பாதி இடங்களில் வாக்குப் பதிவு முடிந்திருந்தது. அவர் கொல்லப்பட்ட பின்னர் மீதி இடங்களுக்கு தேர்தல் நடத்தப்பட்டது. அவர் கொல்லப்படுவதற்கு முன்னர் வாக்குப்பதிவு நடந்த இடங்களில் எல்லாம் காங்கிரஸ் படுதோல்வியைச் சந்தித்தது. 

கொல்லப்பட்ட பின் நடந்த வாக்குப் பதிவுகளில் காங்கிரசுக்கு அமோக  வெற்றி பெற்றது. தேசத்தின் மனசாட்சி என்ன என்பதற்கு இதுதான் சரியான அளவுகோல். குற்றவாளிகளுக்கு மரண தண்டனை விதிக்கப்பட்டவுடன் கருணை மனுவும் நிராகரிக்கப்பட்டு இருந்தால் அப்போதும் யாரும் எதிர்த்து வாய் திறந்திருக்க மாட்டார்கள். முதுகெலும்பு இல்லாத மத்திய அரசுகளால் அதை அன்றைக்கு செய்ய முடியவில்லை.

காலம் உருண்டோடி, ராஜீவ் காந்தி கொல்லப்பட்ட கொடூரம்  மறக்கடிக்கப்பட்டதாலும், காங்கிரஸ் தனது செல்வாக்கை இழந்து பலவீனப்பட்டுள்ளதாலும் இப்போது இவர்கள் ஆட்டம் போடுகிறார்கள்.

இது காங்கிரஸ் கட்சியின் பிரச்சினை அல்ல, கொடூரமான படுகொலை சம்பந்தப்பட்டது என்பதை மறந்துவிடக்கூடாது.

பாபர் மஸ்ஜித் வழக்கில் பைத்தியக்காரனின் உளறலுக்கு நிகரான தீர்ப்பை  நீதிபதிகள் தீர்ப்பு அளித்தார்களே? அது சட்டப்படி வழங்கப்பட்டது என்று மூளையுள்ள எவராவது சொல்ல முடியுமா?

இதுபோன்ற தீர்ப்புகளில் ஒன்றாகத்தான் மேற்கண்ட உச்ச நீதிமன்ற பெஞ்சின் தீர்ப்பை நாம் பார்க்கிறோம்.

குடியரசுத் தலைவர் இவ்வளவு நாட்களுக்குள் கருணை மனுவைப்  பரிசீலிக்காவிட்டால், அந்த அதிகாரத்தை நீதிமன்றம் எடுத்துக் கொள்ளலாம் என்று சட்டப் புத்தகத்தில் உள்ளதா?

குடியரசுத் தலைவர் எந்தக் கருணை மனுவையும் இவ்வளவு காலத்திற்குள் பரிசீலிக்க வேண்டும் என்று சட்டத்தில் எழுதப்பட்டுள்ளதா?

மனரீதியாக ஒருவர் பாதிக்கப்பட்டால் அதுவே மரண தண்டனைக்குப் பகரமாகும் என்று சட்டப் புத்தகத்தில் உள்ளதா?

இவற்றில் எதுவுமே இல்லை என்று தொலைக்காட்சி விவாதங்களில் அனைத்து வழக்கறிஞர்களும் ஒப்புக்கொள்கின்றனர்.

இன்று செத்துவிடுவேனோ நாளை செத்து விடுவேனோ என்று கொலையாளிகள் செத்து  செத்துப் பிழைத்தார்கள் என்பதால் இருமுறை மரணதண்டனை அளிக்க முடியாது என்பது அறிவுக்குப் பொருந்தாதது. சட்டத்தில் இல்லாதது.

ஒருவனுக்கு நாளைக்கு தூக்குத் தண்டனை என்று முடிவு செய்யப்படுகிறது. அறிவிக்கப்பட்ட படி, நாளை தூக்கில் போடாமல் நாளை மறுநாள் தூக்கில் போட முடிவு செய்யப்படுகிறது. ஒருநாள் முழுவதும் மரணத்தை எண்ணி எண்ணி மரண வேதனையை அடைந்துவிட்டான்; இவனது மரண தண்டனையை ஆயுள் தண்டனையாக ஆக்குகிறேன் என்று சொல்லலாமா?

தீர்ப்பு அளிக்கப்பட்ட ஆரம்ப நாட்களில்தான் ஒருவன் மரணத்துக்கு  நிகரான வேதனையை மனதால் அனுபவிப்பான். நாட்கள் செல்லச் செல்ல அதற்கு தன்னைத்தானே தயார் படுத்திக் கொண்டு ஓரளவு தன்னை நிலை நிறுத்திக் கொள்வான். இதுதான் உளவியல்.

ஒருவனுக்கு மரணத்தை ஏற்படுத்தும் நோய் இருப்பது கண்டறியப்படுகிறது.  அதை அறிந்த அவன் ஓரிரு நாட்களில் மரண வேதனையை மனதால் உணர்வான். ஆனால் மாதங்கள் வருடங்கள் உருண்டோடும் போது அதையே நினைத்துக் கலங்கிக் கொண்டு இருக்கமாட்டான். வருவது வரட்டும், வரும்போது வரட்டும் என்ற மனநிலைக்கு வந்துவிடுவான்.

எனவே நீதிபதிகளின் தீர்ப்பு சட்டப்படியானதும் அல்ல. தர்க்க ரீதியானதும் அல்ல. உளவியல் அடிப்படையில் கூட ஏற்கத் தக்கதல்ல.

உலகில் எந்த நாட்டுச் சட்டமும் மனதால் பாதிக்கப்படுவதை, தண்டனை ரத்து செய்வதற்கு காரணமாக ஏற்பதில்லை.

ஒரு திருடனுக்கு 10 வருடம் சிறைவாசம் அளிக்கப்படுகிறது. அவன் சிறைச்  சாலையில் வைத்து சிறை அதிகாரிகளால் செருப்பால் அடிக்கப்படுகின்றான். பல வருடங்கள் சிறையில் கிடப்பதால் ஏற்படும் மன உளைச்சலைவிட ஒரு செருப்படியால் நான் அதிக மன உளைச்சலுக்கு ஆளாகிவிட்டேன். என்று மனு போட்டால் இவர்கள் இப்படித்தான் தீர்ப்பு அளிப்பார்களா?

உண்மையில் சிறைச்சாலையில் இருப்பதை விட செருப்படி ஒருவனை அதிகம்  பாதிக்கும். ஆனாலும் இது தண்டனைகளைக் குறைக்க உதவுமா? கொஞ்சமாவது அறிவுடன் இவர்கள் சிந்திக்கமாட்டார்களா?

ஒரு குற்றவாளியை நீதிமன்றத்தில்  நிறுத்தி குறிப்பிட்ட தண்டனை வழங்கப்படுகிறது. அப்போது அவன் ஐயா என்னை அடிக்கடி சிறைக்கு அழைத்து வந்து மக்களும் என்னைக் கேவலமாகப் பார்த்துவிட்டார்கள். எனக்கு கைவிலங்கு போட்டதால் நொறுங்கி விட்டேன். போலீஸ் விசாரணையில் அதிகாரி என்னை ஆபாசமாகத் திட்டியதால் செத்துவிடலாமா என்ற நிலைக்கு நான் வந்துவிட்டேன். நான் அனுபவிக்க வேண்டியதை விட அதிக மன உளைச்சலை அடைந்துவிட்டேன் என்று கூறினால், நீ சொல்வது சரிதான் நீ போகலாம் என்று நீதிபதி கூறுவாரா? அப்படிக் கூறினால் அவரது அறிவை என்னவென்பது?

அவன் மனதால் பாதிக்கப்படுவது சட்டத்துக்கு அவசியமில்லாதது என்பதால்தான் எந்த நீதிமன்றமும் மேற்கண்டவர்களை விடுதலை செய்வதில்லை.

எனவே இத்தீர்ப்பு கடுகளவும் நியாயமற்ற தீர்ப்பாகும் என்பதில் எமக்குச் சந்தேகம் இல்லை.

நீதிமன்றத்தின் இந்தத் தீர்ப்பு சட்டத்துக்கும் தார்மீக  நெறிகளுக்கும் எதிரானது என்பதுடன் இத்தீர்ப்பில் மற்றொரு அநீதியையும் உச்சநீதி மன்றம் அரங்கேற்றியுள்ளது.

மரண தண்டனை ஆயுள்  தண்டனையாக்கப்பட்டது என்பதோடு நீதிபதிகள் நிறுத்திக் கொள்ளவில்லை. சிறையில் இருந்து அவர்களை விடுதலை செய்ய மத்திய மாநில அரசுகள் பரிசீலிக்க வேண்டும் எனவும் கூறியுள்ளனர்.

இதே நீதிமன்றங்கள்தான் ஆயுள் தண்டனை என்றால் 14 ஆண்டுகள் அல்ல. ஆயுள்  முழுவதும் சிறையில் இருப்பதுதான் என்று தீர்ப்பளித்தன. ராஜீவ் கொலையாளிகளில் ஆயுள் தண்டனை பெற்றவர்கள் விஷ யத்திலும் இதுபோன்ற தீர்ப்பைக் கூறினர்.

ஆயுள் தண்டனையின் அர்த்தம் ஆயுள் முழுவதும் சிறையில் இருப்பது என்றால்,  அவர்களை விடுதலை செய்வது பற்றி பரிசீலிக்குமாறு கூறுவது எப்படி? ஒவ்வொரு நீதிபதியும் இஷ்டத்துக்கு எதையாவது சொல்வது என்று போனால் அனைத்து துறைகள் மீதும் ஏற்பட்ட வெறுப்பை விட மக்களின் அதிக வெறுப்புக்கு நீதிபதிகள் ஆளாவார்கள்.

சட்டப்புத்தகத்தில் உள்ளபடி மட்டும் தீர்ப்பு அளிக்கப்பட்டு இருந்தால், இதுபோல் தீர்ப்பு அளித்திருக்கவே மாட்டார்கள்.

சிலர் நேரடியாக ஆயுள் தண்டனை பெற்றுள்ளனர். வேறு சிலர் தூக்குத் தண்டனை குறைக்கப்பட்டதால் ஆயுள் தண்டனைக்கு உள்ளானவர்கள்.  இவர்களில் யாருக்கு அதிகக் கருணை தேவை?

ஆரம்பத்திலேயே ஆயுள் தண்டனை பெற்றவர்களின் குற்றம் அவ்வளவு கொடூரமாக இல்லை.

ஆரம்பத்திலேயே தூக்குத்தண்டனை பெற்றவர்களின் குற்றம் கொடூரம் மிகுந்ததாக நீதிமன்றத்தால் பார்க்கப்படுகின்றது.

இவர்களை விடுதலை செய்வதற்கு முன்னால் எல்லா ஆயுள் தண்டனைக் கைதிகளையும அதைவிட குறைவான தண்டனை வழங்கப்பட்டவரகளையும் விடுவித்து அதன் பின்னர் இவர்களையும் விடுவிக்க வேண்டும் என்று ஏன் சொல்லவில்லை? யாருக்கும் வழங்காத சிறப்புச சலுகையை இவர்களுக்கு மட்டும் வழங்க என்ன காரணம்? அப்படி காரணம் இல்லாவிட்டால் அதன் உள் நோக்கம் என்ன? 

உச்சநீதிமன்ற நீதிபதிகள் இதையும் உணர்ந்ததாகத் தெரியவில்லை.

தமிழ் மொழி பேசுவோர் என்பதற்காக அதற்கு குரல் கொடுப்பவர்களால் தமிழ் மக்கள் ஏமாற்றப்படுகிறார்கள். தமிழ் மொழி பேசினால் யாரையும் கொன்று குவிக்கலாமா?

ராஜீவ் தவிர கொல்லப்பட்ட 16 பேரும் தமிழர்கள் இல்லையா?

தன் தந்தையைக் கொன்றவர்களுக்கு எதிராகப் பேசினால் ராகுல் காந்தியின் உருவ பொம்மையை கொளுத்தும் அளவுக்கு மிருகங்களாக சிலர் மாற்றப்பட்டுள்ளனர்.

இவர்களின் அப்பன்மார்கள் அந்த 17 பேரில் இருந்தால் எப்படி இருக்கும்? இவர்களைத் தூண்டிவிட்டு, தலைவர்களின் மகன்கள் கொல்லப்பட்டிருந்தால் நாம் பாதிக்கப்பட்ட 17 பேருடன்தான் கொன்றவனுக்கு மாலை போடுவார்களா? எனவே இருக்கிறோம். உச்சநீதிமன்றத்துடன் இல்லை என்பதை உறுதிபடக் கூறுகிறோம்.

 

February 25, 2014, 5:51 PM

ம.ம.கட்சி திமுகவுடன் கூட்டணி சேரக் காரணம் என்ன?

?ம.ம.கட்சி திமுகவுடன் கூட்டணி சேரக் காரணம் என்ன?

- மசூது, கடையநல்லூர்

!முஸ்லிம்களின் இட ஒதுக்கீடு, திருமணப்பதிவுச் சட்டம் ஆகிய இரண்டு காரணங்களைத்தான் அதன் தலைவர் வார இதழுக்கு அளித்த பேட்டியில் கூறியுள்ளார்.

அரசியல் கட்சிகள் தங்கள் ஆதாயத்துக்காகவே கூட்டணி சேர்வார்கள் என்பது எழுதப்படாத விதியாக இருந்தாலும், அதை வெளிப்படையாக ஒப்புக் கொள்ள மாட்டார்கள். நாட்டு மக்களுக்காகவும் சமுதாய நன்மைக்காகவும்தான் இந்த கூட்டணி என்று சொல்வதை வழக்கமாகக் கொண்டுள்ளனர். இதில் எந்த அரசியல் கட்சியும் விதிவிலக்கானது அல்ல.

அதிமுகவில் நாற்பதிலும் தனித்து போட்டி என்று தெளிவுபடக் கூறி விட்டதால் அந்தக் கட்சிக்கு ஆதரவு அளித்தாலும் நமக்கு சீட்டு கிடைக்காது என்பதைத் தெரிந்து கொண்டு இந்த முடிவை எடுத்துள்ளனர். இதையே அவர்கள் வெளிப்படையாக சொல்லி இருக்கலாம். அல்லது பொருந்தக் கூடிய வேறு எதையாவது சொல்லி இருக்கலாம். கடுகளவும் நம்ப முடியாத ஒரு காரணத்தை சொல்லி இருக்கிறார்கள்.

2007ஆம் ஆண்டு செப்டம்பர் மாதம் தான் திமுக ஆட்சியில் 3.5 இடஒதுக்கீடு அளிக்கப்பட்டது. அந்த நேரத்தில் மமக கட்சி திமுக கூட்டணியில் இருந்தது. திமுகவுடன் இருந்த கூட்டணியைப் பயன்படுத்தி தவ்ஹீத் ஜமாஅத்துக்கு எதிராக பல அடக்குமுறைகளையும் ஏவி விட்டது.

திமுக ஆட்சி தவ்ஹீத் ஜமாஅத்துக்கு எதிராக ஏவிவிட்ட அக்கிரமங்கள் அனைத்தையும் மறந்து விட்டு மறுநாளே திமுக தலைவரை தமிழக முதல்வரைச் சந்தித்து நன்றி அறிவிப்புக் கடிதம் கொடுத்தோம். மேலும் அடுத்த ஆண்டு நடக்கும் நாடாளுமன்றத் தேர்தலில் திமுகவை ஆதரிப்போம் என்று எழுதிக் கொடுத்தோம். அதன்படி எவ்வித எதிர்பார்ப்பும் இல்லாமல் திமுக கூட்டணியை ஆதரித்தோம்.

திமுக ஆட்சி இட ஒதுக்கீடு அளித்ததற்காக தமுமுகவும் நன்றி அறிவிப்புக் கூட்டம் நடத்தியது.

ஆனால் நாடாளுமன்றத் தேர்தலின்போது இவர்களுக்கு சீட்டு கொடுக்கவில்லை. இட ஒதுக்கீட்டுக்காக ஒரு அணியை ஆதரிப்பதுதான் இவர்களின் கொள்கையாக இருந்தால் 3.5 இட ஒதுக்கீடு கிடைத்ததற்காக அந்த தேர்தலில் திமுகவை ஆதரித்து இருக்க வேண்டும். கிடைத்த இட ஒதுக்கீட்டுக்கு நன்றி செலுத்தாமல் என்ன செய்தார்கள்.?

அதிமுகவில் பேச்சு வார்த்தை நடத்தினார்கள். இவர்கள் இதற்கு செய்த வாதப்படி அதிமுக இட ஒதுக்கீட்டுக்கு ஒன்றும் செய்யவில்லை என்று வாதிட்டு பிரச்சாரம் செய்து வந்ததை மறந்து விட்டு அதிமுகவுடன் பேச்சு வார்த்தை நடத்தினார்கள். நோட்டு எவ்வளவு சீட்டு எவ்வளவு என்பதற்கு பேச்சு வார்த்தை நடத்தியதன் மூலம் இட ஒதுக்கீடெல்லாம் ஒரு பிரச்சனை அல்ல என்று அடையாளம் காட்டிக் கொண்டார்கள்.

இவர்கள் ஒரு எம்பி சீட் கொடுக்கும் அளவுக்கு பலமானவர்கள் அல்ல என்று அதிமுகவுக்கு தெரிந்ததால் அதிமுகவும் சீட் கொடுக்க மறுத்து விட்டது.

இதன் பின்னர் நான்கு தொகுதிகளில் போட்டியிட்டார்கள். பல முஸ்லிம் அமைப்புகள் தலித் அமைப்புகள் ஆதரவோடு போட்டியிட்டு அவர்கள் வாங்கிய ஓட்டுக்கள் மூலம் மக்கள் மத்தியில் செல்வாக்கு இல்லை என்பதை நிரூபித்துக் கொண்டார்கள். அதுவும் நாற்பது தொகுதிகளில் முஸ்லிம்கள் பலமாக உள்ள நான்கு தொகுதிகளை தேர்வு செய்து போட்டியிட்டும் பல அமைப்புகள் ஆதரித்தும் சுயேட்சை வேட்பாளர் வாங்கும் ஓட்டைத்தான் வாங்கினார்கள்.

அப்போது அது பிரச்சனை இல்லை. கருணாநிதி தவ்ஹீத் ஜமாஅத்துக்கு செய்த அடக்குமுறைகளையும், தமுமுக ஆளும் கூட்டணியில் இருப்பதையும் மறந்துவிட்டு திமுகவை நாம் ஆதரித்தோம் என்பதையும் இடஒதுக்கிடு கொடுத்து அந்த ஈரம் காய்வதற்குள் இட ஒதுக்கீடு கொடுத்த கட்சிக்கு எதிராக போட்டியிட்டதையும் நினைத்துப் பார்க்கும் மக்கள் மமக சொல்லும் காரணத்தை ஏற்றுக் கொள்வார்களா?

அடுத்து திருமணப் பதிவுச் சட்டத்தையும் காரணமாகக் கூறியுள்ளனர். திருமணப்பதிவுச் சட்டத்தில் முஸ்லிம்களைப் பாதிக்கும் அம்சங்கள் இருப்பதாகவும் அதை அதிமுக அரசு சரி செய்யவில்லை என்ற காரணமும் பொய்யான காரணமே.

திமுக ஆட்சியில்தான் இந்த சட்டம் கொண்டு வரப்பட்டது. திமுக ஆட்சியில் இது குறித்து பல முஸ்லிம் அமைப்புகள் முறையிட்டன. தமுமுகவும் அதில் அடங்கி இருந்தது. பல முறை சந்தித்து முறையிட்டும் திமுக ஆட்சி அதை சரி செய்யவில்லை. அதுபோல் அதிமுகவும் செய்யவில்லை.

இந்தச் சட்டத்தைக் கொண்டு வந்து பல ஆண்டுகள் இவர்கள் கோரிக்கை வைத்தும் சந்திப்புகள் நடத்தியும் கருணாநிதி கண்டு கொள்ளவில்லை என்பது நிரூபிக்கப்பட்ட பிறகும் அந்தக் காரணத்துக்காக திமுகவுக்கு போய்விட்டோம் என்று சொல்வதை மக்கள் எப்படி நம்புவார்கள் என்ற அறிவும் இவர்களுக்கு இல்லை.

எந்தப் பக்கம் சீட்டு கிடைக்கிறதோ அந்தப் பக்கம் சேர்ந்து கொள்ளும் உன்னதமான கொள்கைக்காகவே அணி மாற்றம் என்பதில் சந்தேகமில்லை.

January 21, 2014, 2:40 PM

நீங்கள் மட்டும் அனைவரையும் அழைப்பது நியாயமா ?

?சமுதாயப் பிரச்சனைக்காக அனைத்து இஸ்லாமிய இயக்கங்களும் ஒன்று சேர்ந்து கலந்து கொள்ளும் போராட்டங்களில் தமிழ்நாடு தவ்ஹீத் ஜமாஅத் தவிர்த்து விடுகின்றது. ஆனால் தமிழ்நாடு தவ்ஹீத் ஜமாஅத் நடத்தும் போராட்டத்தில் அனைவரும் கலந்து கொள்ள வேண்டும் என்பது நியாயமானதா என்ற கேள்விகளை எழுப்புகின்றார்களே?

- கடையநல்லூர் மசூது

!மற்றவர்கள் நடத்தும் போராட்டங்களில் தவ்ஹீத் ஜமாஅத்தினர் கலந்து கொள்ளாதது ஒரு பக்கம் இருக்கட்டும். தவ்ஹீத் ஜமாஅத் அல்லாதவர்கள் எல்லாம் கலந்து கொள்கிறார்களா? மற்றவர்கள் அழைக்கும் போது தவ்ஹீத் ஜமாஅத் அல்லாத மக்கள் கலந்து கொள்ளாமல் இருப்பதற்கு என்ன காரணம்? பல காரணங்களால் அனைத்து இயக்கங்கள் மீதும் நம்பிக்கை இழந்துள்ளனர். அதே காரணத்துக்காகவே நாம் கலந்து கொள்வதில்லை.

ஆனால் தவ்ஹீத் ஜமாஅத் போராட்டங்களில் தவ்ஹீத் ஜமாஅத்தைச் சேர்ந்த அனைவரும் கலந்து கொள்கிறார்கள். தவ்ஹீத் ஜமாஅத்தை எதிர்ப்பவர்களும் கலந்து கொள்கிறார்கள். எந்த இயக்கத்திலும் இல்லாதவர்களும் கலந்து கொள்கிறார்கள்.

கொள்கையில் முரண்பாடு இருந்தாலும் தவ்ஹீத் ஜமாஅத்தினர் நம்மை வைத்து ஆதாயம் அடைய மாட்டார்கள் என்றும், தேர்தலில் சீட்டு கேட்கும் பேரம் பேச நம்மை பயன்படுத்த மாட்டார்கள் என்றும், வாரியம் உள்ளிட்ட எதையும் கேட்க மாட்டார்கள் என்றும், சமுதாயத்துக்கு தேவையானதை பெற்றுத் தந்து ஒரு அணியை ஆதரித்தாலும் மற்றவர்களைப் போல் ஆகா ஓகோ என்று அந்த அணியை புகழ மாட்டார்கள். தேர்தல் உறவு தேர்தலோடு போச்சு என்று உதறிவிடுவார்கள் என்றும் நம்பிக்கையைப் பெற்றுள்ளது தவ்ஹீத் ஜமாஅத்.

இந்த நம்பிக்கையைப் பெறும் வகையில் வேறு ஏதாவது இயக்கம் முன் வந்து எந்த நிலையிலும் கூட்டத்தை சுய நலனுக்கு பயன்படுத்த மாட்டோம் என்று நம்பிக்கையைப் பெற்றால் அப்போது எங்கள் நம்பிக்கையையும் பெறுவார்கள். நாங்கள் யாரும் செய்யவில்லையே என்பதற்காகத்தான் இதுபோன்ற சமுதாயப்பிரச்சனைகளையும் கையில் எடுக்கிறோம். இதைச் சரியாகச் சரியாக செய்யக் கூடியவர்கள் உருவானால் நாங்கள் ஒதுங்கிக் கொண்டு முஸ்லிம் சமுதாய சீர்திருத்தப் பணி, இஸ்லாமிய அழைப்புப் பணியை இன்னும் வீரியமாகச் செய்வோம்.

ஒவ்வொரு போராட்டம் பற்றி பேசும் போதும் இதில் ஈடுபடுவதால் தாவாப்பணிகள் பாதிக்கப்படுகிறதே என்ற கவலையை வெளிப்படுத்தாமல் நாங்கள் போராட்ட முடிவுகள் எடுப்பதில்லை.

மக்களின் நம்பிக்கையைப் பெறும் வகையில் யாராவது வாருங்கள்! எங்கள் பணத்தையும் உழைப்பையும் நேரத்தையையும் ஏகத்துவப் பிரச்சாரத்துக்கு மட்டும் முழுமையாக பயன்படுத்த விடுங்கள் என்பதுதான் எங்கள் எதிர்பார்ப்பு.  

January 21, 2014, 2:39 PM

தவ்ஹீத் ஜமாஅத், ஆம் ஆத்மியுடன் இணைந்து அதன் வெற்றிக்குப் பாடுபடலாமே?

?ஆம்ஆத்மி கட்சிக்கு உதயகுமார் தலைவரானால் தவ்ஹீத் ஜமாஅத் ஆதரிக்குமா?

-    மசூது, கடைய நல்லூர்.

?தவ்ஹீத் ஜமாஅத், ஆம் ஆத்மியுடன் இணைந்து அதன் வெற்றிக்குப் பாடுபடலாமே?

-    மந்தைவெளி இஸ்மாயீல், சென்னை

 

!ஆம் ஆத்மி குறித்து நாம் எழுதிய பதிலை சிலர் தவறாகப் புரிந்து கொண்டு இதுபோல கேள்விகள் கேட்கின்றனர். ஆம் ஆத்மிக்கு தவ்ஹீத் ஜமாஅத் ஆதரவளிப்பது போன்று நினைக்கின்றனர்.

 நம்முடைய பதிலில் ஆம் ஆத்மியை தவ்ஹீத் ஜமாஅத் ஆதரிக்கிறது  என்றோ, இனிமேல் ஆதரிக்கும்  என்றோ நேரடியாகவோ மறை முகமாகவோ நாம் குறிப்பிடவில்லை.

 முஸ்லிம்கள் ஆம் ஆத்மியை ஆதரிக்க வேண்டும் எனவும் நாம் கூறவில்லை.

 காங்கிரஸ் ஆளும் கட்சியாக இருப்பதால் மன்மோகன் சிங், ப.சிதம்பரம் போன்ற படித்த மண்ணாங்கட்டிகளால் மக்களிடம் கடும் அதிருப்தியைச் சம்பாதித்துள்ளது.

 காங்கிரஸா? பாஜகவா? என்ற நிலை எந்த மாநிலங்களில் உள்ளதோ அந்த மாநிலங்களில் காங்கிரசைப் பிடிக்காதவர்கள் பாஜகவுக்கு வாக்களிக்க வாய்ப்பு இருந்தது. அது போன்ற மாநிலங்களில் ஆம் ஆத்மி கட்சி களம் இறங்கினால் காங்கிரஸின் எதிர்ப்பு ஓட்டுகள் ஆம் ஆத்மிக்குக் கிடைக்குமே தவிர பாஜகவுக்குக் கிடைக்காது, இதனால் மோடியின் பிரதமர் கனவு இப்போது தகர்ந்து விட்டது என்பது தான் நாம் எழுதியதன் சுருக்கம்.

 ஆம் ஆத்மி கட்சிக்கு இந்தி பேசும் மாநிலங்களில் செல்வாக்கு ஏற்பட்டுள்ளது என்ற அரசியல் நிலவரத்தை நாம் எடுத்துச் சொன்னோம்.

 ஆம் ஆத்மி கட்சியை நாம் ஆதரிக்கப் போகிறோம் என்று புரிந்து கொள்ளக்கூடாது.

 உதாரணமாக உ.பி. தேர்தலில் முலாயம் சிங் வெல்ல முடியாது, மாயாவதியின் பக்கம் மக்கள் பார்வை திரும்பியுள்ளது என்று நாம் எழுதினால் அது அரசியல் பார்வையாளர் என்ற அடிப்படையில் செய்யும் கணிப்பு என்று தான் புரிந்து கொள்ள முடியும். மாயாவதியை நாம் ஆதரிப்போம் என்று புரிந்து கொள்ளமுடியாது.

 தவ்ஹீத் ஜமாஅத்தைப் பொருத்

தவரை எந்தக் கட்சியின் மீதும் நம்பிக்கை வைக்காது. அரசியல் வாதிகள் அனைவருமே நம்பகத்தன்மை அற்றவர்கள்தான்.

 எந்தக் கட்சியாக இருந்தாலும் அவர்கள், முஸ்லிம்கள் என்று ஒரு சமுதாயம் உள்ளது என்பதும் அவர்களுக்கு என தனி நம்பிக்கைகளும் உணர்வுகளும் உள்ளன என்பதும் அவர்களின் நினைவுக்கு வருவதில்லை. முஸ்லிம்களைக் கணக்கில் எடுத்துக் கொள்ளவே மாட்டார்கள்.

 உதாரணமாக பகுத்தறிவுப் பகலவன் என்று பெயர் சூட்டிக் கொண்ட கருணாநிதி, பொங்கல் பண்டிகையை சமத்துவப் பொங்கல் என்றார். அரசு அலுவலகங்களில் அனைத்து மதத்தவரும் சேர்ந்து சமத்துவப் பொங்கல் கொண்டாட வேண்டும் என்று தனது ஆட்சியில் சட்டம் போட்டார்.

 முஸ்லிம் இயக்கங்களுடன் நீண்டகால தொடர்பு இருந்தும் ஏராளமான நூல்களை வாசித்தவராக இருந்தும் அவருக்கு இஸ்லாம் என்றால் என்ன என்ற அடிப்படை அறிவு கூட இல்லை.

 முஸ்லிம்கள் மாடுகளை வணங்க மாட்டார்கள்; சூரியனை வணங்க மாட்டார்கள்; இயற்கைகளை வணங்க மாட்டார்கள்; பகுத்தறிவு இல்லாத ஜீவன்களுக்கு பாராட்டுவிழா நடத்த மாட்டார்கள் என்ற அடிப்படை அறிவு கூடவா இல்லாமல் போய்விடும்.?

 இவை அனைத்தும் இஸ்லாமிய நம்பிக்கைக்கு எதிரானது; இவற்றைச் செய்தால் ஒருவன் முஸ்லிமாக இருக்க முடியாது என்பதுமா தெரியாமல் போய்விடும்?

 இந்தச் சாதாரண அறிவுகூட இல்லாமல் முஸ்லிம்களும் பொங்கல் கொண்டாட வேண்டும் என்று கருணாநிதி கூறியதில் (இப்போதும் கூறுவதில்) இருந்து தெரிய வருவது என்ன? முஸ்லிம்களைப் பற்றியோ அவர்களின் நம்பிக்கைகள் பற்றியோ அவருக்குக் கடுகளவும் கவலை இல்லை என்பதுதான்.

 மீலாது, முஹர்ரம், நோன்புப் பெருநாள், ஹஜ் பெருநாள் ஆகிய நாட்களில் மட்டும்தான் முஸ்லிம்கள் என்று ஒரு இனம் இருப்பது அவர்களுக்கு நினைவுக்கு வரும்.

 மற்ற சந்தர்ப்பங்களில் நாடு முழுவதும் இந்துக்கள் மட்டுமே உள்ளது போல் நினைத்துக் கொண்டு தங்கள் நம்பிக்கையை மற்றவர்கள் மேல் திணிப்பார்கள்.

 ஒரு மதத்தில் பாரதூரமான குற்றமாக அறிவிக்கப்பட்ட ஒன்றைச் செய்யுமாறு அந்த மதத்தினரைக் கட்டாயப்படுத்துவது எவ்வளவு பெரிய சிந்தனை வன்முறை? முஸ்லிம்களுக்கு இது எவ்வளவு பெரிய அச்சுறுத்தல்?

 பெரும்பான்மையாக உள்ள நாங்கள் எதைக் கொண்டாடுகிறோமோ அதைத் தான் முஸ்லிம்களும் செய்ய வேண்டும். உங்கள் மதத்தில் அது தடுக்கப்பட்டாலும் அதை நீங்கள் செய்துதான் ஆக வேண்டும் என்பது தான் இதன் பொருள். நாங்கள் அனுமதிக்கும் வரைதான் நீங்கள் உங்கள் மதத்தைத்ப் பின்பற்ற முடியும் என்ற சங்பரிவாரத்தின் சாயலில் அமைந்துள்ளது என்பது தான் உண்மை.

 இதில் முஸ்லிம் நண்பர் வேடம் போடும் கருணாநிதி எப்படி விதி விலக்காக இல்லையோ கெஜ்ரிவாலும் இந்த சிந்தனை வன்முறை செய்வதில் விதி விலக்குப் பெற்றவர் அல்ல.

 இதே வேலையைத்தான் கெஜ்ரி வாலும் செய்வார்; செய்தும் வருகிறார்.

 அவர் இந்துவாக இருப்பதால் அவரது நம்பிக்கைப்படி எது சரியானதாக உள்ளதோ அதை அனைவர் மீதும் திணிப்பார்.

 இதற்கு உதாரணமாக இரண்டு சம்பவங்களைச் சொல்லலாம்.

 அவர் டெல்லி முதல்வராகப் பதவியேற்ற நிகழ்ச்சியை அதிகமான தொலைக்காட்சிகள் நேரடி ஒளிபரப்பு செய்தன. அவர் பதவிப் பிரமாணம் செய்து கூட்டத்தை நிறைவு செய்யும்போது வந்தே மாதரம் என்று அவர் உரத்துச் சொல்ல, கூடியிருந்த மக்களும் அதையே சொன்னார்கள்.

 இந்த மண்ணை வணங்குகிறோம் என்பது வந்தே மாதரத்தின் பொருள். கெஜ்ரிவால் மண்ணையும் வணங்கலாம்; எதையும் வணங்கலாம்,

அவரது மதம் அதற்கு இடம் கொடுக்கின்றது. அவர் தனிப்பட்ட முறையில் சொல்லிவிட்டுப்

போகலாம்.

 ஏராளமான முஸ்லிம்கள் குழுமியிருந்த சபையில் வந்தே மாதரம் என்பதைக் கூறி தனது மத நம்பிக்கையை மற்றவர்கள் மீது திணித்தார்.

 வந்தே மாதரம் என்பது இஸ்லாமிய நம்பிக்கைக்கு எதிரானது எனவும் அல்லாஹ்வைத் தவிர யாரையும் எதையும் முஸ்லிம்கள் வணங்க மாட்டார்கள் என்பதும் அவருக்கு ஏன் தெரியாமல் போனது?

 குறிப்பாக டெல்லியில் முஸ்லிம் மத அறிஞர்கள் கூடி வந்தே மாதரம் சொல்வது இஸ்லாமிய நம்பிக்கைக்கு எதிரானது என்ற முடிவை அறிவித்தனர்.

 இந்த எந்த ஒன்றும் கெஜிரிவாலுக்கு நினைவுக்கு வரவில்லை. முஸ்லிம்கள் என்று ஒரு சமுதாயம் உள்ளனர்; அவர்களுக்கு என தனியான மத நம்பிக்கைகள் உள்ளன; அவர்களும் நம்மை ஆதரித்து ஓட்டளித்துள்ளனர் என்ற எதுவும் அவருக்கு நினைவுக்கு வரவில்லை. அவர் தனது மத நம்பிக்கையின்படி செய்வதை முஸ்லிம்களும் செய்ய வேண்டும் என்பதுபோல் செயல்பட்டார்.

 முஸ்லிம்கள்மீது உள்ள துவேசம் காரணமாக இப்படி செய்யா விட்டாலும், முஸ்லிம்களை அவர் கணக்கில் எடுத்துக் கொள்ள வில்லை என்பது மட்டும் உறுதி.

 எல்லா அரசியல்வாதிகளுக்கு உள்ளேயும் நாம் ஏன் சிறுபான்மை மக்களின் நம்பிக்கையை மதிக்க வேண்டும் என்ற ஆழமாகப் பதிந்துள்ள நம்பிக்கைதான் இதற்குக் காரணம்.

 எந்தக் கட்சி ஆட்சி நடத்தினாலும், புதிய திட்டங்கள் துவங்கும்போதும் அடிக்கல் நாட்டும்போதும் இந்து மத நம்பிக்கையின்படி பூஜை, சாஸ்திரம், குத்துவிளக்கு என்ற சடங்குகளுடன்தான் செய்யப்படு கின்றன.

 இது ஒரு குறிப்பிட்ட மதத்துக்கு உகந்ததாக இருக்கலாம். பல மதத்தினருக்கு இது உடன்பாடானதாக இல்லை என்பதை அவர்கள் கவனத்தில் கொள்ளவே மாட்டார்கள்.

 நம் அதிகாரத்துக்கு உட்பட்ட விஷயங்களில் தமது இந்து மத நம்பிக்கையின்படிதான் மற்றவர்களும் நடக்க வேண்டும் என்ற நம்பிக்கைதான் இதற்கும் காரணம்.

 இது ஒரு பாசிசப் போக்காகும். நீ சிறுபான்மையாக உள்ளதால் உனது நம்பிக்கையை நான் ஏன் மதிக்க வேண்டும் என்பது ஆர்.எஸ்.எஸ். சின் சித்தாந்தமாகும். இந்த வகையில் கெஜிரிவால், கருணாநிதி, ஜெயலலிதா, விஜயகாந்த், உள்ளிட்ட யாராக இருந்தாலும் ஆர்.எஸ்.எஸ். ஆகவே உள்ளனர்.

 அதுபோல காஷ்மீர் விஷயமாக, ஆம் ஆத்மியின் தூணாக இருந்த பிரசாந்த் பூசன் உண்மையைச் சொன்னார். அவருக்கு எதிர்ப்பு வந்தவுடன் அது பிரசாந்த் பூசனின் தனிப்பட்ட கருத்து என்றார் கெஜ்ரிவால்.

 பிரசாந்த் பூசன் சொன்னது உண்மையாக இருந்தும் அந்த உண்மையின் பக்கம் அவர் நிற்கவில்லை.

 எல்லா தலைவர்களும் நெருக்கடியான நேரத்தில் முஸ்லிம்களைக் கை கழுவுவது போல் கெஜ்ரிவாலும் கை கழுவி விட்டார்.

 எனவே இதை முஸ்லிம்கள் எப்போதும் கவனத்தில் வைக்க வேண்டும்.

 கெஜ்ரிவாலை இந்தி பேசும் மக்கள் அதிகம் நம்புகிறார்கள் என்பதில் சந்தேகமில்லை. மோடிக்கு விழும் வாக்குகளை அவர் பிரிப்பார் என்பதிலும் சந்தேகமில்லை. அதில் நாம் உறுதியாக இருக்கிறோம்.

 எந்தக் கட்சியாக இருந்தாலும் அதன் பின்னே செல்லக்கூடாது என்ற உறுதிப்பாடும் தெளிவும் நமக்கு எப்போதும் இருக்க வேண்டும். கெஜ்ரிவாலுக்குப் பின்னாலும் செல்லக்கூடாது.

 இதுபோக தமிழகத்தில் கெஜ்ரி வாலுக்கு எந்த ஆதரவு அலையும் இல்லை. ஒரு தொகுதியில் கூட வெற்றி பெறவும் முடியாது. மற்றவர்களின் வெற்றி தோல்வியை நிர்ணையிக்கும் அளவிலும் ஓட்டுகள் பெறமுடியாது. காங்கிரஸா? பாஜகவா? என்ற நிலை உள்ள மாநிலங்களில் மட்டும்தான் ஆம் ஆத்மியின் பக்கம் தங்கள் பார்வையைச் செலுத்துவார்கள்.

 தமிழகத்தைப் பொருத்தவரை தி.மு.கவா அ.தி.மு.கவா என்பதுதான் நிலை. மூன்றாவது, நான்காவது அணிகள் இங்கே எடுபடாது.

 எனவே உதயகுமார் தலைவராக ஆனாலும் அவரை விட பிரபலங்கள் தலைவராக ஆனாலும் தமிழகத்தில் ஆம் ஆத்மி வெற்றி பெற முடியாது.

 முஸ்லிம்களைப் பொருத்தவரை எந்தக் கட்சியிலும் உறுப்பினராக இல்லாமல் ஒவ்வொரு தேர்தலிலும் யார் நமக்கு அதிக நன்மை செய்துள்ளார்கள்? யார் அதிகத் தீமை செய்துள்ளார்கள் என்பதை எடைபோட்டு அதன் அடிப்படையில் ஓட்டளிப்பதுதான் சரியானது என்பதை உறுதிபடத் தெரிவித்துக் கொள்கிறோம்.

January 21, 2014, 2:37 PM

சங்பரிவாரத்தினர் ஆம் ஆத்மி அலுவலகத்தைத் தாக்கியதன் பின்னனி என்ன ?

காஷ்மீரில் வாக்கெடுப்பு நடத்த வேண்டும் என்று ஆம் ஆத்மியின் முக்கியத் தலைவர்களில் ஒருவரான பிரசாந்த் பூசன் கருத்து தெரிவித்ததற்காக சங்பரிவாரத்தினர் ஆம் ஆத்மி அலுவலகத்தைத் தாக்கியது பற்றி உங்கள் கருத்து என்ன?

எஸ்.இப்ராஹீம் கலீல், மதுரவாயல்

பதில் :

ஆம் ஆத்மி எழுச்சியால் பாஜக கதிகலங்கிப் போய் உள்ளதன் வெளிப்பாடுதான் இந்தத் தாக்குதல்.

ஆம் ஆத்மியால் எங்களுக்குப் பாதிப்பு இல்லை என்று பாஜகவும் காங்கிரசும் அடிக்கடி அறிக்கை விடுவது எங்கப்பன் குதிருக்குள் இல்லை என்பது போல்தான் உள்ளது.

திமுகவால் எங்களுக்குப் பாதிப்பு இல்லை; அதிமுகவால் பாதிப்பு இல்லை; இடதுசாரிகளால் பாதிப்பு இல்லை; முலாயம், லல்லு போன்றவர்களால் பாதிப்பு இல்லை என்று இவர்கள் கூறுவதில்லை. யாரால் பாதிப்பு இல்லையோ அவர்களைப் பற்றி இத்தகைய விமர்சனங்களை பாஜக, காங்கிரஸ் கட்சிகள் செய்வதில்லை.

ஆம் ஆத்மியால் பாதிப்பு இல்லை என்று இவர்களின் ஒவ்வொரு தலைவர்களும் தினசரி பத்து தடவையாவது மீடியாவின் முன்னால் பேசுகிறார்கள் என்பதில் இருந்து ஆம் ஆத்மியால் இவர்களுக்குக் கடுமையான பாதிப்பு ஏற்படும் என்று உணர்ந்துள்ளனர் என்று நாம் அறியமுடிகின்றது.

பாஜகவுக்கு ஏற்பட்ட பாதிப்பின் காரணமாகத்தான் பாஜகவின் கைக்கூலி அன்னா ஹசாரே மூலம் ஆம் ஆத்மி நாடாளுமன்றத் தேர்தலில் போட்டியிடக் கூடாது என்று அறிக்கை விடச் செய்தனர். பாஜகவின் மற்றொரு கைக்கூலியான அன்னா ஹாசாரே கும்பலைச் சேர்ந்த கிரன்பேடி மூலம் மோடிதான் பிரதமருக்குத் தகுதியானவர் என்று பிரச்சாரம் செய்ய வைத்துள்ளனர்.

ஆம் ஆத்மியைத் தனிமைப்படுத்த காங்கிரஸ் எடுத்துக்கொண்ட ஆயுதம் ஆம் ஆத்மி முறையான கொள்கையை வகுத்துக் கொள்ளாத ஒரு குழுதான். அது கட்சியோ சங்கமோ அல்ல என்பது தான்.

ஆம் ஆத்மியின் பக்கம் மக்கள் போய் விடக்கூடாது என்பதற்கு பாஜக எடுத்துக் கொண்ட ஒரே  ஆயுதம் தேச விரோதிகளைக் கொண்ட அமைப்பாக ஆம் ஆத்மி உள்ளது என்பதுதான்.

ஆரம்ப காலம் முதல் ஊழலை எதிர்ப்பதில் முன்னோடியாகத் திகழ்ந்தவர்கள் வழிக்கறிஞர் சாந்தி பூஷனும், அவரது மகன் பிரசாந்த் பூசனும் ஆவார்கள். உச்ச நீதிமன்ற நீதிபதிகளே ஊழல் செய்கிறார்கள் என்று ஆதாரத்துடன் உச்ச நீதி மன்றத்தில் அறிக்கை அளித்தவர்கள். அன்னா ஹசாரேவுக்கு பல ஆண்டுகளுக்கு முன்பே நீதிபதிகளின் ஊழலை தனி நபர்களாக அம்பலப்படுத்திய நேர்மையாளர்கள்.

அத்துடன் அரசியல் சாசனத்துக்கு எதிரான சங்பரிவாரின் ஒவ்வொரு நடவடிக்கைகளையும் ஆரம்பம் முதலே எதிர்த்து வரக் கூடியவர்கள். காஷ்மீர் பிரச்சினைக்குத் தீர்வு காண காஷ்மீர் மக்களிடம் வாக்கெடுப்பு நடத்த வேண்டும் என்று ஆரம்பம் முதலே வலியுறுத்தி வருபவர் பிரஷாந்த் பூஷன். இந்தக் கருத்தைச் சொன்னதற்காக இரண்டு ஆண்டுகளுக்கு முன்னால் நீதி மன்றத்தில் உள்ள அவரது வழக்கறிஞருக்கான அலுவலகத்தில் புகுந்து இரத்தக் காயம் வரும் அளவுக்கு சங்பரிவார ரவுடிகள் அவரைத் தாக்கினார்கள். அவரை அடித்து உதைத்து புரட்டும் வீடியோ காட்சிகள் தொலைக்காட்சிகளில் ஒளிபரப்பப்பட்டு காண்போர் நெஞ்சங்களைக் கலங்கச் செய்தது.

அன்று அவருக்குப் பின்புலம் எதுவும் இல்லை. அயோக்கிய காங்கிரஸ் அரசாங்கம் குற்றவாளிகள் மீது போதுமான நடவடிக்கை எடுக்கவில்லை.

இவ்வளவு நடந்தும் பிரஷாந்த் பூஷன் ஊழலுக்கு எதிரான தனது உறுதிப்பாட்டிலும் காஷ்மீர் உள்ளிட்ட பிரச்சினைகளிலும் நிலைமாறாமல் இருக்கிறார்.

(இதனால் தான் ஆம் ஆத்மி பற்றிய நிலைப்பாட்டை விளக்கிய கேள்விக்கான பதிலில் இவரைப் பற்றியும் நாம் குறிப்பிட்டு இருந்தோம்)

பிரசாந்த் பூஷன் ஆம் ஆத்மியில் இருப்பதன் காரணமாகத்தான் தேச விரோதிகளுக்கு ஆம் ஆத்மி அடைக்கலம் கொடுக்கும் கட்சி என்ற விமர்சனத்தை பாஜக அடிக்கடி முன்வைத்தது.

காஷ்மீர் குறித்த கருத்தை இப்போதும் பிரஷாந்த் பூசன் உறுதிபடக் கூறினார். இது கட்சியின் கருத்து அல்ல;ஆரம்பம் முதலே பிரசாந்த் பூஷனின் தனிப்பட்ட கருத்து என்று கெஜ்ரிவாலும் உடனடியாக மறுப்பும் தெரிவித்து விட்டார்.

இதன் பின்னர்தான் ஆம் ஆத்மி அலுவலகத்தை சங்பரிவார ரவுடிக் கும்பல் தாக்கியுள்ளது. காஷ்மீர் பிரச்சினையில் தேசத்துக்கு எதிரான நிலைப்பாட்டை எடுத்த கட்சி என்ற தோற்றத்தை ஏற்படுத்தினால் குருட்டு தேசபக்தி கொண்டவர்கள் ஆம் ஆத்மிக்கு போவதைத் தடுக்கலாம் என்பது தான் பாஜகவின் ஒரே நோக்கமாக இருக்க முடியும்.

கட்சிக்குச் சம்பந்தமில்லை என்று கட்சித் தலைவரே சொன்ன பின் கட்சி அலுவலகத்தை அறிவுடைய யாரும் தாக்கமாட்டார்கள்.

அடுத்ததாக பிரசாந்த் பூஷன் சொன்ன கருத்து ஆம் ஆதிமியின் கருத்தாக இல்லாமல் இருக்கலாம். ஆனால் நியாய உணர்வு படைத்த அனைவரின் கருத்தும் அதுதான். தமிழ்நாடு தவ்ஹீத் ஜமாஅத் உள்ளிட்ட நாட்டில் உள்ள அனைத்து முஸ்லிம் இயக்கங்களின் கருத்தும் இதுதான். இவ்வாறு கூறுவது தேச விரோதமாக ஆகாது என்பது தான் நமது கருத்தாகும்.

காஷ்மீர் வரலாறும் தேச விடுதலை வரலாறும் கொஞ்சம் தெரிந்திருக்கும் அனைத்து இந்தியர்களின் கருத்தும் இதுதான்.

இந்தியாவை ஒரு நாடாக பிரிட்டிஷார் அறிவித்தார்கள். அவ்வாறு அறிவித்த இந்தியாவில் காஷ்மீர் இருக்கவில்லை.

பாகிஸ்தான் ஒரு நாடாக அறிவித்த போது அவ்வாறு அறிவிக்கப்பட்ட பாகிஸ்தானிலும் காஷ்மீர் இருக்கவில்லை.

அது தனிநாடாகத்தான் விடுதலை பெற்றது. இந்தியாவுக்கும் பாகிஸ்தானுக்கும் இடையில் மாட்டிகொண்ட காஷ்மீரின் 33 சதவிகிதம் இன்று பாகிஸ்தானில் உள்ளது. 67 சதவிகிதம் இந்தியாவில் உள்ளது.

காஷ்மீர் தனது நாட்டின் பகுதி என்று இந்திய அரசு கருதினால் பாகிஸ்தான் வசம் உள்ள காஷ்மீரை -ஆக்கிரமிக்கப்பட்ட காஷ்மீர் என்று இந்திய அரசால் குறிப்பிடப்படும் பகுதியை - மீட்பதற்காக ஏன் பாகிஸ்தானுடன் போரிட்டு மீட்கவில்லை? நமது நாட்டின் ஒரு ஜான் நிலத்தை எந்த நாடு ஆக்ரமித்தாலும் அதை மீட்கும் கடமை அரசுக்கு இருக்கிறதா இல்லையா?

வாஜ்பேயி ஆட்சியில் இருந்தபோதாவது பாகிஸ்தானால் கைப்பற்றப்பட்ட காஷ்மீரை மீட்க ஏன் போர் செய்யவில்லை?

அதுபோல் காஷ்மீர் எங்களுக்குச் சொந்தம் என்று பாகிஸ்தான் உண்மையில் கருதினால் இந்தியாவால் ஆக்ரமிக்கப்பட்ட காஷ்மீரை மீட்கும் கடமை அந்த நாட்டுக்கு உள்ளதல்லவா? எத்தனையோ போர்களை இந்தியாவுக்கு எதிராக நடத்திய பாகிஸ்தான் காஷ்மீர் எங்கள் நாட்டைச் சேர்ந்தது; அதைப் போரிட்டு மீட்கப் போகிறோம் என்று அறிவித்து  போர் தொடுத்து இருக்க வேண்டும்.

இரு நாடுகளுமே தங்கள் பகுதி என்று வாதிட்டாலும் ஏன் போர்ப்பிரகடனம் செய்ய முடியவில்லை? இந்தக் கேள்விக்கு உரிய விடையை அறிந்து கொண்டால் பிரசாந்த் பூஷன் கூறியது முற்றிலும் நியாயமானது என்பதை அறிந்து கொள்ள முடியும்.

நாடு விடுதலை அடையும் போது ஆங்கிலேயர்களின் கீழ் 562 குட்டி மன்னர்கள் ஆட்சி நடந்தது. இன்றைய இந்தியாவுக்கு உள்ளேயும் பாகிஸ்தானுக்கு உள்ளேயும் அவை இருந்தன.

அந்தக் குட்டி ராஜ்ஜியங்கள் விரும்பினால் தனித்து இயங்கலாம்; அல்லது இந்தியாவுடனோ பாகிஸ்தானுடனோ இணைந்து கொள்ளலாம் என்று ஆங்கிலேயர்கள் முடிவெடுத்து அறிவித்தனர்.

விடுதலை அடைந்த பின் தங்கள் பகுதிக்குள் குட்டி ராஜாக்கள் இருப்பதை விரும்பாத இந்தியாவும் பாகிஸ்தானும் மிரட்டியும், தொடர்ந்து மன்னர் மானியம் தருவதாக வாக்குறுதி அளித்தும் குட்டி ராஜ்ஜியங்களை தங்கள் நாட்டுடன் இணைத்தனர்.

இவ்வாறு ராஜ்ஜியத்தை இழந்த ராஜாக்களும், அவர்களின் வாரிசுகளும் கோடிக் கணக்கில் ஆண்டுதோறும் பல சலுகைகளையும் மன்னருக்கான மானியத்தையும் பெற்றுவந்தனர்.

இந்திரா காந்தியின் ஆட்சியில் மன்னர் மானிய ஒழிப்பு சட்டம் கொண்டு வந்து இதை நிறுத்தும் வரை அதிகாரமில்லாத ராஜாக்களாக முன்னால் மன்னர்கள் பவனி வந்தனர்.

இது போன்ற ஒரு பகுதியாகத் தான் இந்தியாவில் உள்ள காஷ்மீரும் பாகிஸ்தானில் உள்ள காஷ்மீரும் இருந்தன.

தங்கள் பகுதிக்குள் இருந்த ராஜாக்களிடமிருந்து அதிகாரத்தைப் பிடுங்கிக் கொண்டது போல காஷ்மீர் விவகாரத்தில் இயலவில்லை. காஷ்மீர் என்பது இந்தியாவுக்கும் பாகிஸ்தானுக்கும் நடுவில் மாட்டிக்கொண்ட இருநாடுகளுமே தங்கள் கட்டுப்பாட்டில் காஷ்மீரைக் கொண்டு வர திட்டமிட்டனர்.

(இணைந்த) காஷ்மீர் மக்களில் சுமார் 90 சதம் முஸ்லிம்களாக உள்ளதால் பாகிஸ்தானுடன் சேரவேண்டும் என்பது பாகிஸ்தான் வாதம்.

காஷ்மீர் மாநிலத்தின் மன்னராக ராஜா ஹரிசிங் இருந்தார். இவர் இந்து மதத்தைச் சேர்ந்தவர். இந்து மன்னர் ஆட்சி என்பதால் அதை இந்தியாவுடன் இணைக்க வேண்டும் என்பது இந்தியாவின் நியாயம்.

இது குறித்த முழு விபரங்களை onlinepj.com ல் நான் விரிவாக எழுதியுள்ளேன்.அது தனிக்கட்டுரையாக இந்த இதழில் இடம் பெற்றுள்ளது.

http://www.onlinepj.com/naveena-pirassanaikal/thesiyakodi_thesapatru/

மேலும் ஏன் போர் தொடரவில்லை என்றால் இது உடனடியாக ஐக்கிய நாடுகள் சபைக்கு கொண்டு போகப்பட்டது.

இந்தியாவுடன் சேர்வதா?

பாகிஸ்தானுடன் சேர்வதா?

தனிநாடாக இருப்பதா?

என்று இந்தியாவும் , பாகிஸ்தானும் காஷ்மீர் மக்களிடம் வாக்கெடுப்பு நடத்த வேண்டும்  என்ற ஐநாவின் உத்தரவை இந்தியாவும் பாகிஸ்தானும் 1948 ஆம் ஆண்டு ஏற்றுக் கொண்டன. அதனால் தான் காஷ்மீருக்கான போர் நடக்கவில்லை.

இரண்டு நாடுகளுமே வாக்கெடுப்பு இல்லாமல் தத்தமது பகுதிகளை தாமே வைத்துக்கொள்ளலாம் என்று செயல்பட்டு ஐநாவின் முடிவை தொடர்ந்து மீறி வருகின்றனர்.

வாக்கெடுப்பு நடத்த வேண்டும் என்று சொன்ன பிரசாந்த் பூஷன் தேசவிரோதி என்றால் நேருவும் பட்டேலும் தான் தேச விரோதிகளாக இருக்க வேண்டும். அவர்கள் ஆட்சியின் போது காஷ்மீர் சுய நிர்ணய உரிமைக்கு ஒப்புக் கொண்டார்கள்.

மன்னர் ஹரிசிங் இந்தியாவுடன் இணைந்த பின் காஷ்மீரில் இப்போது காணப்படுவதை விட ஆயிரம் மடங்கு கொந்தளிப்பு ஏற்பட்டது.

இன்றைய உமர் அப்துல்லாவின் பாட்டனாரும், பாரூக் அப்துல்லாஹ்வின் தந்தையுமான காஷ்மீர் சிங்கம் என்று அழைக்கப்பட்ட ஷேக் அப்துல்லா தலைமையில் தேசிய மாநாட்டுக் கட்சி காஷ்மீர் இந்தியாவைச் சேர்ந்தது அல்ல என்று கடுமையான போராட்டம் நடத்தியது.

நூறு சதவிகித மக்களும் இந்தியாவின் ஒரு பகுதியாக இருப்பதை விரும்பவில்லை என்று உறுதிபடச் சொன்ன கால கட்டம் அது.

பிரதமர் ஜவஹர்லால் நேருவின் உத்தரவுப்படி ஷேக் அப்துல்லா தேசிய பாதுகாப்புச் சட்டத்தில் கைது செய்யப்பட்டு கொடைக்கானலுக்கு கொண்டு வரப்பட்டு சிறைவைக்கப்பட்டார்.

இதன் பின்னர் நிலைமை இன்னும் மோசமானது..

காஷ்மீர் மக்களின் மனக்குறையை நீக்குகிறோம் என்று போராளிகளுடன் பேசி பலவிதமான முடிவுகள் எடுத்து அரசியல் சட்டத்தில் சேர்க்கப்பட்டன. அது 370ஆவது பிரிவாக அரசியல் சட்டத்தில் சேர்க்கப்பட்டது.

இந்த விபரமும் மேறகண்ட தனிக்கட்டுரையில் விளக்கப்பட்டுள்ளது.

அந்த 370ஆவது பிரிவை நீக்க வேண்டும் என்று இப்போது சங்பரிவாரம், நேரு மற்றும் பட்டேலின் வாக்குறுதியை மீறுகிறது. காஷ்மீர் மக்களுக்கு அளித்த உறுதி மொழிகளை ஒவ்வொன்றாக மீறியும் வருகின்றது.

370ஆவது பிரிவை நீக்கக் கூடாது என்று பிரசாந்த் பூசன் கூறுகிறார்.

இந்தியாவும் பாகிஸ்தானும் ஐநாவில் ஒப்புக்கொண்ட உறுதிமொழியை நிறைவேற்ற ஒப்புக்கொண்டால் காஷ்மீர் பிரச்சினை ஒரு வாரத்தில் தீரக்கூடிய பிரச்சினைதான்.

இந்தியாவுடன் இருக்கமாட்டோம் என்று ஒருமித்து அவர்கள் முடிவு செய்தால் அத்தகையோர் நமது நாட்டுக்குத் தேவையில்லை.

கிழக்கு பாகிஸ்தானாக இருந்த பகுதியினர் பாகிஸ்தானோடு இருக்க விரும்பவில்லை என்று திட்டவட்டமாக அறிவித்து முஜிபுர் ரஹ்மான் என்பவர் தலைமையில் புரட்சி செய்த போது இந்தியாவும் தலையிட்டு பங்களாதேஷ் என்ற தனி நாடாக ஆக்கியது.

பாகிஸ்தானுடன் அம்மக்களும் சேரவிரும்பவில்லை என்றால் தனிநாடாக இருப்பது சரிதான் என்று உலக நாடுகளும் ஏற்றுக்கொண்டன.

காஷ்மீர் என்ற பெயரைச் சொல்லி பல ஆயிரம் கோடிகள் வீணடிக்கப்படுகின்றன. உலக அளவில் மனித உரிமை தொடர்பான பல விமர்சனங்களைச் சந்திக்கிறோம்.

உள்நாட்டு மக்களை எத்தனை ஆண்டுகள் இராணுவத்தை வைத்துக் கொண்டு ஆள்வது? என்றெல்லாம் பொறுப்போடு சிந்தித்து ஒரு முடிவு எடுப்பது நல்லது.

பிரசாந்த் பூஷன் சொன்னதும், நேருவும், பட்டேலும் ஒப்புக்கொண்டதும் பாகிஸ்தானும் ஐநாவும் ஏற்றுக்கொண்டதுமான வாக்கெடுப்பு என்ற ஒரே முடிவைத் தவிர இதற்கு நிரந்தரத் தீர்வு ஏதும் இல்லை.

January 13, 2014, 10:12 AM

Modi's dream to become the prime minister of India, shattered

Has the dream of Narendra Modi to become the prime minister of India, shattered with the emergence of Kejriwal into politics?  What is the real agenda behind  the  protests  of Anna hazare?

       Imran Khan

BJP has now realized that it can no more raise up the issue of corruption to instill waves against the congress party as both the congress and the  BJP share the same credits when it comes to corruption.

The whole drama starts like this, BJP instigates Ravi Shankar, the founder of the organization called ‘Art of Living’, the person who plays a vital role in amassing people  join RSS. Ravi Shankar in turn negotiates talks with Anna hazare to initiate the indefinite hunger-strikes against corruption.Anna Hazare shall now be the new mask of BJP.

People never knew Anna hazare before this.

News was reported that Ravi Shankar had personally funded  for  Anna hazare’s hunger-strikes , be it advertising or aiding those people who join hands with Anna hazare in the hunger-strike.Meanwhile, BJP was busy portraying Anna hazare as a pure-hearted (?) individual.

 Anna hazare became more and more popular as he was going ahead with the agenda that the congress party  was  sole responsible for all the corruptions taking place.

BJP had planned to make use of Anna Hazare just before  parliamentary election  by making Anna Hazare declare his support to BJP and also to use him as a tool in campaigning for the party..

A few people who really intended to wipe out corruption from the society  but at the same time ignorant of the drama of Anna hazare and RSS/BJP, trusted and joined hands along with him in the hunger-strike. Even Prashanth poosan and the likes of him who were very much against the RSS/BJP stood behind Anna hazare.

Prashanth Poosan , Arvind Kejriwal and their likes did not fail to observe Anna hazare’s one sided attack on congress for corruption.They found Anna hazare observing complete silence when it comes to  Karnataka coal mining scam or Modi’s protest against legislation of lokpal.

They also realized that those who line up behind them were people who were strictly against corruption.It doesn’t matter to them if it’s  BJP or congress. What matters is the eradication of corruption from the society.

As  they realized Anna hazare was in reality a tool in the hands of BJP , they started to think of the possibilities of constituting a new political party.

Kejriwal’s emergence into politics turned out to be a big blow for ‘those’ who dreamed to attain  power by anti-congress propaganda.90 Percentage of those people who initially were with Anna hazare,  now joined the new political party established by Kejriwal which was named Aam Aadmi party ( Common Man Party).

The recently conducted New Delhi elections has proved that if there were a proper third- political front,  all those voters against congress need not vote for BJP anymore.People found Kejriwal filling this space.A person falling in his own trap,BJP is the best example now as it had fallen in its own self-made trap.

As Aam Aadmi party became popular and started to gain more and more of the people’s support. BJP realized that Anna hazare’s support to its party would no more be beneficial and so the party changed its direction of politics.This time it was to use Narendra Modi to amass people for the party’s favour.

Few people tried to make a statue for Anna Hazare and there was a protest against this. So Anna Hazare himself had written a letter to BJP chief Rajnath Singh, complaining that a leader of his party from Haryana was creating hurdles in the installation of his statue in Gurgaon. Hazare has urged Singh to help in this regard! This incident had proved Anna hazare’s love for self-praise and his support to BJP. This letter proved people  explicitly about  the joint conspiracy.

The BIP/RSS  initially launched Anna Hazare into the drama portraying him as a selfless soul fighting against corruption. But Anna Hazare had Spoken too high of Kejriwal more than the BJP’s Praise about Anna hazare’s  protests.

When Anna Hazare declared that he would not support  Kejriwal during the upcoming election, it had no effect  at all upon people.

The expectation of the people  was that there should emerge a proper, new political front which would not be congress party or BJP,  and that anti-congress campaign would no more lead to BJP gaining power.

When Narendra Modi’s  illegal relationship with a woman was brought to limelight,People detested Modi and this made BJP perplexed as to what new strategy should it undertake to divert people’s hatredness.After witnessing the victory of AAP,they started lauding Kejriwal setting aside Modi.

Witnessing the Delhi election results, those people who were not in favour of both the parties i.e., the congress and BJP, started to turn their attention towards AAP.

Having realized people’s support AAP has declared  to contest upto 300 seats.

It seems to us that Modi’s daydreams of becoming Prime minister have been already shattered with Kejriwal’s entrance into politics.

இதன் தமிழாக்கத்தை படிக்க Click Here

January 7, 2014, 11:24 AM

அ.தி.மு.க, காங்கிரஸ் ஆகிய இரு கட்சிகளுமே இட ஒதுக்கீட்டை அளித்தால் வரும் தேர்தலில் யாரை ஆதரிப்பது?


அ.தி.மு.க, காங்கிரஸ் ஆகிய இரு கட்சிகளுமே இட ஒதுக்கீட்டை அளித்தால் வரும் தேர்தலில் யாரை ஆதரிப்பது?

கா.மன்சூர் அலி, சிவகங்கை


இரண்டு கட்சிகளும் தந்துள்ள இட ஒதுக்கீட்டில் எது சமுதாயத்துக்கு
அதிக நன்மை தருவது என்பதை பொதுக்குழுவில் விவாதித்து முடிவு செய்வோம்.

இது ஒரு பெரிய பிரச்சனை அல்ல. நாம் இரண்டு நிறுவனங்களில் வேலைக்குவிண்ணப்பித்து இரண்டு நிறுவனங்களுமே வேலை தர முன்வந்தால் இரண்டில் எதுசிறந்தது என்று ஆய்வு செய்து ஒன்றைத் தேர்வு செய்கிறோம், ஒவ்வொருதனிமனிதனுக்குள்ளும் இந்தத் தன்மை இயல்பாகவே அமைந்துள்ளது.

தனிமனிதனுக்கு இது எளிதாக இயலுமானால் அறிவுப்பூர்வமாக சிந்தித்து முடிவு எடுக்கும் அமைப்புக்கு இது எளிதானது தான்.

January 6, 2014, 12:08 PM

ஜனவரி 28 போராட்டத்திற்குப் பின்னரும் இட ஒதுக்கீட்டை உயர்த்தித் தராவிட்டால் என்ன செய்வது?

ஜனவரி 28 போராட்டத்திற்குப் பின்னரும் இட ஒதுக்கீட்டை உயர்த்தித்
தராவிட்டால் என்ன செய்வது?

ஷமீம், பழைய வண்ணாரப் பேட்டை


தவ்ஹீத் ஜமாஅத் சமுதாயத்துக்காக ஒரு கோரிக்கையை முன் வைத்துள்ளது. இது தவ்ஹீத் ஜமாஅத் மட்டுமின்றி அனைத்து முஸ்லிம்களின் கோரிக்கையாக உருவெடுத்துள்ளது. இக்கோரிக்கையை ஏற்றால் சமுதாயத்தின் வாக்குகளை சிந்தாமல் சிதறாமல் அள்ள முடியும் என்பதை ஆள்வோர் உணராமல் இருக்க முடியாது.

ஆளும் கட்சிக்கு எதிராக பலமான அணி உருவாகி, சரியான போட்டி உருவானால் வெற்றி பெறுவதற்கு முஸ்லிம்களின் வாக்குகள்தான் உதவும் என்று கருதி இட ஒதுக்கீடு அளிக்க அதிக வாய்ப்பு உள்ளது.

எதிரணி பலவீனமாக இருந்து முஸ்லிம்களின் ஆதரவு இல்லாமல் வெற்றி பெற முடியும் என்று ஆளும் கட்சி நினைத்தால் இட ஒதுக்கீடு தராமல் பொய்யான வாக்குறுதிகளை அளிக்கவும் வாய்ப்பு உள்ளது.

நாம் எதிர்பார்த்தது நடக்காவிட்டால் நம் சமுதாயத்துக்கு எது நல்லது என்று சிந்தித்துப் பார்த்து தேர்தல் ஆதரவு குறித்து பொதுக்குழுவில் முடிவு செய்வோம்.

அதே சமயம் முஸ்லிம்களின் இட ஒதுக்கீட்டை உயர்த்துவதைத் தவிர வழியில்லை என்ற நிலையும் நிர்பந்தமும் அரசியல்வாதிகளுக்கு ஏற்படும் வரை தொடர் போராட்டங்களை நடத்துவதில் இருந்து தவ்ஹீத் ஜமாத் பின் வாங்காது, இன்ஷா அல்லாஹ்

January 6, 2014, 12:06 PM

பி.ஜேவுடன் தான் விவாதிப்பேன் என்பது சரியா ?

கேள்வி :

விவாதம் என்றால் ஓட்டம் எடுத்துக்  ண்டிருந்தவர்களில் சிலர் தற்போது  விவாத அறைகூவல் விடுவதும், நெருங்கிச் சென்றால் பீ.ஜே.யுடன் தான் விவாதிப்பேன்; வேறு எவரிடமும் விவாதிக்க  மாட்டேன் என்றும் கூறுவதும் அதிகரித்து வருகின்றனர். இது சரியா? இதற்குக் காரணம் என்ன?

நசீர் அஹ்மத், திருச்சி

பதில் : பொதுவாக ஒரு மனிதனுக்கும் இன்னொரு மனிதனுக்கும் உள்ள விவகாரம் பற்றிப் பேசுவதாக இருந்தால் சம்பந்தப்பட்ட இரு மனிதர்கள் தான் விவாதிக்க வேண்டும் என்று கோருவது ஏற்கத்தக்கது. நியாயமானது. ஒரு மனிதன் மீதான குற்றச்சாட்டு குறித்து விவாதிக்கும் போது நான் வரமாட்டேன் என் சார்பில் வேறு ஒருவரை அனுப்புகிறேன் என்று அவன் கூறினால் அதில் நியாயம் இல்லை என்று சொல்லலாம்.

ஆனால் ஒரு இயக்கம் கொண்டுள்ள கொள்கை, கோட்பாடுகள் பற்றி விவாதிப்பது என்றால் இன்னார் தான் வரவேண்டும் எனக்  கூறுவது  மடமையாகும். தனக்குத்தானே முரண்படுவதாகும்.

உதாரணமாக பிஜேயுடன் மட்டும்தான் விவாதிப்பேன். கொள்கையில் அவருடன் இணைந்துள்ள எந்த அறிஞருடனும் விவாதிக்க மாட்டேன் என்று ஒருவர் கூறினால் அந்தக் கூற்றுக்குள்ளேயே அவருக்கான மறுப்பும் அடங்கியுள்ளது.

பீ.ஜே. அல்லாத எந்த அறிஞரும் எனக்குச் சமமானவர்கள் அல்லர். என்னை விட தரத்தில் தாழ்ந்தவர்கள். அவர்களுடன் விவாதிப்பது என் தகுதிக்கு குறைவானது என்பதுதான் இதன் அர்த்தம். பீ.ஜே.என்ற ஒரு மனிதனைத் தவிர மற்ற எவருக்கும் அறிவு இல்லை என்பதுதான் இதன் உள்ளர்த்தம்.

உன் தரத்தைவிட மேலே உள்ளவருடன் தான் நீ விவாதிப்பாயானால் பீ.ஜேயும் அவரது தரத்தைவிட மேலே உள்ளவரிடம் தான் விவாதிப்பார் என்று எடக்கு மடக்காக நாமும் பதில் சொல்ல முடியும். ஆனால் நாம் அவ்வாறு சொல்வதில்லை.

ஒரு கொள்கை சரியா தவறா என்பதுதான் பிரச்சனை. எங்கள் கொள்கையை நிலை நாட்ட யார் தகுதியானவர்கள் என்ற அக்கறை எங்களுக்குத்தான் இருக்கும். விவாதத்தில் தோல்வி ஏற்பட்டால் பீ.ஜே. உள்ளிட்ட தவ்ஹீத் ஜமாஅத்தைச் சேர்ந்த அனைவரையும் தான் பாதிக்கும். எனவே உங்களுடன் உங்களைவிட மேலானவர்களை அல்லது சமமானவர்களைத் தான் விவாதிக்க ஏற்பாடு செய்வோம். உங்கள் கர்வத்துக்கு இதனால் பாதிப்பு ஏற்படாது என்று நாம் பதில் சொல்கிறொம்.

பீஜேயைத் தவிர மற்றவர்கள் எனக்கு நிகர் இல்லை என்று கருதுவோரின் கர்வத்தையும் ஆணவத்தையும் நாம் அங்கீகரிக்க முடியாது. சில விஷயங்களில் பீஜேயை விடச் சிறப்பாக விவாதிப்பவர்கள் இந்த ஜமாஅத்தில் உள்ளனர். ஒருவன் கிறுக்குத்தனமாக கேட்கிறான் என்பதற்காக மரியாதைக்குரிய எங்கள் அறிஞ்ர்கள் தகுதியற்றவர்கள் என்று ஒப்புக் கொள்ள முடியாது.

பீ.ஜே.என்ற நபர் பலரால் அறியப்பட்டவராக இருக்கிறார். தினசரி ஒரு ஊரிலே இருந்து ஒருவன் புறப்பட்டு என்னுடன் விவாதிக்கத் தயாரா என்று கேட்டால் தினசரி ஒருவருடன் பீஜே விவாதித்துக் கொண்டு இருக்க வேண்டும்.

அவர் கேட்பதன் நோக்கம் விவாதம் அல்ல. பி.ஜேயுடன் விவாதித்தேன் என்று பெருமையடிக்கவே இப்படி செய்கிறார் என்பதால் அந்த மடமைக்கு அடிபணியக் கூடாது என்பதில் நாம் தெளிவாக இருக்கிறோம்.. ஆய்வும், அறிவும் இல்லாத பலரும் இப்படி இறங்குவதற்கு இதுதான் காரணம்.

விவாதத்துக்கு யார் அழைத்தாலும் அவருடன் விவாதிக்க யாரை அனுப்புவது என்று முடிவு செய்யும் அதிகாரம் ஜமாஅத்துக்குத் தான் உள்ளது. இவ்வாறு அறைகூவல் விடுவோரின் தகுதி, தரம் ஆகியவற்றைக் கவனத்தில் கொண்டு அறிமுகம் இல்லாத அறிஞரை நாம் அனுப்பினால் தங்களுக்கு இதனால் பெயர் கிடைக்காது என்பதற்காக பின்வாங்கி விடுகின்றனர்.

ஒரு விவாதத்தில் பீஜே பங்கு பெற்றுத் தான் ஆக வேண்டும் என்று நிர்வாகக் குழு கருதி அந்த முடிவை எடுத்த போதெல்லாம் நான் விவாதத்தில் பங்கேற்றுள்ளேன்.

நாங்களே இதை சிறப்பாக விவாதிப்போம். பீஜேயைக் கண்மூடி நாங்கள் பின்பற்றுகிறோம் என்ற பொய்ப்பிரச்சாரத்தை இவ்விவாதத்தின் மூலம் உடைத்துக் காட்டும் அளவுக்கு நாங்கள் தெளிவில் இருக்கிறோம் என்று மற்ற அறிஞர்கள் உறுதிபடக் கூறினால் அதை நிர்வாகமும் சரி கண்டால் பீ.ஜே. இல்லாமல் விவாதம் நடக்கும்.

குறிப்பிட்ட இன்னார் கலந்து கொண்டால் தான் சரியாக இருக்கும் என்று நிர்வாகம் கருதி பீஜேயை அல்லது குறிப்பிட்ட ஒருவரை நியமித்தால் அப்போது அதை ஏற்றுக் கொள்வோம்.

ஒருவர் ஒரு கருத்தைச் சொல்கிறார். அதைப் பத்து பேர் கூட ஏற்கவில்லை என்றால் அவருடன் விவாதிக்க மூன்றாம் நிலையில் உள்ளவர்களைத் தான் ஜமாஅத் ஏற்பாடு செய்யும்.

ஒருவர் ஒரு கருத்தைச் சொல்லி நாடு முழுவதும் அது பரவி மக்கள் மததியிலே சந்தேகம் விளையும் அளவிற்கு இருந்தால் பெரிய விளம்பரத்துடனும் முழு பலத்துடனும் ஜமாஅத் விவாதத்தைச் சந்திக்கும்.

இதுபோல் உளறக்கூடியவர்களைச் சந்திக்க நேர்ந்தால் பி.ஜே கிடக்கிறார் விடுங்கள். நானும் அந்தக் கருத்தில்தான் இருக்கிறேன். என்னுடன் விவாதிக்கத் தயாரா என்று கேளுங்கள். இவர்கள் விவாத அறைகூவலின் லட்சணம் ரிந்துவிடும்.

இதனை இதனால் இவன் முடிக்கும் என்றாய்ந்து அதனை அவன் கண்விடல் என்பதுதான் தனி மனிதனும் இயக்கமும் அரசாங்கமும் ஏற்று செயல்படுத்தி வரும் கோட்பாடாகும்.

இந்தக் காரியத்தை இந்தக் காரணத்தினால் இவன செய்து முடிப்பான் என்று ஆராய்ந்து முடிவு செய்து அந்தக் காரியத்தை அவனிடம் ஒப்படைக்க வேண்டும் என்ற அறிவு உள்ளவர்கள் இதுபோல் கிறுக்குத் தனமாக கோரிக்கை வைக்க மாட்டார்கள்.

January 6, 2014, 12:04 PM

மோடியின் பிரதமர் கனவு கேஜ்ரிவாலால் தவிடு போடியானதா?

அன்னா ஹசாரேவின் போராட்டத்தின் பின்னணி என்ன?

இம்ரான் கான்,

காங்கிரஸை வீழ்த்தி ஆட்சியைக் கைப்பற்ற நினைத்த பா.ஜ.க, ஊழலைக் காரணம் காட்டி காங்கிரஸை எதிர்க்க முடியாது என்பதை நன்றாக அறிந்து வைத்திருக்கிறது. ஏனெனில் ஊழலில் காங்கிரஸும் பாஜகவும் சமநிலையில் உள்ளன.

அன்னா ஹசாரே என்ற முகமூடியைப் பயன்படுத்த திட்டமிட்டு வாழும்கலை என்ற பெயரில் சங்பரிவாரத்துக்கு ஆள் பிடிக்கும் ரவிசங்கர் என்பவர் மூலம் பேச்சுவார்த்தை நடத்தி உண்ணா விரதம் இருக்க வைத்தனர். இதற்கு முன் அன்னா ஹசாரேயை யாருக்கும் தெரியாது.

இதற்காக பெருமளவில் செய்யப்பட்ட விளமபரங்களுக்கும் உண்ணாவிரதத்துக்குவரும் மக்களுக்கு தேவையான வசதிகள் செய்து தருவதற்கும் நான் தான் உதவி செய்தேன் என்று ரவி சங்கரே வாக்கு மூலம் கொடுத்ததாகவும் செய்திகள் வெளிவந்தன பாஜகவினர் தங்களுக்கு ஆதரவான மீடியாக்கள் மூலம் அன்னா ஹசாரேவை தூய்மையின் மறுவடிவம் என்று சித்தரித்தனர்.

தனக்குப் புகழ் கிடைக்கிறது என்பதற்காக காங்கிரஸை மட்டும் ஊழலின் ஒரே அடையளம் என்ற தோற்றத்தை அன்னா ஹசாரே ஏற்படுத்தினார்.

நாடாளுமன்றத் தேர்தல் நெருங்கும் போது காங்கிரஸை ஒழிக்க பாஜவை ஆதரிக்குமாறு அன்னா ஹசாராவை அறிக்கை விடச் செய்தும் பிரச்சாரத்தில் இறக்கியும் ஆதாயம் அடையலாம் என்பது பாஜகவின் கணக்கு.

சங்பரிவாரத்தின் மறைமுக ஆதரவுடன் தான் இப்போராட்டம் நடக்கிறது என்பதை அறியாமல் ஊழலை ஒழிப்பதில் உண்மையான அக்கரையுள்ள இன்னும் சிலரும் அன்னாஹசாரேயுடன் சேர்ந்து கொண்டனர். சங்பரிவாரத்தை எதிர்ப்பதில் உறுதியான பிரசாந்த் பூசன் உள்ளிட்டவர்களும் ஹசாரேக்குப் பின்னால் திரடண்டனர்.

ஹசாரேயுடன் இணைந்து ஊழல் ஒழிப்பில் இறங்கிய கெஜ்ரிவால், பிரசாந்த் பூசன் போன்றவர்கள் ஹசாரே காங்கிரசின் ஊழலை மட்டும் எதிர்ப்பதையும், கர்நாடக சுரங்க ஊழல், லோக்பால் அமைக்க மறுக்கும் மோடியின் ஊழல் ஆகியவற்றைக் கண்டு கொள்ளாமல் ஹசாரே இருப்பதையும் அவர்கள் விளங்கிக் கொண்டனர்.

தங்களுக்கு ஆதரவாகத் திரளும் மக்கள் காங்கிரஸின் ஊழலை மட்டுமின்றி பாஜகவின் ஊழலையும் எதிர்ப்பவர்கள் இரண்டும் அல்லாத இன்னொரு மாற்று சக்தியைத்தான் எதிர்பார்க்கிறார்கள் என்று அவர்கள் துல்லியமாகக் கணக்கிட்டனர்.

அன்னா ஹசாரே பாஜகவின் கைக்கூலி என்பதையும் அவர்கள் விளங்கிக் கொண்டு நாமே தனிக் கட்சி ஆரம்பித்தால் என்ன என்று சிந்தித்து களமிறங்கினார்கள்.

காங்கிரஸ் எதிர்ப்பு அலையைப் பயன்படுத்தி வெற்றி பெற நினைத்தவர்களின் வாயில் கெஜ்ரிவால் மண்ணை அள்ளிப்போட்டார். ஹசாரேவுக்குப் பின்னால் திரட்டப்பட்ட மக்களில் 90 சதவீதம் பேரைத் தன்னுடன் இழுத்துச் சென்று ஆம் ஆத்மி (பொதுஜனம்) என்ற பெயரில் கட்சியை ஆரம்பித்தார். டெல்லி தேர்தலில் மிகப்பெரும் வெற்றி பெற்றதன் மூலம் சரியான மாற்று அணி இருந்தால் காங்கிரஸ் எதிர்ப்பு ஓட்டுக்கள் பீஜேபிக்குப் போகாது என்பதை நிரூபித்துக் காட்டினார்.

தான் விரித்த வலையில் தானே விழுந்த கதைக்கு பாஜவின் இந்தக் கேடுகெட்ட செயலைத் தவிர வேறு சிறந்த உதாரணம் இருக்க முடியாது.

ஆம் ஆத்மி ஆரம்பித்து அதற்கு மக்கள் ஆதரவு பெருகி வருவதைக் கண்டுகொண்ட பின்தான் ஹசாரேயின் ஆதரவு இனி ஒன்றுக்கும் உதவாது என்பதை உணர்ந்து மோடியை வைத்து பெறப் பார்ப்போம் என்று தனது பாதையை மாற்றிக்கொண்டது பாஜக.

அன்னா ஹசாரேக்கு சிலர் சிலை வைக்க முயன்ற போது அதற்கு எதிர்ப்பு எழுந்தது. உடனே தனது சிலையை வைக்க ஆதரவு கேட்டு ஹசாரே பாஜகவுக்கு கடிதம் எழுதினார். தனது சிலையை வைக்க தானே ஆசைப்படும் புகழ் விரும்பி என்பதும் பாஜகவின் கைக்கூலி என்பதும் இதன் மூலம் இன்னும் நிரூபணமானது. இந்தக் கடிதம் இவர்களின் கூட்டுச் சதியை இன்னும் தெளிவாக நாட்டு மக்களுக்கு உணர்த்தி விட்டது.

சங்பரிவாரத்தால் ஊதிப்பெரிதாக்கப்பட்ட ஹசாரே, கெஜ்ரிவாலை ஊதிப்பெரிதாக்கினார்.

ஆனால் ஹசாரேயை பாஜக ஊதியதை விட ஹஸாரே கெஜ்ரிவாலை அதிகம் ஊதிப் பெரிதாக்கிவிட்டார்.

நான் ஆம் ஆத்மியை ஆதரிக்கவில்லை என்று தேர்தல் நேரத்தில் ஹசாரே பேட்டி கொடுத்தும் அது மக்களிடம் எடுபடாமல் போய்விட்டது. மக்கள் ஊழலை ஒழிக்க காங்கிரஸ் பாஜக அல்லாத இன்னொரு சக்தியைத் தான் எதிர்பார்த்த்தார்களே தவிர காங்கிரசுக்கு எதிர்ப்பை ஏற்படுத்தி அதன் ஆதாயத்தை பீஜேபி அடைவதை மக்கள் விரும்பவில்லை.

நரேந்திர மோடிக்கு பில்டப் கொடுத்த ஊடகங்கள் மோடியின் பெண் தொடர்பு காரணமாக அவரை அருவறுப்பாகப் பார்த்தனர். எப்படி பல்டி அடிப்பது என்று தெரியாமல் விழித்தனர். ஆம் ஆத்மியில் டெல்லி வெற்றிக்குப் பிறகு மோடியைக் கீழே போட்டு விட்டு ஆம் ஆத்மி புகழ் பாட ஆரம்பித்து விட்டனர்.

டெல்லி தேர்தலுக்குப் பின் காங்கிரஸும் வேண்டாம்; பாஜகவும் வேண்டாம் என்று விரும்பக் கூடிய மக்கள் ஆம் ஆத்மியின் பக்கம் கவனத்தைத் திருப்பியுள்ளனர். இதை உணர்ந்து கொண்ட ஆம் ஆத்மியும் 300 இடங்களில் வேட்பாளர்களை நிறுத்தப்போவதாக அறிவித்துள்ளது.

மோடியின் பிரதமர் கனவு கெஜ்ரிவால் மூலம் களைந்து விட்டதாகவே நமக்குத் தெரிகிறது.

இதன் ஆங்கில மொழிபெயர்ப்பை படிக்க Click Here

January 6, 2014, 11:57 AM

பெண் தூதர் தேவயானி மீது எடுத்த நடவடிக்கை சரிதானா?

?அமெரிக்காவுக்கான இந்திய தூதரகத்தின் அதிகாரி தேவயானியை அமெரிக்க அரசு கைது செய்தது சரியானதுதானா?

- மசூது, கடையநல்லூர்.

! இந்தக் கைது விவகாரம் இந்திய - அமெரிக்க ஆட்சியாளர்களின் மற்றும் அதிகாரிகளின் அயோக்கியத்தனத்தை அம்பலப்படுத்தியுள்ளது.

தேவயானி என்ற அதிகாரி தனது வீட்டு வேலைக்காக சங்கீதா என்ற பெண்ணை போலி ஆவணம் மூலம் விசா பெற்று அழைத்துக்கொண்டார் என்பதும், அமெரிக்காவில் உள்ள வீட்டு வேலைக்கான பெண்களுடைய உரிமையைப் பறித்துக் கொண்டார் என்பதும் தேவயானியின் மீதான குற்றச்சாட்டு,

அத்துடன் இந்த வழக்கில் அந்த அதிகாரியை பொது இடத்தில் வைத்து கைது செய்தது, கையில் விலங்கு மாட்டியது, ஆடையை அவிழ்த்து சோதனை செய்தது ஆகியவையும் சேர்ந்து கொண்டது.

தனது வீட்டு வேலைக்காக போலியான ஆவணங்களைத் தயாரித்து ஒரு பெண்ணை அழைத்துச் சென்றது அமெரிக்கச் சட்டப்படி குற்றம் என்றால் அதற்காக வழக்குப் பதிவு செய்வதை குறை கூற முடியாது. அனைத்து நாடுகளிலும் குற்றச் செயலாக உள்ள போர்ஜரியைச் செய்த அதிகாரிக்கு ஆதரவாக இந்திய அரசோ இந்திய மக்களோ நடந்து கொள்ளக்கூடாது என்பது இந்தியாவில் அப்பட்டமாக மீறப்பட்டுள்ளது.

அதிகாரிகள் மற்றவர்களை விட சட்டங்களை அதிகம் மதிப்பவர்களாக இருக்க வேண்டும் என்பதுதான் உலக மக்கள் அனைவரின் எதிர்பார்ப்பாகும்.

இந்தக் குற்றத்துக்காக தேவயானி கைது செய்யப்பட்டு இருந்தால் ஃபோர்ஜரியான ஆதாரங்கள் மூலம் தேவயானி மூலம் அமெரிக்காவுக்கு வேலைக்குச் சென்ற சங்கீதாதான் அனைத்து நாடுகளின் சட்டப்படி முதல் குற்றவாளியாவார். அவரது குற்றம் நிரூபிக்கப்படாவிட்டால் அவரை அழைத்துச் சென்றவர் அந்தக் குற்றத்தைச் செய்யவில்லை என்று ஆகும்.

யார் ஃபோர்ஜரியான ஆதாரங்களைக் காட்டி அமெரிக்காவை ஏமாற்றினாரோ அவரைக் கைது செய்யாமல் அவரை மறைவிடத்தில் வைத்துப் பாதுகாக்கும் அமெரிக்கா அவரை வேலைக்கு அழைத்துக் கொண்ட தேவயானியைக் கைது செய்திருப்பது சட்டத்தை நிலை நாட்டும் நோக்கம் அமெரிக்காவுக்கு சிறிதும் இல்லை என்பதை அப்பட்டமாகக் காட்டுகிறது.

ஃபோர்ஜரி விசா மூலம் வேலைக்குச் சென்ற சங்கீதாவின் தந்தை டெல்லியில் உள்ள அமெரிக்க தூதரகத்தில் பணியாற்றும் இந்தியராக இருக்கிறார். தனது தூதரகத்தில் பணியாற்றும் ஒருவரைப் பயன்படுத்தி வேண்டுமென்றே போலியான விசா கொடுத்து தேவயானி சிக்க வைக்கப்பட்டிருப்பதற்கு அதிக வாய்ப்பு இருக்கிறது.

அமெரிக்கா ஏன் இப்படிச் செய்ய வேண்டும் என்று அமெரிக்க ஆணவப் போக்கை அறிந்தவர்கள் கேள்வி கேட்கமாட்டார்கள். நாங்கள் எந்த நாட்டினரையும் எதுவும் செய்வோம் என்று அடிக்கடி காட்டிக் கொள்வதற்காக அந்நிய நாட்டவர்களை இழிவுபடுத்துவது அமெரிக்காவின் வழக்கமான அயோக்கியத் தனம்தான்.

துருப்பிடித்த ஆயுதம் கூட இல்லாத ஈராக்கில் இரசாயன ஆயுதங்கள் உள்ளதாகக் கூறி அந்த நாட்டை நாசமாக்கி தனது ஆணவத்தை நிலை நாட்ட எந்த மனப்பான்மை காரணமாக இருந்ததோ அதே மனப்பான்மைதான் இதற்கும் காரணமாக இருக்க முடியும்.

தேவயானி தரப்பு கூறுவது போல இதில் திட்டமிட்ட சதி உள்ளது உண்மையாக இருப்பதற்கும் வாய்ப்பு உள்ளது.

ஆதிக்கத்தை நிலைநாட்டி இந்தியாவையும் உலக நாடுகளையும் அச்சுறுத்துவது நோக்கமாக இல்லாவிட்டால் இந்திய அரசுக்கு இந்திய தூதரகத்துக்குத் தெரிவித்துவிட்டு தேவயானியை வீட்டில் கைது செய்திருக்கலாம்.

வெளி இடங்களில் கைது செய்தாலும் கைவிலங்கு போடாமல் கைது செய்திருக்கலாம். ஆடைகளை அவிழ்த்து சோதனை செய்யாமல் இந்தச் சட்ட நடவடிக்கையை எடுத்திருக்கலாம். இவை அனைத்தையும் மீறி தேவயானியை கைது என்ற பெயரில் இழிவு செய்திருப்பதற்கு அமெரிக்காவின் ஆதிக்க மனப்பான்மைதான் காரணம்.

நமது நாட்டின் பிரதமர் அமெரிக்காவுக்கு சென்ற நேரத்தில் சீக்கியர்களுக்கு எதிரான கலவரம் தொடர்பாக நமது பிரதமர் மீதே அமெரிக்க அயோக்கிய அரசாங்கம் வழக்குப் பதிவு செய்தது.

முன்னால் ஜனாதிபதி அப்துல்கலாம் உள்ளிட்ட பல பிரமுகர்களை ஷுவைக் கழற்றி சோதனை செய்தது என இதற்கு நீண்ட பட்டியல் உண்டு.

அமெரிக்காவின் முன்னால் அதிபரிடம் இந்திய அரசாங்கம் இப்படி நடந்து கொள்ள முடியாது. ஆனால் இந்தியாவின் இந்நாள் பிரதமர் மீதே நாங்கள் வழக்குப் போடுவோம் என்ற இறுமாப்புதான் இதற்கு காரணமாகும்.

தேவயானிக்கு முன்பாக எத்தனையோ இந்தியத் தலைவர்களும் பிரமுகர்களும் அமெரிக்க விமான நிலையத்தில் ஆடை அவிழ்த்து அவமானப்படுத்தப்பட்டதுண்டு. அவர்கள் ஏதேனும் குற்றச் செயல்களின் ஈடுபட்டதற்காக இப்படி நடத்தப்படவில்லை. அமெரிக்காவை மதித்து முறையான விசாவில் சென்றதற்காக இப்படி அவமானப்படுத்தப்பட்டார்கள்.

ஒரு வழக்கில் கைது செய்யப்பட்டவருக்கு ஏற்பட்ட அவமானத்துக்காக கோபத்தை வெளிப்படுத்தும் இந்திய அரசும், இந்திய ஊடகங்களும் இந்திய மக்களும் எவ்வித குற்ற வழக்கும் இல்லாமல் சுற்றுப்பயணம் மேற்கொண்ட நம் தலைவர்கள் அவமானப்படுத்தப்பட்டபோது சிறு சலனத்தைக்கூட வெளிப்படுத்தவில்லை.

இது ஏன்? இந்நாள் பிரதமரை விடவும், முன்னாள் குடியரசுத் தலைவரை விடவும், தேவயானி அவ்வளவு முக்கியமானவரா? இதற்கான காரணத்தையும் நாம் விளங்கிக்கொள்ள வேண்டும்.

இந்த நாட்டில் மக்களாட்சி நடக்கிறது என்று சொல்லி மக்களால் தேர்வு செய்யப்பட்ட இவர்கள் ஆட்சி செய்கிறார்கள் என்று சொல்லிக்கொண்டாலும் உண்மையில் ஆட்சி செய்வது பெரிய படிப்பு படித்த அதிகாரிகள்தான்.

அதிகாரிகளின் ஆலோசனையைக் கேட்டு ஆட்சி நடத்துவதால் தான் மக்கள் நலன் புறக்கணிக்கப்படுகிறது. இந்த உண்மையை விளங்கிக் கொண்டால் இதற்கான காரணம் விளங்கிவிடும்.

பிரதமர் நிர்வாணமாக்கப்பட்டால் கூட அதை பெரிதுபடுத்த வேண்டாம்; அதனால் அந்த இழப்பு ஏற்படும்; இந்த இழப்பு ஏற்படும் என்று பயம் காட்டி பிரதமரையே கோழையாக்கி விடுவார்கள் அதிகாரிகள்.

ஒரு அதிகாரிக்கு பாதிப்பு ஏற்பட்டால் நாளைக்கு நமக்கும் இது போல் ஏற்படும் என்று அஞ்சி அமெரிக்காவுக்கு எதிரான பாய்ண்டுகளை எடுத்துக் கொடுத்து எப்படி அமெரிக்காவுக்கு பாடம் கற்பிக்கலாம் என்று பாடம் சொல்லிக்கொடுப்பார்கள்.

இந்தியாவில் உள்ள அமெரிக்கத் தூதரக அதிகாரிகளுக்கு அமெரிக்காவில் இருந்து வரும் பார்சல்கள் எவ்வித சோதனையும் செய்யாமல் ஒப்படைக்கப்படும் விபரத்தை இப்போதுதான் அரசுக்கு சொல்லி அதைத் தடை செய்கிறார்கள்.

அமெரிக்காவின் தூதரக ஊழியர்கள் சிறப்பு பாஸ் பெற்றுக்கொண்டு விமான நிலையத்தில் எந்த எல்லை வரைக்கும் போகலாம் என்ற சலுகை இருப்பதை இப்போதுதான் அரசாங்கத்திற்கு தெரிவித்து அதற்கு தடை போடுகிறார்களாம்.

ஏராளமான அமெரிக்கர்கள் துணைத்தூதர் என்று பாஸ் வைத்துக் கொண்டு ஆட்டம் போடுவது அதிகாரிகளுக்குத் தெரிந்தும் தங்களுக்கு பாதிப்பு என்ற பிறகுதான் அரசுக்குச் சொல்கிறார்கள்.

அமெரிக்க தூதரகம் உள்ள சாலை மக்களின் பயன்பாட்டுக்காக மக்கள் செலவில் போடப்பட்டது. அந்தப் பாதையை நிரந்தரத்தடுப்புச் சுவர் எழுப்பி பொது மக்களின் போக்குவரத்தையே அதில் தடை செய்துள்ளது அதிகாரிகளுக்கு முன்பே தெரிந்தாலும் இப்போதுதான் அரசுக்குச் சொல்லிக் கொடுக்கிறார்கள்.

மேலும் எப்படியெல்லாம் இங்குள்ள அமெரிக்க அதிகாரிகளுக்கு பாடம் புகட்டலாம் என யோசனைகளை அள்ளி வழங்கிக் கொண்டு இருக்கிறார்கள்.

மக்களாட்சி நடக்கும் ஒரு நாட்டுக்கு இதைவிடக் கேவலம் என்ன வேண்டும்?

வெளிநாட்டு தூதர்களுக்கு என்ன சலுகைகள் என்பதற்கு நமது நாட்டில் விதிமுறைகளும் சட்டங்களும் உள்ளது. அதன்படிதான் அனைத்து நாட்டு தூதரக அதிகாரிகளும் இந்தியாவில் நடத்தப்படுகிறார்கள். அமெரிக்காவுக்கு விலைபோன அமெரிக்காவின் கவனிப்புக்கு உள்ளான தேசத்துரோக அதிகாரிகள் அமெரிக்கர்களுக்காக இந்த நாட்டுச் சட்டத்தை எப்படியெல்லாம் வளைத்துள்ளார்கள் என்பது இப்போது தெரிய வருகிறது.

அமெரிக்கா இன்று செருப்படி கொடுத்து இருப்பதற்குக் காரணமே இத்தனை ஆண்டுகளாக இவர்கள் செய்த அடிமைத்தனம்தான்.

இந்திய அரசையும், இந்திய மக்களையும் அமெரிக்காவின் அடிமைகளைப் போல கருதும் நிலையை நமது உயர் அதிகாரிகள் ஏற்படுத்தி விட்டு தங்களுக்கு பாதிப்பு என்றவுடன் தங்களின் அயோக்கியத் தனங்களை தாங்களே அம்பலமாக்குகின்றனர்.

அமெரிக்காவிற்கு எதிராக இந்திய அரசும் அமைச்சர்களும் வீர வசனம் பேசியதால் இனிமேலாவது நாட்டின் மானத்தைக் காப்பார்கள் என்று சிறிதளவு நம்பிக்கை ஏற்பட்டது. இந்தியச் சட்டப்படி தான் அமெரிக்கர்கள் நடத்தப்படுவார்கள் என்று நிலை நாட்டுவார்கள் என்று நாடு எதிர்பார்த்தது.

அதற்குள் என்ன நடந்ததோ எவன் விலைபோனானோ தெரியவில்லை. நாங்கள் பேசித் தீர்த்துக் கொள்வோம் என்று மத்திய அமைச்சர் அந்தர் பல்டி அடித்துவிட்டார். தேவயானியை அழைத்தபின்தான் பாராளுமன்றத்தில் நுழைவார் என்று கூறி 40 மணி நேரத்தில் இந்த பல்டியை அடித்துள்ளனர்.

இந்தியாவின் மானத்தை இவர்கள் காப்பாற்ற மாட்டார்கள் என்பது இதன் மூலம் உறுதியாகிவிட்டது.

தேவயானியைக் காப்பாற்ற ஐநா சபைக்கான இந்திய அதிகாரியாக அவருக்கு பதவி மாற்றம் செய்தது இந்திய அதிகாரிகளுக்கும் இந்திய அரசுக்கும் கடுகளவும் மூளையோ சட்ட அறிவோ இல்லை என்பதற்கு ஆதாரமாக அமைந்தது.

ஐநாவில் பணியமர்த்தப்பட்டால் அதன் பின்னர்தான் அவருக்கு சட்டப்பாதுகாப்பு கிடைக்கும் அதற்கு முன் நடந்த குற்றத்திற்கு பாதுகாப்பு கிடைக்காது என்ற சாதாரண அறிவுகூட இவர்களுக்கு இல்லாமல் போய்விட்டது.

மொத்தத்தில் நாட்டில் மக்களாட்சி நடக்கவில்லை என்பதையும், வெள்ளைக்காரனிடமிருந்து முழு விடுதலை இன்னும் கிடைக்கவில்லை என்பதையும் இந்தச் சம்பவம் தெளிவாக நாட்டுமக்களுக்கு புரியவைத்துவிட்டது.

December 24, 2013, 6:18 PM

நாடாளுமன்றத் தேதி அறிவிக்கப்பட்டால் சிறை நிரப்பும் போராட்டம் நடைபெறுமா?

நாடாளுமன்றத் தேதி அறிவிக்கப்பட்டால்

சிறை நிரப்பும் போராட்டம் நடைபெறுமா?

? நாடாளுமன்றத் தேர்தல் முன்கூட்டியே வர வாய்ப்பு உள்ளதாகவும், அப்படி தேர்தல் தேதி அறிவிக்கப்பட்டால் மாநாடு நடத்த முடியாது என்ற காரணத்தைக் கூறி ம.ம.கட்சி தனது மாநாட்டை ஒத்தி வைத்துள்ளதாக அறிவித்துள்ளது. அப்படி முன்கூட்டியே தேர்தல் வந்தால் நம்முடைய போராட்டத்துக்கும் அனுமதி கிடைக்காது அல்லவா? நாமும் ஒத்திவைக்கலாமே?

செல்லதுரை, செங்கோட்டை

! முன்கூட்டியே தேர்தல் என்பது இரண்டு சந்தர்ப்பத்தில்தான் சாத்தியமாகும்.

ஆளும் கட்சியாக இருப்பவர்கள் சட்ட சபையை அல்லது நாடாளுமன்றத்தைக் கலைத்து விட்டால் தேர்தல் கமிஷன் தேர்தல் நடத்தும்.

அல்லது ஆட்சியில் இருப்பவர்கள் பெரும்பான்மை இழந்து நம்பிக்கை வாக்கெடுப்பில் தோற்றுவிட்டால் அப்போதும் முன் கூட்டியே தேர்தல் வரலாம்.

மாநில அரசாக இருந்தால் அந்த ஆட்சியை மத்திய அரசு 356வது பிரிவைப் பயன்படுத்தி கலைத்து விட்டால் அப்போதும் முன்கூட்டி தேர்தல் வரலாம்.

இந்த மூன்று காரணங்களில் ஏதேனும் இப்போது உள்ளதா என்பதை நாம் ஆய்வு செய்ய வேண்டும்.

தங்களது ஆட்சி முடிய பல மாதங்கள் இருக்கும்போது நாடாளுமன்றத்தையோ, சட்ட மன்றத்தையோ ஆளும் கட்சி கலைத்துவிட்டு தேர்தல் நடத்தியதற்கு முன்னுதாரணங்கள் உள்ளன. தங்கள் பதவிக்காலம் முடிய ஓராண்டுக்கு மேல் இருக்கும்போதுகூட இவ்வாறு தேர்தல் நடத்தப்பட்டதுண்டு.

ஆளும் கட்சி எப்போது இந்த முடிவை எடுக்கும்? இப்போது தேர்தல் நடந்தால் இப்போது கைவசம் வைத்துள்ள இடங்களைவிட அதிக இடங்களில் வெல்லலாம் என்ற அளவுக்கு ஆதரவு அலை வீசினால் அலை மாறி வீசுவதற்கு முன்னால் தேர்தல் நடத்த ஆளும் கட்சி விரும்பும். அவ்வாறு இல்லாவிட்டால் எஞ்சிய காலத்தை அனுபவித்துவிட வேண்டும் என்றுதான் முடிவு எடுக்கும்.

இப்போது காங்கிரசுக்கு ஆதரவான எந்த அலையும் வீசவில்லை. காங்கிரசுக்கு இப்போது உள்ளதை விட இடங்கள் குறைந்து மாநிலக் கட்சிகள் அதிக இடங்களைப் பிடிக்கும் வாய்ப்பே அதிகம்.

இந்த நிலையில் முன்கூட்டியே தேர்தலை நடத்தி எஞ்சிய காலத்தில் பதவி சுகத்தை இழக்க மாட்டார்கள்.

இன்றைய அரசியல் நிலவரத்தைக் கவனிக்கும்போது தனது கடைசி காலம் வரை பதவியில் நீடிக்கவே காங்கிரஸ் விரும்பும்.

இதையெல்லாம் மீறி உளவுத்துறையினர் தவறான தகவலைக்கொடுத்து அதை ஆளும் கட்சி நம்பி முன்கூட்டியே தேர்தல் நடத்தலாம். ஆனால் இதற்கு வாய்ப்பு மிகவும் குறைவு.

இந்தக் காரணத்துக்காக முன் கூட்டியே தேர்தல் வர வாய்ப்பு இல்லை.

ஆளும் கட்சிக்கு ஆதரவளித்து வரும் மாநிலக் கட்சிகள் ஆதரவை  விலக்கிக் கொண்டு அதனால் ஆளும் கட்சி பெரும்பான்மை இழந்தால் அப்போதும் முன்கூட்டியே தேர்தல் வரலாம்.

பதவிக்காலம் முடிய சில மாதங்களே உள்ளதால் மாநிலக் கட்சிகள் அந்த முடிவுக்கு வர சாத்தியமில்லை.

முலாயம் சிங் உத்தரப்பிரதேசத்தில் ஜெயித்தபோது அவருக்கு ஆதரவான அலை வீசியது. அந்த நேரத்தில் அவர் ஆதரவை திரும்பப் பெற்று இருந்தால் அப்போதே தேர்தல் வந்து உத்தரப்பிரதேசத்தில் அதிகமான இடங்களைப் பிடித்து இருக்க முடியும். அப்போதே ஆதரவை வாபஸ் பெறாதவர் இப்போது அந்த முடிவை எடுக்க மாட்டார்.

மத்திய அரசுக்கு ஆதரவளிக்கும் மாநிலக்கட்சிகள் அனைத்தின் நிலையும் இதுதான். மாநிலத்தில் தங்களுக்கு ஆதரவு அலை வீசாதபோது அவர்களும் முன்கூட்டியே தேர்தல் வருவதை விரும்ப மாட்டார்கள்.

மத்திய அரசைக் கலைக்கும் பேச்சுக்கு இடமில்லை.

எனவே முன்கூட்டியே தேர்தல் வருவதற்கான எந்த அறிகுறியும் இல்லாத போது முன்கூட்டியே தேர்தல் வரும் என்று நாம் முடிவெடுக்க மாட்டோம்.

ம.ம.கட்சிக்கு மக்கள் மத்தியில் அறவே ஆதரவு இல்லை என்பது நமக்குத் தெரியும் என்றாலும் அவர்களும் இதை உணர்ந்து இருக்கலாம்.

மாநில மாநாடு என்று உழைத்து பொதுக்கூட்டமாக மாறிவிட்டால் அதன் பின்னர் பாராளுமன்றத் தேர்தலில் பேரம் பேச முடியாது. எனவே இந்தக் காரணத்துக்காகவே இந்த முடிவை எடுத்து இருக்கலாம் என்றே நமக்குத் தோன்றுகிறது.

ஒருவேளை முன்கூட்டியே தேர்தல் நடந்தாலும் நம்முடைய போராட்டத்தை அது பாதிக்காது.

ஏனெனில் நாம் நடத்தும் போராட்டம் அனுமதி பெற்று நடத்தும் மாநாடு அல்ல. சிறை செல்லும் போராட்டம். அனுமதி பெறாமல் அனுமதி கோராமல் நாம் ஒரு இடத்தில் குழுமினால்தான் கைது செய்வார்கள். அதற்கு நம்மைத் தயார்படுத்திக் கொண்டே ஜனவரி 28 போராட்டம் அறிவிக்கப்பட்டுள்ளது.

தேர்தல் தேதி அறிவிக்கப்பட்டால் அதைக் காரணம் கூறி கைது செய்வார்கள். இல்லாவிட்டால் அனுமதியில்லாமல் கூடியதற்காகக் கைது செய்வார்கள். எனவே சிறை செல்லும் போராட்டத்தை தேர்தல் நடத்தை விதி பாதிக்காது.

ஆனால் தேர்தல் தேதி அறிவிக்கப்பட்டு விட்டால், தேர்தல் நடத்தை விதி ஜனவரி 28க்கு முன் நடைமுறைக்கு வந்துவிட்டால் இடஒதுக்கீட்டை அதிகப்படுத்தித் தரமுடியாது. தேர்தல் கமிஷனின் மீது பழியை போட்டு விடுவார்கள். அப்போது போராட்டம் பயனற்றதாக ஆகிவிடும்.

அப்படி ஒரு நிலை ஏற்பட்டால் அவசர செயற்குழுவைக் கூட்டி போராட்டம் பயன் தருமா என்று அலசி ஆராய்ந்து முடிவெடுக்கலாம்.

இப்போது ஜனவரி 28 போராட்டத்தை ஒத்திவைக்க தக்க காரணம் ஏதும் இல்லை.

November 28, 2013, 2:13 PM

ஏற்காடு சட்டமன்ற இடைத்தேர்தலில் கருணாநிதி ஆதரவு கேட்டாரா?

 கேள்வி – ஏற்காடு சட்டமன்ற இடைத்தேர்தலில் அனைத்து இயக்கங்களுக்கும் ஆதரவு கோரி திமுக தலைவர் கடிதம் எழுதியுள்ளார். தவ்ஹீத் ஜமாஅத்திற்கு ஏன் அவர் கடிதம் எழுதவில்லை? அப்படி ஆதரவு கேட்டால் ஆதரிப்பீர்களா?
- முகம்மது இம்ரான், காயல்பட்டிணம்


பதில் – தவ்ஹீத் ஜமஅத்தின் ஆதரவைக் கேட்டு திமுக தலைவர் நமக்கும் கடிதம் எழுதியுள்ளார். நமது முடிவு என்னவென்பதை நாம் திமுக தலைவருக்கு எழுதிய பதிலில் இருந்து வாசகர்கள் அறிந்து கொள்ளலாம்.




October 21, 2013, 2:59 PM

கோவில் சார்பாக தானமாக வழங்கப்பட்ட பசு மாடுகள் மாயமானது உண்மையில்லையா

கோசாலைக்கு திருச்செந்தூர் கோவில் சார்பாக தானமாக வழங்கப்பட்ட பசு மாடுகள் மாயமானதாக கடந்த வார உணர்வில் வெளியிடப்பட்ட செய்தியை சங்பரிவார கும்பல்கள் பொய்யான செய்தி என்று முகநூலில் மறுத்து கருத்து வெளியிட்டுள்ளார்களே! இதன் உண்மை நிலை என்ன?

- அப்துர்ரஹ்மான், கோவை


பசுக்கள் மீது பக்தி கொள்வதாக காட்டிகொள்ளும் பரிவாரக்கும்பல்களுக்கு உண்மையிலேயே பக்தி உள்ளதா? அல்லது அவர்கள் பகல் வேஷம் போடுகின்றார்களா? என்பதை தோலுரிக்கும் விதமாக கடந்த வார உணர்வு இதழில் உணர்வலைகளில் எழுதப்பட்டிருந்தது. பொதுவாக நாம் எந்தவொரு செய்தியை எழுதினாலும் ஆதாரத்துடனும், ஆதாரங்களை கையில் வைத்துக் கொண்டும்தான் எழுதுவோம். அதைத்தான் நாம் வழிமுறையாகவும் கடைப்பிடித்து வருகின்றோம். கோசாலைகளில் பசு மாடுகள் மாயமானது குறித்து நாம் செய்தி சொல்லவில்லை; அதை நாம் கண்டுபிடிக்கவும் இல்லை. கடந்த 2012 ஆம் ஆண்டு நவம்பர் மாதம்  இந்து அறநிலையத்துறை சார்பாக கோசாலைகளில் பசுமாடுகளின் எண்ணிக்கை குறித்து தணிக்கை செய்யப்பட்டது. தானமாக வழங்கப்பட்டுள்ள பசுமாடுகள் எத்தனை? அதில் இறந்த மாடுகள் எத்தனை? மீதமுள்ளமாடுகள் எத்தனை? என்பது குறித்து ஆய்வு செய்த போதுதான் இந்த உண்மை வெளியானது. ஆய்வு செய்த அதிகாரிகள் வெளியிட்ட புள்ளி விபரங்களின் அடிப்படையிலேயே நாம் இவர்களின் உண்மை முகத்தை அம்பலப்படுத்தினோம்.

இது குறித்து தினமலர் நாளிதழில் கோயில் பக்கம் என்ற பகுதியில் கடந்த 2012 ஆம் ஆண்டு நவம்பர் 29ஆம் நாள் வெளியான செய்தியின் ஸ்கிரீன் ஷாட்டை இணைத்துள்ளோம்.





October 19, 2013, 7:28 PM

வாக்களிக்க விரும்பாதவர்களுக்கு தனி பட்டன் பயன் தருமாறு

கேள்வி – வாக்களிக்க விரும்பாதவர்கள் 49- O என்ற படிவத்தை நிரப்பிக்
கொடுக்கலாம் என்பதற்குப் பதிலாக ஓட்டுப்பதிவு இயந்திரத்தில் NOTA  என்ற
பட்டனை வைக்கவேண்டும் என்று நீதி மன்றம் உத்தரவிட்டுள்ளது. இதில் நன்மை
உள்ளதா?
 
- அஸ்பாக் அஹமது, பண்டாரவாடை

நாங்கள் வாக்களிக்க விரும்பவில்லை என்று படிவத்தில் நிரப்பிக் கொடுப்பது
சிரமமானது என்பதால் இதில் பயன் இல்லாமல் இருந்தது. படித்தவர்களும்,
அதிகமாக மெனக்கெடுவதற்கு நேரம் ஒதுக்குவோர்களும்தான் படிவத்தை
பூர்த்திசெய்து கொடுக்க முடியும். 49- O படிவம் என்பது வாக்களிக்க
விரும்பாதவர்களின் ஒரு சதவிகிதத்தைக்கூட பிரதிபலிக்காமல் இருந்தது.
இதற்காக தனியாக ஒரு பட்டன் வைக்கும் போது அதில் சிரமம் இல்லாமல்
வாக்களிக்கலாம். இதை அழுத்தினால் போதும். வேட்பாளர் பட்டியலில் உள்ள
யாருக்கும் நான் வாக்களிக்க விரும்பவில்லை என்று கருதக் கூடியவர்கள்
அதற்கான பட்டனை அழுத்தினால் போதும்.

வேட்பார்கள் தகுதியற்றவர்கள் என்ற காரணத்துக்காகவும் அனைத்து அரசியல்
கட்சிகள் மீதும் நம்பிக்கை இல்லை என்ற காரணத்துக்காகவும் தான் அதிகமான
மக்கள் வாக்களிப்பதில்லை. சிலர் எவன் ஆண்டால் எனக்கென்ன என்ற மனநிலையில்
பொறுப்பற்ற தன்மை காரணமாகவும் வாக்களிக்காமல் உள்ளனர்.

ஒரு தொகுதியில் ஐமபது சதவிகிதம் வாக்கு பதிவானால் மீதி ஐம்பது சதவிகிதம்
பேர் வாக்களிக்க வரவில்லை என்பது மட்டும் தான் தெரியும். என்ன
காரணத்துக்காக வாக்களிக்க வில்லை என்பது தெரியாது. அனைவரும் பொறுப்பற்று
நடந்து கொண்டதாகத் தான் இதை எடுத்துக் கொள்வார்கள்.

வாக்களிக்க நான் விரும்பவில்லை என்பதை தெரிவிக்க வழி இருப்பதால்
வாக்களிக்காத ஐம்பது சதவிகிதம் மக்களில் இந்த தேர்தல் முறையையும்
அர்சியல் கட்சிகளையும் வெறுப்பவர்கள் எவ்வளவு என்பது தெரிய வரும். இப்படி
வாக்களிக்க வந்தும் யாருக்கும் வாக்களிக்காதவர்களின் எண்ணிக்கை
அதிகரித்தால் தேர்தல் முறையில் மாற்றம் செய்யும் அவசியம் ஏற்படும்.

சில தொகுதிகளில் 80 சதவிகிதம் 90 சதவிகிதம் என்று வாக்குகள் பதிவாகின்றன.
ஆனால் அதில் உண்மை இருப்பதில்லை. யார் ஓட்டும் போட மாட்டார்கள் என்பதை
அறிந்து கொண்டு அதை கள்ள ஓட்டு போடுவோர் போட்டு விடுவதால் தான் இது போல்
ஏற்படுகிறது. குறிப்பாக இடைத்தேதலில் அதிக வாக்குகள் இப்படித்தான்
பதிவாகின்றன. யாருக்கும் ஓட்டுப் போட மாட்டேன் என்று கருத்துவோர் அதைப்
பதிவு செய்தால் அவர்கள் பெயரில் கள்ள ஓட்டு போட முடியாது.

ஜனநாயகம் தேர்தல் முறையை எதிர்ப்பதை கொள்கையாக கொண்டவர்களும் வாக்களிக்க
மாட்டார்கள். இவர்கள் வாக்களிக்காவிட்டால் இவர்கள் வாக்கை யாராவது போட்டு
விடுவார்கள். இதற்காக தனி பட்டன் அமைக்கும் போது இவர்களும் கூட தங்கள்
வாக்குகளைப் பதிசு செய்வார்கள்.

இது போல் சில நன்மைகள் இதில் உள்ளதால் இதை நாம் வரவேற்கலாம்

October 19, 2013, 6:27 PM

www.onlinepj.com © 2013 Developed by Mwinsys

Scroll To Top