குர்ஆனில் 7 : 133 வசனத்திற்கு விளக்கம்

? 7:133 வசனத்தில் கன மழையையும், வெட்டுக்கிளியையும், பேனையும், தவளையையும் இரத்தத்தையும் தெளிவான அத்தாட்சிகளாக அனுப்பி வைத்ததாக அல்லாஹ் கூறுகின்றான். பேன் என்றால் பனூ இஸ்ராயீல் மக்களின் உரோமங்களில் அதிகமான பேன்கள் மூலம் சோதிக்கப்பட்டார்கள் என்று விளங்குகின்றது. ஆனால் வெட்டுக்கிளி, தவளை, இரத்தம் ஆகியவற்றால் எப்படி சோதிக்கப்பட்டார்கள்?

வஹிதா & ஃபாத்திமா, மஹ்மூதியா அரபிக் கல்லூரி, கோம்பை

! இதுகுறித்து ஹதீஸ்களில் எந்த விளக்கமும் இடம் பெறுவதாகத் தெரியவில்லை. பேன் மூலம் சோதனை என்றால் அதை எப்படி விளங்கிக் கொண்டீர்களோ அதே போல் மற்றதையும் விளங்கிக் கொள்ள வேண்டியது தான்.

வெட்டுக்கிளியின் மூலம் சோதனை என்றால் வெட்டுக்கிளிகளை அதிகமாக அனுப்பி சோதிக்கப்பட்டார்கள் என்பது தான் அதன் கருத்து. ஒன்றிரண்டு வெட்டுக்கிளிகள் வருவதை சோதனை என்று கூற முடியாது. ஏனென்றால் சாதாரணமாக எல்லா நேரங்களிலும் அவை இருக்கக் கூடியவை தான். ஆனால் பார்க்கும் இடங்களில் எல்லாம் வெட்டுக்கிளியாக இருந்தால் எப்படி இருக்கும்? இதுபோன்று அந்த வசனத்தில் கூறப்படும் ஒவ்வொன்றையும் அதிகமாகக் கொடுத்து தொந்தரவுக்கு உள்ளாக்கப்பட்டார்கள் என்பது அதன் பொருளாகும்.

December 17, 2014, 6:22 AM

குர்ஆன் 33:72 வசனத்திற்கு விளக்கம்

? அல்குர்ஆன் 33:72 வசனத்தில் அமானிதம் என்ற பதத்துக்கு பகுத்தறிவு என்று தமிழகத்து தவ்ஹீது உலமாக்கள் விளக்கமளிக்கின்றார்கள். கண்களுக்குப் புலப்படாத ஒன்றை ஒரு பொருளாகக் கொள்ள முடியாது. மேலும் அமானிதம் என்ற பதம் திருப்பி ஒப்படைக்கப்பட வேண்டிய ஒரு பொருளாகவே கருத வேண்டியுள்ளது. எனவே இந்த அமானிதம் என்பது திருக்குர்ஆனைத் தான் குறிக்கும் என்று எண்ணுகின்றேன். மேலும் அல்குர்ஆன் 59:21வசனத்தில் இந்தக் குர்ஆனை மலைகள் மீது இறக்கி வைத்திருந்தால் அது பஞ்சு பஞ்சாகப் பறந்திருக்கும் என்று கூறுகின்றான். இந்த இரு வசனங்களையும் இணைத்துப் பார்த்தால் இரண்டுமே அருள்மறைக் குர்ஆனைத் தான் குறிப்பிடுகின்றன என்று ஏன் கூறக்கூடாது?

ஹெச்.எம். ஹனீபா, இலங்கை

வானங்கள், பூமி மற்றும் மலைகளுக்கு அமானிதத்தை நாம் முன் வைத்தோம். அதைச் சுமக்க அஞ்சி அவை மறுத்து விட்டன. மனிதன் அதைச் சுமந்து கொண்டான். அவன் அறியாதவனாகவும், அநீதி இழைப்பவனாகவும் இருக்கிறான்.

(அல்குர்ஆன் 33:72)

இந்த வசனத்தில் குறிப்பிடப்படும் அமானிதம் என்பது என்ன என்பது குர்ஆனில் ஏனைய இடங்களிலோ அல்லது நபிமொழிகளிலோ சுட்டிக்காட்டப் படவில்லை. எனவே பொதுவாக மனிதர்களுக்கும் ஏனைய அனைத்துப் படைப்பினங்களுக்கும் உள்ள வித்தியாசம் பகுத்தறிவு தான். எனவே இதைத் தான் இந்த வசனம் குறிப்பிடுகின்றது என்று நாம் கூறி வருகின்றோம்.

இதை மறுப்பதற்கு நீங்கள் கூறும் காரணங்கள் 1. கண்ணுக்குப் புலப்படாத ஒன்றை இது குறிப்பிடவில்லை. 2. அமானிதம் என்றால் திருப்பி ஒப்படைக்கப்பட வேண்டும். இந்த இரண்டு காரணங்களும் பகுத்தறிவு என்று பொருள் கொண்டால் பொருந்தாது என்று கூறுகின்றீர்கள். நீங்கள் குறிப்பிடும் திருக்குர்ஆன் என்ற பொருள் கொண்டாலும் இந்த இரண்டு காரணங்களும் பொருந்தாது என்பதைக் கவனிக்கத் தவறி விட்டீர்கள்.

திருக்குர்ஆன் என்பது கண்ணுக்குப் புலப்படும் பொருளாக அருளப்படவில்லை. ஓசை வடிவத்திலானது தான். நம்முடைய வசதிக்காக அதை அச்சிட்டு பொருள் வடிவத்தில் ஆக்கிக் கொண்டோம். திருக்குர்ஆன் வசனங்கள் என்பதும் கண்ணுக்குப் புலப்படாத ஓசை வடிவிலானது தான்.

அமானிதம் என்றால் திருப்பி ஒப்படைக்கப்பட வேண்டும் என்று கூறினால் மறுமையில் திருக்குர்ஆனை நாம் திருப்பி ஒப்படைக்கப் போவதில்லை. அதன் போதனைகளின் அடிப்படையில் நடந்தது பற்றித் தான் அல்லாஹ் விசாரிப்பான். அதைத் தான் இது குறிப்பிடுகின்றது என்றால் அதே விளக்கம் பகுத்தறிவு என்பதற்கும் பொருந்தும்.

இந்தக் குர்ஆனை ஒரு மலையின் மீது நாம் இறக்கியிருந்தால் அது அல்லாஹ்வின் அச்சத்தால் பணிந்து நொறுங்கி விடுவதைக் காண்பீர். மனிதர்கள் சிந்திப்பதற்காக இந்த உதாரணங்களை அவர்களுக்குக் கூறுகிறோம். (அல்குர்ஆன் 59:21)

இந்த வசனத்தையும், மேற்கண்ட வசனத்தையும் இணைத்து அமானிதம் என்பது திருக்குர்ஆன் தான் என்ற முடிவுக்கு வரலாம் என்பதையும் ஏற்றுக் கொள்ள முடியாது. ஏனெனில் இந்த வசனத்தில் நடக்காத ஒன்றை உதாரணமாக அல்லாஹ் சொல்லிக் காட்டுகின்றான். "இறக்கியிருந்தால்'' என்று அல்லாஹ் கூறுவது அவ்வாறு இறக்கவில்லை என்பதையே காட்டுகின்றது.

ஆனால் 33:52 வசனத்தில் அந்த அமானிதத்தை சுமக்குமாறு வானங்கள், பூமி, மலைகள் போன்றவற்றுக்கு நாம் முன் வைத்தோம். ஆனால் அவை மறுத்து விட்டன. மனிதன் சுமந்து கொண்டான் என்று படைப்பின் போது நடந்த நிகழ்வுகளாகக் கூறப்படுகின்றன.

எல்லாவற்றுக்கும் மேலாக இந்த வசனத்தில் "மனிதன் சுமந்து கொண்டான்'' என்பது ஒட்டு மொத்த மனித இனத்தையும் குறிப்பதாகும். ஒருவேளை ஒட்டு மொத்த மனித இனத்திற்கும் வேதமாக திருக்குர்ஆன் அருளப்பட்டிருந்தாலாவது திருக்குர்ஆனைக் குறிக்கின்றது எனலாம். ஆனால் திருக்குர்ஆன் என்பது நபி (ஸல்) அவர்களின் உம்மத்துக்கு மட்டும் உரிய வேதம்! எனவே இந்த வசனத்தில் கூறப்படும் அமானிதம் என்பது திருக்குர்ஆனைக் குறிப்பதற்கு வாய்ப்பேயில்லை.

December 17, 2014, 6:12 AM

குர்ஆனில் 71 : 25 வசனத்திற்கு விளக்கம்

?குர்ஆனில் 71 : 25 வசனத்தில் நூஹ் (அலை) அவர்களின் உபதேசத்தை ஏற்காதவர்கள் மூழ்கடித்து பின்பு நரகத்தில் புகுத்தப்பட்டார்கள் என்று இறைவன் கூறுகின்றான். அப்படியானால் இவர்களுக்கு கப்ர் வேதனை கிடையாதா? கியாமத் நாளின் விசாரணை கிடையாதா?

எம். திவான் மைதீன், பெரியகுளம்.

அந்த வசனத்தில் நரகத்தில் புகுத்தப்பட்டார்கள் என்று கடந்த கால வினையாகக் குறிப்பிடப்பட்டிருப்பதால் நூஹ் நபியை எதிர்த்தவர்கள் நரகத்தில் புகுத்தப்பட்டு விட்டதாக விளங்கிக் கொள்ளக் கூடாது. நரகத்திற்கு உரியவர்களாக ஆக்கப்பட்டார்கள் என்பதே அதன் பொருள். ஏனெனில் கப்ரு வாழ்க்கை உண்டு, மறுமையில் விசாரணை உண்டு என்பதைப் பல்வேறு குர்ஆன் வசனங்களும் ஹதீஸ்களும் கூறுகின்றன.

யாருக்குத் தூதர்கள் அனுப்பப்பட்டார்களோ அவர்களையும் விசாரிப்போம். தூதர்களையும் விசாரிப்போம்.

அல்குர்ஆன் 7:6

இந்த வசனத்தின் படி நூஹ் (அலை) மற்றும் அவர்களுடைய சமுதாயம் உள்ளிட்ட அனைவருமே விசாரணைக்கு உள்ளாக்கப்படுவார்கள் என்பதை அறியலாம்.

மறுமை நாள் ஏற்படும் வரை கப்ரு வாழ்க்கையில் நரகத்தின் தண்டனையை அவர்கள் அனுபவிப்பார்கள். இதைக் கீழ்க்கண்ட வசனம் விளக்குகின்றது.

காலையிலும், மாலையிலும் நரக நெருப்பில் அவர்கள் காட்டப்படுவார்கள். அந்த நேரம் (மறுமை) ஏற்படும் போது ஃபிர்அவ்னின் ஆட்களைக் கடுமையான வேதனையில் நுழையச் செய்யுங்கள்! (எனக் கூறப்படும்)

(அல்குர்ஆன் 40:46)

அழிக்கப்பட்ட சமுதாயங்களில் ஒன்றான ஃபிர்அவ்னுடைய கூட்டத்தாருக்கு நியாயத் தீர்ப்பு நாள் ஏற்பட்டு, நரகத்தில் தண்டனை அளிக்கப்படும் வரை நரக நெருப்பில் அவர்கள் காட்டப் படுவார்கள் என்று இந்த வசனம் குறிப்பிடுகின்றது. இது கப்ரில் வழங்கப்படும் தண்டனையாகும். இது ஃபிர்அவ்னுடைய கூட்டத்தாருக்கு மட்டும் உரியது அல்ல! அநியாயம் செய்த அத்தனை பேருக்கும் இதுதான் தண்டனை என்பதைப் பின்வரும் வசனத்திலிருந்து அறியலாம்.

(ஏக இறைவனை) மறுப்போரின் முகங்களிலும், முதுகுகளிலும் வானவர்கள் அடித்து அவர்களைக் கைப்பற்றும் போது, "சுட்டெரிக்கும் வேதனையை அனுபவியுங்கள்!'' என்று கூறுவதை நீர் பார்க்க வேண்டுமே! நீங்கள் செய்த வினையே இதற்குக் காரணம். அல்லாஹ் அடியார்களுக்கு அநீதி இழைப்பவன் அல்லன். ஃபிர்அவ்னின் ஆட்களுக்கும், அவர்களுக்கு முன் சென்றோருக்கும் ஏற்பட்ட கதியைப் போலவே (இவர்களுக்கும் ஏற்படும்). அவர்கள் அல்லாஹ்வின் சான்றுகளை மறுத்தனர். அவர்களது பாவங்களின் காரணமாக அவர்களை அல்லாஹ் தண்டித்தான். அல்லாஹ் வலிமை மிக்கவன்; கடுமையாகத் தண்டிப்பவன்.

அல்குர்ஆன் 8:50-52

பாவிகளின் உயிர்களைக் கைப்பற்றிய பின்னர் அளிக்கப்படும் வேதனை ஃபிர் அவ்னுடைய கூட்டத்தினருக்கு அளிக்கப்படும் வேதனை போன்றதாகும் என்று இறைவன் கூறுகின்றான். மறுமைக்கு முன்னர் அதாவது கப்ரு வாழ்க்கையில் வழங்கப்படும் தண்டனை ஃபிர்அவ்னுடைய கூட்டத்தாருக்கு மட்டுமல்ல, அனைவருக்கும் பொதுவானது தான் என்பதை இதிலிருந்து அறியலாம்.

இறந்தவர் நல்லவராக இருந்தால் கப்ரு வாழ்க்கையில் உறங்குவார்கள் என்றும் கெட்டவராக இருந்தால் தண்டிக்கப்படுவார்கள் என்றும் அல்லாஹ்வின் தூதர் (ஸல்) அவர்கள் கூறியதாக பல்வேறு ஹதீஸ்கள் உள்ளன.

எனவே யாராக இருந்தாலும் கப்ரு வாழ்க்கை, மறுமையின் விசாரணையைச் சந்தித்தே ஆக வேண்டும்.

December 17, 2014, 6:08 AM

33:4 வசனத்தின் தமிழாக்கம் சரியா?

33:4 வசனத்தின் தமிழாக்கம் சரியா?

33 அத்தியாத்தின் 4 வது வசனமான எந்த மனிதருக்குள்ளும் இரண்டு உள்ளங்களை அல்லாஹ் ஏற்படுத்தவில்லை என்ற வசனத்தில் மனிதர் என்று மொழிபெயர்க்கப்பட்டுள்ள இடத்தில் அரபியில் رجل  என்கிற வார்த்தை இடம் பெறுகிறது. இந்த வார்த்தைக்கு ஆண் என்பது தான் சரியான அர்த்தம்.

தொடர்ந்து படிக்க April 27, 2014, 8:56 PM

மிஃராஜில் இமாமாக தொழுகை நடத்திய சம்ப

மிஃராஜில் இமாமாக தொழுகை நடத்திய சம்பவம் உண்மையா?

மிஃராஜ் பயணத்தில் எல்லா நபிமார்களுக்கும் முஹம்மத் ஸல் அவர்கள் இமாமாக தொழுகை நடத்தியதாகக் கூறப்படுகிறது. ஆனால் குர் ஆனில் இப்ராஹீமை மனித குலத்துக்கு இமாமாக ஆக்கியதாக அல்லாஹ் கூறுகிறான். அப்படியனால் இப்ராஹீம் நபி தானே இமாமத் செய்ய வேண்டும்? இரண்டும் முரண்படுகிறதே?

தொடர்ந்து படிக்க April 12, 2011, 12:36 AM

அர்ஷில் அமர்ந்தான் என்று கூறுவது சரி

அர்ஷில் அமர்ந்தான் என்று கூறுவது சரியா நீங்கள் உங்கள் மொழிபெயர்ப்பில் ''இஸ்தவா அலல் அர்ஷ்'' என்பதை ''அர்ஷின் மீது (அல்லாஹ் அமர்ந்தான்'' என்று மொழிபெயர்த்துள்ளீர்கள். 'இஸ்தவா' என்பதற்கு 'அமருதல்' என்ற அர்த்தம் கிடையாது. 'அமருதல்' என்பதற்கு அரபியில் 'ஜலசா' என்ற வார்த்தை தான் சரியானது என்று சிலர் கூறுகிறார்கள்.

 அஹ்மத்

தொடர்ந்து படிக்க December 9, 2010, 7:23 PM

அல்லாஹ் போட்ட அணு குண்டு

நீங்கள் அல் ஜன்னத் பத்திரிகை ஆசிரியராக இருக்கும் போது,  அணு குண்டும் ஏவுகணையும் என்ற தலைப்பில் அளித்த அல்குர்ஆன் விரிவுரையை அல்லாஹ் போட்ட அணு குண்டு என்ற மகுடத்தில், ஸ்ரீலங்கா தவ்ஹீத் ஜமாஅத்தின் வெளியீடான அழைப்பு இதழில்,  மீள் பிரசுரம் செய்தோம். இது, மக்கள் மத்தியில் பெரும் வரவேற்பைப் பெற்றதோடு, இலங்கையில் வெளிவரும் தேசிய நாளேடு ஒன்று இதை மீள் பிரசுரம் செய்தது. மாற்று இயக்கத்தைச் சேர்ந்தவர்கள் கூட  இவ்விரிவுரையைப் பாராட்டி வாசகர்பகுதிக்கு எழுதியிருந்தனர்.

 பாபர் மசூதி 1992 டிசம்பர் 6ம் நாள் சங்பரிவாரக் கும்பல்களால் தகர்க்கப்பட்ட போது, இதே 105வது அத்தியாயத்திற்கு நீங்கள் “அபாபீல் பறவைகள் எங்கே போயின?” என்ற தலைப்பில் விளக்கம் அளித்திருந்தீர்கள்.

 இதை ஆன்லைனில் வெளியிட்டால் நேயர்களுக்கு மிகவும் பயனுள்ளதாக இருக்கும் என்பதால் அனுப்பி வைக்கின்றேன்.

 எம்.ஏ.ஹஃபீழ் ஸலஃபி, இலங்கை. 


தொடர்ந்து படிக்க February 9, 2010, 4:28 AM

மனிதன் சுமந்த அமானிதம் எது?

மனிதன் சுமந்த அமானிதம் எது?

அல்குர்ஆன் 33:72 வசனத்தில் அமானிதம் என்ற பதத்துக்கு பகுத்தறிவு என்று தமிழகத்து தவ்ஹீது உலமாக்கள் விளக்கமளிக்கின்றார்கள். கண்களுக்குப் புலப்படாத ஒன்றை ஒரு பொருளாகக் கொள்ள முடியாது. மேலும் அமானிதம் என்ற பதம் திருப்பி ஒப்படைக்கப்பட வேண்டிய ஒரு பொருளாகவே கருத வேண்டியுள்ளது. எனவே இந்த அமானிதம் என்பது திருக்குர்ஆனைத் தான் குறிக்கும் என்று எண்ணுகின்றேன். மேலும் அல்குர்ஆன் 59:21 வசனத்தில் இந்தக் குர்ஆனை மலைகள் மீது இறக்கி வைத்திருந்தால் அது பஞ்சு பஞ்சாகப் பறந்திருக்கும் என்று கூறுகின்றான். இந்த இரு வசனங்களையும் இணைத்துப் பார்த்தால் இரண்டுமே அருள் மறைக் குர்ஆனைத் தான் குறிப்பிடுகின்றன என்று ஏன் கூறக் கூடாது?

ஹெச்.எம். ஹனீபா, இலங்கை

தொடர்ந்து படிக்க January 20, 2010, 2:07 AM

லைலத்துல் கத்ர் இரவில்

லைலத்துல் கத்ர் இரவில் குர்ஆன் இறக்கப்பட்டது என்று கூறுகின்றார்கள். குர்ஆன் முழுவதுமாக இறக்கப்பட்டதா? அல்லது ஒரு அத்தியாயம் மட்டும் இறக்கப்பட்டதா?

தொடர்ந்து படிக்க August 12, 2009, 3:34 PM

அல்லாஹ்வின் கைப்பிடிக்கு அளவு என்ன

அல்லாஹ்வின் கைப்பிடிக்கு அளவு என்ன ஆதம் அலை அவர்களை இறைவன் தனது ஒரு கைப்பிடி மண்ணில் படைத்தான் என்று ஹதீஸ் உள்ளது. அறுபது முழம் அவருடைய உயரம் எனவும் ஹதீஸ்கள் உள்ளன். ஆனால் வானங்கள் அவனது கைப்பிடிக்கும் அடங்கும் என்று குர்ஆன் கூறுகிறது. அப்படியானால் அல்லாஹ்வின் கைப்பிடி என்பது அறுபது முழத்தை உள்ளடக்கும் அளவா? வானங்களை உள்ளடக்கும் அளவா

ராஜ் முஹம்மத் குவைத்

தொடர்ந்து படிக்க August 5, 2011, 2:44 AM

இரவை பகல் தொடருமா?

இரவை பகல் தொடருமா?

7 : 54 வசனத்தில் ஏற்பட்டுள்ள குழப்பத்தை இங்கு சுட்டிக்காட்டுகிறேன்.. தயவு செய்து விளக்கம் அளிக்கவும் உங்கள் மொழியாக்கத்தில் "இரவை பகலால் மூடுகிறான்" என்று குறிப்பிடப்பட்டுள்ளது. வேறு வேறு தர்ஜுமாக்களில் "இரவைக்கொண்டு பகலை மூடுகிறான்", என்று மொழிப்பெயர்த்துள்ளனர். இரண்டும் முரண்பாடான கருத்தல்லவா? எது சரி? இன்னொன்று, அதே வசனத்திற்கு , உங்கள் மொழியாக்கத்தில் "பகல், இரவை தொடர்கிறது", என்று சொல்லியுள்ளீர்கள்.  வேறு வேறு மொழியாக்கங்களில் "இரவு பகலை தொடர்கிறது", என்று மொழியாக்கம் செய்துள்ளனர். இரண்டும் முரண்பாடான கருத்தல்லவா? எது சரி?

ந்நாஷித் அஹ்மது

தொடர்ந்து படிக்க July 30, 2011, 7:54 AM

நபியின் பெற்றோருக்கு வழிகாட்டி யார்?

நபியின் பெற்றோருக்கு வழிகாட்டி யார்?

நபிகள் நாயகம் (ஸல்) அவர்களின் தகப்பனார் மற்றும் பாட்டனாருக்கு வழிகாட்டி யார்?

ரபீக் அஹ்மத்

தொடர்ந்து படிக்க July 23, 2011, 5:10 PM

இறைவன் நாம் என்று தன்னைப் பற்றி கூறு

இறைவன் நாம் என்று தன்னைப் பற்றி கூறுவது ஏன்

குர்ஆனில் இறைவன் தன்னைப் பற்றி குறிப்பிடும் போது நாம் படைத்தோம் என்பது போன்ற சொற்களைப் பயன்படுத்துவது ஏன்

முஹம்மது இஹ்ஸாஸ்ம்

தொடர்ந்து படிக்க July 4, 2011, 8:15 PM

பூமியை நெருப்புக் கோழி முட்டை வடிவில

பூமியை நெருப்புக் கோழி முட்டை வடிவில் படைத்ததாக குர்ஆனில் உள்ளதா

இப்படி ஒரு அர்த்தம் இருப்பதாக ஜாகிர் நாயக் கூறி உள்ளார். இது சரியா

முஹம்மத் அஃப்சல்

தொடர்ந்து படிக்க June 14, 2011, 10:35 PM

ஆதமின் புதல்வர்கள் ஆதமின் புதல்விகள

ஆதமின் புதல்வர்கள் ஆதமின் புதல்விகளை திருமணம் செய்தார்களா?

 

ஆதம் ஹவ்வா இருவர் மூலம் தான் மனித குலம் பெருகியது என்றால் ஒவ்வொருவரும் தனது சகோதரியைத் தான் திருமணம் செய்தார்களா?

தொடர்ந்து படிக்க June 10, 2011, 11:35 PM

முதலில் படைக்கப்பட்டது வானமா பூமியா

முதலில் படைக்கப்பட்டது வானமா பூமியா  கேள்வி

பூமி முதலில் படைக்கப்பட்டது என்று குர்ஆனில் ஓரிடத்திலும் வானம் தான் முதலில் படைக்கப்பட்டது என்று வேறொரு இடத்திலும் கூறப்பட்டிருப்பதாகக் கிறித்தவர்கள் கூறுகின்றனர்.

இது உண்மையா?

செய்யத் சம்சுத்தீன்

தொடர்ந்து படிக்க October 28, 2011, 11:32 PM

www.onlinepj.com © 2013 Developed by Mwinsys

Scroll To Top