ஷாஜஹான் என்று பெயர் வைக்கலாமா?
ஷாஜஹான் என்று பெயர் வைக்கலாமா?
அப்துல் ரஸாக்
பதில்
இறைவனுக்கு மட்டும் உரிய தன்மைகளைக் குறிக்கும் பெயர்களை மனிதர்களுக்குச் சூட்டக்கூடாது. அவ்வாறு சூட்டினால் இணைவைப்பு என்ற பெரும்பாவத்தில் விழ வேண்டி வரும் . பின்வரும் ஹதீஸ்கள் இதைத் தடைசெய்கின்றன.
மறுமை நாளில் அல்லாஹ்விடத்தில் மிக வெறுப்பிற்குரிய பெயரைக் கொண்டவன் மலிகுல் அம்லாக் (அரசர்களுக்கெல்லாம் அரசன்) என்ற பெயருடையவனாவான் என நபிகள் நாயகம் (ஸல்) அவர்கள் கூறினார்கள்.
நூல் : புகாரி 6205
அறிவிப்பாளர் : அபூ ஹூரைரா (ரலி)
அல்லாஹ்வைத் தவிர வேறு எந்த அரசனும் இல்லை. மலிகுல் அம்லாக் (அரசர்களுக்கெல்லாம் அரசன்) என்று பெயர்வைக்கப்பட்டவன் மறுமை நாளில் அல்லாஹ்வின் கோபத்திற்குரியவனாவான். இன்னும் மோசமானவனாவன் என்று நபிகள் நாயகம் (ஸல்) அவர்கள் கூறினார்கள்.
நூல் : முஸ்லிம் 3994
அறிவிப்பாளர் : அபூஹூரைரா (ரலி)
ஷாஜஹான் என்பது உருது மொழிச் சொல்லாகும். ஷாஹ் என்றால் மன்னர் என்றும் ஜஹான் என்றால் உலகம் என்றும் பொருள். அதாவது ஷாஜஹான் என்றால் அகிலத்தின் அரசன் என்று பொருள். அல்லாஹ்வைத் தவிர வேறு யாரும் அகிலத்தின் அதிபதி இல்லை. இது இறைவனுக்கு மட்டும் உரிய தகுதி. எனவே இந்தப் பெயரை யாருக்கும் சூட்டக்கூடாது.
10.01.2012. 23:31
