மனைவியின் பின்துவாரத்தில் உடலுறவு கொள்ளலாமா?

? மனைவியின் பின் துவாரம் வழியாக உடலுறவு கொள்ளக் கூடாது என்று நபிமொழிகள் உள்ளதாக அறிகின்றோம்.  ஆனால் குர்ஆன் 2:223 வசனமும் புகாரி 4528 ஹதீசும் பின்துவாரம் வழியாக உடலுறவு கொள்ளலாம் என்ற கருத்தில் அமைந்துள்ளதாகத் தெரிகின்றதே?

எஸ். முஹம்மத் ஸலீம், ஈரோடு

யார் தன்னுடைய மனைவியின் மலத்துவாரத்தில் உடலுறவு கொள்கின்றானோ அவன் சபிக்கப்பட்டவன் என்று அல்லாஹ்வின் தூதர் (ஸல்) அவர்கள் கூறினார்கள்.

அறிவிப்பவர் : அபூஹுரைரா (ரலி), 

நூல் : அபூதாவூத் 1847, அஹ்மத் 3356

யார் ஆணிடமோ அல்லது பெண்ணிடமோ மலத்துவாரத்தில் உடலுறவுகொள்கின்றானோ அவனை அல்லாஹ் மறுமையில் பார்க்க மாட்டான் என்றுஅல்லாஹ்வின் தூதர் (ஸல்) அவர்கள் கூறினார்கள்.

அறிவிப்பவர் : இப்னு அப்பாஸ் (ரலி), 

நூல் : திர்மிதீ 1086

மலத்துவாரத்தில் உடலுறவு கொள்வதை இந்த ஹதீஸ்கள் கடுமையாகக்கண்டிக்கின்றன.  இது தடை செய்யப்பட்ட செயல் என்பதில் எந்தச் சந்தேகமும் இல்லை. புகாரியின் 4528வது ஹதீஸில் மலத்துவாரத்தில் உடலுறவு கொள்வது தொடர்பாகக்கூறப்படவில்லை.  அதன் பொருளை தவறாக விளங்கிக் கொண்டதால் இந்தக் கேள்விஎழுகின்றது.

ஒருவர் தம் மனைவியிடம் பின்னாலிருந்து (பெண்ணுறுப்பில்) உடலுறவு கொண்டால் குழந்தை மாறு கண் கொண்டதாகப் பிறக்கும் என்று யூதர்கள் சொல்லி வந்தார்கள். எனவே "உங்கள் மனைவியர் உங்களின் விளை நிலங்கள். ஆகவே உங்கள் விளைநிலங்களுக்கு நீங்கள் விரும்பியவாறு செல்லுங்கள்!'' என்ற (2:223வது) வசனம்இறங்கியது.

அறிவிப்பவர் : ஜாபிர் பின் அப்துல்லாஹ் (ரலி),

நூல் : புகாரி 4528

இந்த ஹதீஸில் பின் பக்கத்திலிருந்து என்பதைக் குறிக்க "மின் வராயிஹா'' என்ற சொல் இடம் பெற்றுள்ளது.  இது மலத் துவாரத்தைக் குறிப்பதல்ல.  மாறாக பின் பக்கம் (இஹஸ்ரீந்ள்ண்க்ங்) என்பதையே குறிக்கும்.

மனைவியின் பின் புறத்தில் இருந்து கொண்டு பெண்ணுறுப்பில் புணரக் கூடாது என்றும், அவ்வாறு புணர்ந்தால் பிறக்கும் குழந்தை மாறு கண் கொண்டதாகப் பிறக்கும் என்றும் யூதர்கள் நம்பி வந்தனர்.  இதை மறுக்கும் விதமாக 2:223 வசனம் அருளப்பட்டது. மலத்துவாரத்தில் உறவு கொண்டால் பிள்ளை பிறக்காது. எனவே பின்புறத்தில் இருந்து வழக்கமான பாதையில் உறவு கொள்வதைத் தான் இது குறிக்கிறது.  இதைத்தான் இந்த ஹதீஸ் தெரிவிக்கின்றதே தவிர மலத்துவாரத்தில் புணர்வதை இந்த ஹதீஸ்அனுமதிக்கவில்லை.

 

(குறிப்பு : 2003 டிசம்பர் மாதம் ஏகத்துவம் இதழில் வெளிவந்த கேள்வி)

December 27, 2014, 7:39 AM

மனைவியை தாய் என்று சொல்லக்கூடாதா?

? இறைவன் தன் திருமறையில் 58:3,4 வசனத்தில், தம் மனைவியரைத் தாய் என்று கூறிவிட்டால், தாம்பத்தியத்தில் ஈடுபடுவதற்கு முன் ஓர் அடிமையை உரிமை விடுதல் அல்லது இரண்டு மாதங்கள் தொடர் நோன்பு அல்லது அறுபது ஏழைகளுக்கு உணவு வழங்குதல் போன்ற பரிகாரத்தைச் செய்ய வேண்டும் என்று கூறுகின்றான். தன் மனைவியை விளையாட்டிற்காக தாய் எனக் கூறினாலும் இப்படித் தான் நடந்து கொள்ள வேண்டுமா? விளக்கவும்.

ஏ.எல். காதர் ஷரீஃப், சென்னை - 81

! உங்களில் தமது மனைவியரை கோபத்தில் தாய் எனக் கூறி விடுவோருக்கு அவர்கள் தாயாக இல்லை. அவர்களைப் பெற்றவர்கள் தவிர மற்றவர் அவர்களின் தாய்களாக முடியாது. அவர்கள் வெறுக்கத்தக்க சொல்லையும் பொய்யையும் கூறுகின்றனர். அல்லாஹ் குற்றங்களை அலட்சியம் செய்பவன்; மன்னிப்பவன். 

அல்குர்ஆன் 58:2

இந்த வசனத்தில் "மனைவியை கோபத்தில் தாய் எனக் கூறுதல்' என்ற சொற்றொடருக்கு அரபியில், "ளிஹார்' என்ற வார்த்தை பயன்படுத்தப்பட்டுள்ளது.

"ளிஹார்' என்பது அன்றைய அறியாமைக் கால மக்களிடம் இருந்த ஒரு மூட நம்பிக்கையாகும். மனைவியரைப் பிடிக்காத போது "உன்னை என் தாயைப் போல கருதி விட்டேன்'' எனக் கூறுவர். தாய் என்று சொல்லி விட்ட காரணத்தினால் மனைவியோடு குடும்ப வாழ்க்கை நடத்த மாட்டர்கள். இந்த அறியாமைக் கால பழக்கத்தைத் தான் அல்லாஹ் மேற்கண்ட வசனங்களில் கண்டிக்கின்றான்.

விளையாட்டிற்காகச் சொல்வதோ, அல்லது தமிழ் வழக்கத்தில் மனைவியை அழைக்கும் போது, அம்மா என்பதையும் சேர்த்து அழைப்பதோ "ளிஹார்' அல்ல! இவ்வாறு கூறிவிட்டதற்காக இத்தகைய பரிகாரங்கள் செய்யத் தேவையில்லை. மாறாக, அறியாமைக் காலத்தில் இருந்தது போல் மனைவியின் மீதுள்ள வெறுப்பின் காரணமாக, அவளைத் தாய் என்று கூறி, அவளுடன் இல்லறத்தில் ஈடுபடாமல் ஒதுக்கி விட்டால் தான் மேற்கண்ட பரிகாரங்களைச் செய்ய வேண்டும். இதைத் தான் இந்த வசனங்கள் குறிப்பிடுகின்றன.

 

(குறிப்பு: 2003 செப்டம்பர் மாதம் ஏகத்துவம் இதழில் வெளிவந்த கேள்வி)

December 24, 2014, 6:45 AM

திருமணத்திற்கு பின்பு மனைவி வீட்டில் கணவன் வாழலாமா?

? திருமணத்திற்குப் பிறகு பெண், கணவன் வீட்டில் போய் வாழ வேண்டுமா? அல்லது கணவன், மனைவியின் வீட்டில் போய் வாழ வேண்டுமா? இது குறித்து மார்க்கம் என்ன கூறுகின்றது?

சமீரா அஜீஸ், அதிராம்பட்டிணம்

! சிலரை மற்றும் சிலரை விட அல்லாஹ் சிறப்பித்திருப்பதாலும், ஆண்கள் தமது பொருட்களைச் செலவிடுகிறார்கள் என்பதாலும் ஆண்கள் பெண்களை நிர்வாகம் செய்பவர்கள். 

(அல்குர்ஆன் 4:34)

ஆண்கள், பெண்களை நிர்வாகம் செய்பவர்கள் என்றும் ஆண்களே பெண்களுக்காக பொருள் செலவு செய்ய வேண்டும் என்றும் இந்த வசனம் கூறுகின்றது. இந்த அடிப்படையில் மனைவிக்குத் தேவையான உணவு, உடை, இருப்பிடம் அனைத்தும் கணவன் தான் கொடுத்தாக வேண்டும்.

உங்கள் வசதிக்கேற்ப அவர்களை நீங்கள் குடியிருக்கும் இடத்தில் குடியமர்த்துங்கள்! அவர்களுக்கு நெருக்கடியை ஏற்படுத்தி அவர்களுக்குத் தீங்கு செய்யாதீர்கள்! அவர்கள் கர்ப்பிணிகளாக இருந்தால் அவர்கள் பிரசவிக்கும் வரை அவர்களுக்காகச் செலவிடுங்கள்! 

(அல்குர்ஆன்65:6)

இந்த வசனத்தில் தலாக் விடப்பட்ட பெண்களுக்கு, அவர்கள் கர்ப்பிணிகளாக இருந்தால் பிரசவிக்கும் வரை கணவன் செய்ய வேண்டிய கடமையைப் பற்றி அல்லாஹ் சொல்லிக் காட்டுகின்றான். இதில் கணவன் தான் மனைவிக்கு இருப்பிடத்தை அமைத்துக் கொடுக்க வேண்டும் என்று இறைவன் கட்டளையிடுகின்றான். தலாக் விடப்பட்ட பெண்களுக்கே கணவன் தான் இருப்பிடம் அமைத்துக் கொடுக்க வேண்டும் எனும் போது, சேர்ந்து வாழும் போது சொல்ல வேண்டியதே இல்லை. கண்டிப்பாக கணவனின் வீட்டில் தான் மனைவி இருக்க வேண்டுமே தவிர, மனைவியின் வீட்டில் கணவன் போய் இருப்பது குர்ஆனின் கட்டளைக்கு மாற்றமானது.

வரதட்சணை வாங்கவில்லை என்று கூறிக் கொண்டு, பெண்ணிடமிருந்து வீடு வாங்கும் வழக்கம் ஏகத்துவவாதிகள் என்று தங்களைக் கூறிக் கொள்ளும் சிலரிடம் கூட உள்ளது. குறிப்பாக காயல்பட்டிணம், கீழக்கரை போன்ற பகுதிகளில் மாப்பிள்ளைக்கு வீடு கொடுக்க வேண்டும் என்பது எழுதப்படாத சட்டமாகவே உள்ளது.

ஆண்கள் செலவு செய்வதால் தான் பெண்களை நிர்வாகம் செய்யக் கூடிய தகுதி ஆண்களுக்கு உள்ளது என்று அல்லாஹ் கூறுகின்றான். அதற்கு மாற்றமாக பெண் வீட்டில் போய் ஆண் இருக்கும் போது, இயற்கையாகவே ஆண்களுக்கு அல்லாஹ் வழங்கியுள்ள அந்த நிர்வாகத் திறன் இல்லாமல் போய் அங்கு ஆண்கள் அடிமைகளாக நடத்தப் படுவதையும் நாம் பார்க்க முடிகின்றது. எனவே அல்லாஹ்வின் கட்டளைக்கு மாற்றமாக பெண் வீட்டில் போய் கணவன் தங்கும் நிலை முற்றிலும் மாற வேண்டும். வரதட்சணை திருமணங்களைப் புறக்கணிப்பது போல், இது போன்று பெண்ணிடமிருந்து வீடு வாங்கி நடத்தப்படும் திருமணங்களையும் ஏகத்துவவாதிகள் புறக்கணிக்க வேண்டும்.

 

(குறிப்பு: 2003 ஆகஸ்டு மாதம் ஏகத்துவம் இதழில் வெளிவந்த கேள்வி)

December 24, 2014, 5:43 AM

திருமண நாள் கொண்டாடலாமா?

? திருமண நாள் வந்தால் அன்றைய தினம் சந்தோஷமாக மற்றவர்களுக்கு இனிப்பு வழங்கி மகிழலாமா? புது ஆடை அணியலாமா?

ஆர்.ஷம்சுல்ஹுதா, பெரம்பலூர்

பிறந்த நாள், இறந்த நாள், திருமண நாள் என்று பல்வேறு நினைவு நாட்களைக் கொண்டாடுவது இஸ்லாத்தில் இல்லை. இவை அனைத்துமே பிற மதக் கலாச்சாரமாகும். இது போன்று நினைவு நாள் கொண்டாடுவதை மதச் சடங்காகக் கருதி மாற்று மதத்தவர்கள் செய்து வருவதால் அதை முஸ்லிம்கள் செய்யக் கூடாது.

யார் இன்னொரு சமுதாயத்திற்கு ஒப்பாகின்றாரோ அவர் அந்தச் சமுதாயத்தையே சார்ந்தவர் என்று நபி (ஸல்) அவர்கள் கூறினார்கள்.

அறிவிப்பவர் – இப்னு உமர் (ரலி),

நூல் – அபூதாவூத்

 மேலும் இது போன்ற விழாக்களைக் கொண்டாடும் போது அது அவசியம் கொண்டாடியாக வேண்டிய ஒன்று என்ற எண்ணம் மக்களிடம் மேலோங்கும். வசதி இல்லாதவர்களும் இதைத் தவிர்க்க முடியாத நிலைக்குத் தள்ளப்படுவார்கள். எனவே இது ஏற்படுத்தும் பின்விளைவுகளைக் கருதியும் இதைத் தவிர்த்தாக வேண்டும்.

 

(குறிப்பு: 2003 ஜுன் மாதம் ஏகத்துவம் இதழில் வெளிவந்த கேள்வி)

December 21, 2014, 7:12 AM

இரகசியமாக திருமணம் செய்யலாமா? வலீமாவை திருமணத்தோடு சேர்த்து கொடுக்கலாமா?

?திருமணம் செய்வதற்கு உற்றார் உறவினர் தேவையில்லை, ஆணுக்கும் பெண்ணுக்கும் ஒரு சாட்சி இருந்தால் போதும் என்று நீங்கள் கூறி வருகின்றீர்கள். ஆனால் நபி (ஸல்) அவர்கள் அப்துர்ரஹ்மான் இப்னு அவ்ஃப் (ரலி) திருமணம் செய்த போது அனைவருக்கும் வலீமா விருந்து கொடுக்கச் சொன்னார்கள். இதை திருமண அன்றே அனைவரையும் அழைத்துக் கொடுத்தால் செலவு, காலம் ஆகியவை குறையும். எனவே இவ்வாறு செய்யலாமா?

எஸ். ராஜா முஹம்மது, கோடம்பாக்கம்

செலவு குறைந்த, எளிமையான திருமணத்தில் பரக்கத் இருக்கின்றது என்று நபி (ஸல்) அவர்கள் கூறியிருப்பதன் அடிப்படையில் எளிமையாக திருமணம் நடத்த வேண்டும், வீண் விரயம் செய்யக் கூடாது என்றெல்லாம் நாம் கூறி வருவது உண்மை தான்.அதற்காக யாருக்கும் தெரியாமல் இரகசியத் திருமணம் செய்து கொள்ள வேண்டும் என்று இதற்கு அர்த்தமல்ல. இரகசியத் திருமணம் செய்வது நபிவழியுமல்ல.

“திருமணத்தை நீங்கள் அறிவியுங்கள்” என்று நபி (ஸல்) அவர்கள் கூறினார்கள்.

அறிவிப்பவர் – அப்துல்லாஹ் பின் ஜுபைர் (ரலி),

நூல் – அஹ்மத் 15545

இந்த ஹதீஸ் திருமணம் பகிரங்கமாக, பலருக்கும் தெரியும் வகையில் நடத்தப்பட வேண்டும் என்பதையே காட்டுகின்றது. மார்க்கத்தில் அனுமதி உள்ள விஷயங்களைக்கூட வியாக்கியானங்கள் கொடுத்து, செய்யக்கூடாது என்று தடுப்பதை ஏற்றுக் கொள்ளமுடியாது.

இரண்டு சாட்சிகளுடன் வேறு யாருக்கும் தெரியாமல் திருமணம் செய்து கொண்ட ஒருவர், தமது மனைவியுடன் சென்றாலும் அவரைப் பற்றிய அவதூறுகள் பரவுவதற்கு அவரது செய்கை காரணமாகி விடும். இதற்குக் காரணம் திருமணத்தை அறிவிக்காமல் இரகசியமாக்கிக் கொள்வது தான். எனவே திருமணத்திற்கு இரண்டு சாட்சிகள் போதும் என்று சொல்வது குறைந்தபட்ச தகுதி தானே தவிர, வேறு யாருக்கும் தெரியக் கூடாது என்பது இதன் பொருளல்ல.

தாங்கள் கூறுவது போல் திருமணம் முடிந்தவுடன் வலீமா விருந்தை மணமகன் கொடுப்பதற்கு மார்க்கத்தில் எந்தத் தடையும் இல்லை. இதனால் செலவு குறையும் என்றால் தாராளமாக அவ்வாறு செய்யலாம்.

திருமணம் முடித்த பின் மணமகன் வலீமா விருந்து கொடுப்பதை நபி (ஸல்) அவர்கள் வலியுறுத்தியுள்ளார்கள்.

முஹாஜிர்களான நாங்கள் மதீனாவுக்கு வந்த போது நபி (ஸல்) அவர்கள் என்னையும்ஸஅது பின் ரபீஃ அவர்களையும் சகோதரர்களாக ஆக்கினார்கள். ஸஅது (ரலி), “நான்அன்சாரிகளில் அதிக செல்வமுள்ளவன். எனவே என் செல்வத்தில் பாதியை உமக்குப்பிரித்துத் தருகின்றேன். எனது இரு மனைவியரில் நீர் யாரை விரும்புகின்றீர் என்றுபாரும். அவரை உமக்காக விவாகரத்துச் செய்கின்றேன். அவரது இத்தா முடிந்ததும்அவரை உமக்குத் திருமணம் முடித்துத் தருகின்றேன்” என்று கூறினார். அப்போது நான், “இது என்க்குத் தேவையில்லை. வியாபாரம் நடைபெறுகின்ற கடைவீதி ஏதும்இருக்கின்றதா?” என்று கேட்டேன். அவர், “கைனுகா எனும் கடைவீதி இருக்கின்றது”என்றார்.

நான் அங்கு சென்று பாலாடைக் கட்டியையும் நெய்யையும் (லாபமாகக்) கொண்டுவந்தேன். மறுநாளும் தொடர்ந்து சென்றேன். சிறிது காலத்திற்குள் நறுமணப் பொருளின்கறையுடன் நபி (ஸல்) அவர்களிடம் வந்தேன். நபி (ஸல்) அவர்கள், “நீ மணம் முடித்துவிட்டாயா?” என்று கேட்டார்கள். நான், ஆம் என்றேன். யாரை? என்று கேட்டார்கள். “ஓர்அன்சாரிப் பெண்ணை” என்று நான் கூறினேன். ”எவ்வளவு மஹர் கொடுத்தாய்?” என்றுகேட்டார்கள். “ஒரு பேரீச்சங் கொட்டை எடைக்குத் தங்கம்” என்றேன். அப்போது நபி(ஸல்) அவர்கள், “ஓர் ஆட்டையேனும் மண விருந்தாக அளிப்பாயாக” என்று கூறினார்கள்.

அறிவிப்பவர் – அப்துர்ரஹ்மான் பின் அவ்ஃப் (ரலி),

நூல் – புகாரி 2048

இந்த ஹதீஸில் அப்துர்ரஹ்மான் இப்னு அவ்ஃப் (ரலி) அவர்களைப் பார்த்து, திருமணம் முடித்து விட்டாயா? என்று நபி (ஸல்) அவர்கள் கேட்டு விட்டு, வலீமா விருந்து கொடுக்கச் சொல்கின்றார்கள். ஆனால் அதே சமயம் திருமண ஒப்பந்தம் முடிவதற்கு முன்னரே சில இடங்களில் விருந்தளிக்கப்படுகின்றது. இது வலீமா விருந்தாக ஆகாது. திருமண ஒப்பந்தம் முடிந்த பின்னர் அளிப்பது தான் வலீமா விருந்தாகும் என்பதை இங்கு கவனத்தில் கொள்ள வேண்டும்.

 

(குறிப்பு: 2003 ஜுன் மாதம் ஏகத்துவம் இதழில் வெளிவந்த கேள்வி)

December 21, 2014, 6:39 AM

திருமணம் முடித்து மணப்பெண்ணை சந்தித்த பிறகுதான் வலீமா விருந்து கொடுக்க வேண்டுமா?

? ஒருவர் நிக்காஹ் முடிந்தவுடன் அன்றைய தினமே வலீமா விருந்தைக்கொடுக்கலாமா? அல்லது மணப்பெண்ணை சந்தித்த பிறகு தான் வலீமா விருந்துகொடுக்க வேண்டுமா?

ரியாஸ்,இர்ஃபான், சென்னை

திருமணம் முடித்த பின் மணமகன் வலீமா விருந்து கொடுப்பதை நபி (ஸல்) அவர்கள்வலியுறுத்தியுள்ளார்கள். ஆனால் திருமணம் முடித்து இல்லறத்தில் ஈடுபட்ட பின்னர்தான் வலீமா விருந்தளிக்க வேண்டும் என்று எந்த நிபந்தனையையும் நபி (ஸல்) அவர்கள்விதிக்கவில்லை.

முஹாஜிர்களான நாங்கள் மதீனாவுக்கு வந்த போது நபி (ஸல்) அவர்கள் என்னையும்ஸஅது பின் ரபீஃ அவர்களையும் சகோதரர்களாக ஆக்கினார்கள். ஸஅது (ரலி), “நான்அன்சாரிகளில் அதிக செல்வமுள்ளவன். எனவே என் செல்வத்தில் பாதியை உமக்குப்பிரித்துத் தருகின்றேன். எனது இரு மனைவியரில் நீர் யாரை விரும்புகின்றீர் என்றுபாரும். அவரை உமக்காக விவாகரத்துச் செய்கின்றேன். அவரது இத்தா முடிந்ததும்அவரை உமக்குத் திருமணம் முடித்துத் தருகின்றேன்” என்று கூறினார். அப்போது நான், “இது என்க்குத் தேவையில்லை. வியாபாரம் நடைபெறுகின்ற கடைவீதி ஏதும்இருக்கின்றதா?” என்று கேட்டேன். அவர், “கைனுகா எனும் கடைவீதி இருக்கின்றது”என்றார்.

நான் அங்கு சென்று பாலாடைக் கட்டியையும் நெய்யையும் (லாபமாகக்) கொண்டுவந்தேன். மறுநாளும் தொடர்ந்து சென்றேன். சிறிது காலத்திற்குள் நறுமணப் பொருளின்கறையுடன் நபி (ஸல்) அவர்களிடம் வந்தேன். நபி (ஸல்) அவர்கள், “நீ மணம் முடித்துவிட்டாயா?” என்று கேட்டார்கள். நான், ஆம் என்றேன். யாரை? என்று கேட்டார்கள். “ஓர்அன்சாரிப் பெண்ணை” என்று நான் கூறினேன். ”எவ்வளவு மஹர் கொடுத்தாய்?” என்றுகேட்டார்கள். “ஒரு பேரீச்சங் கொட்டை எடைக்குத் தங்கம்” என்றேன். அப்போது நபி(ஸல்) அவர்கள், “ஓர் ஆட்டையேனும் மண விருந்தாக அளிப்பாயாக” என்று கூறினார்கள்.

அறிவிப்பவர் – அப்துர்ரஹ்மான் பின் அவ்ஃப் (ரலி),

நூல் – புகாரி 2048

இந்த ஹதீஸில் அப்துர்ரஹ்மான் இப்னு அவ்ஃப் (ரலி) அவர்களைப் பார்த்து, திருமணம்முடித்து விட்டாயா? என்று நபி (ஸல்) அவர்கள் கேட்டு விட்டு, வலீமா விருந்துகொடுக்கச் சொல்கின்றார்கள். இல்லறத்தில் ஈடுபட்ட பின்னர் தான் வலீமா விருந்துகொடுக்க வேண்டும் என்றிருந்தால், நபி (ஸல்) அவர்கள், நீ இல்லறத்தில் ஈடுபட்டுவிட்டாயா? என்று கேட்டிருக்க வேண்டும். ஆனால், யாரை மணம் முடித்தாய்? எவ்வளவுமஹர் கொடுத்தாய்? என்றெல்லாம் விசாரிக்கும் நபி (ஸல்) அவர்கள், இல்லறத்தில்ஈடுபட்டது குறித்து எந்தக் கேள்வியும் கேட்கவில்லை.

வலீமா விருந்தளிப்பதற்கு, இல்லறத்தில் ஈடுபட்டிருக்க வேண்டும் என்ற நிபந்தனைஎதுவும் இல்லை என்பதை இதிலிருந்து அறிய முடிகின்றது. ஆனால் அதே சமயம்திருமண ஒப்பந்தம் முடிவதற்கு முன்னரே சில இடங்களில் விருந்தளிக்கப் படுகின்றது.இது வலீமா விருந்தாக ஆகாது. திருமண ஒப்பந்தம் முடிந்த பின்னர் அளிப்பது தான்வலீமா விருந்தாகும் என்பதை இங்கு கவனத்தில் கொள்ள வேண்டும்.

 

(குறிப்பு: 2003 ஜூன் மாதம் ஏகத்துவம் இதழில் வெளிவந்த கேள்வி)

December 21, 2014, 6:34 AM

வீட்டு வேலைகளில் மனைவிக்கு கணவன் உதவலாமா?

வீட்டு வேலைகளில் மனைவிக்கு கணவன் உதவலாமா?

ரஹீமா

வீட்டு வேலைகள் அனைத்தும் பெண்கள் செய்ய வேண்டியவை என்று இஸ்லாம் கூறவில்லை. சமையல் செய்தல், சமையலுக்குத் துணை செய்தல், துணிதுவைத்தல், தண்ணீர் பிடித்துக் கொடுத்தல் போன்ற காரியங்களை ஆண்கள் செய்வது இழிவானது போலவும் ஆண் தன்மைக்கு எதிரானது எனவும் சிலர் கருதுகின்றனர். இது தவறாகும்.

மனைவிக்கும் சேர்த்து பொருளீட்டுவதற்காக ஆண்கள் வெளியே சென்று உழைப்பதால் அவனது உணவு உள்ளிட்ட தேவைகளுக்காக பெண்கள் வீட்டு வேலை செய்து பணிகளைப் பகிர்ந்து கொள்கின்றனர்.

இது போல் வெளியே சென்று பொருளீட்டும் நிலையில் இல்லாதவர்களும், பொருளீட்டுவதற்காக குறைந்த நேரம் செலவிட்டு வீட்டில் அதிக நேரம் வேலை இல்லாமல் இருப்பவர்களும் மனைவியின் வேலைகளில் துணை செய்வதுதான் நியாயமாகும்.

"நபி (ஸல்) அவர்கள் வீட்டில் என்ன (வேலை) செய்து வந்தார்கள்?'' என்று நான் ஆயிஷா (ரலி) அவர்களிடம் கேட்டேன். அதற்கு ஆயிஷா (ரலி) அவர்கள், "நபி (ஸல்) அவர்கள் தம் வீட்டாருக்காக (வீட்டு) வேலைகளைச் செய்து வந்தார்கள். தொழுகை அறிவிப்பை (பாங்கு சப்தத்தை)ச் செவிமடுத்தால் (தொழுகைக்காகப்) புறப்பட்டு விடுவார்கள்'' என்று பதிலளித்தார்கள்.

அறிவிப்பவர் ; அஸ்வத் பின் யஸீத் (ரஹ்)

நூல்: புகாரி 5363

வீட்டில் தமது செருப்பைத் தாமே தைப்பார்கள். தமது ஆடையின் கிழி சலையும் தாமே தைப்பார்கள். வீட்டு வேலைகளையும் செய்வார்கள்.

நூல் : அஹ்மத் 23756, 24176, 25039

முஸ்லிம்கள் இதையே முன்மாதிரியாக கொள்ள வேண்டும்.

கீழ்க்காணும் உரையையும் கேட்கவும்

http://www.onlinepj.com/kutumbaviyal/pengalai_anusarithal/

May 11, 2014, 8:55 PM

சமைக்க தெரியவில்லை என்பதற்காக மனைவியை திட்டலாமா

மனைவி நன்றாக சமைக்க தெரியவில்லை என்பதற்காக அவரை அடிப்பதும் அவருடன் உறவு வைத்துக் கொள்வதை தவிர்ப்பதும் கூடுமா?

பதில் : பொருளாதாரத்தை திரட்டும் வேலை செய்யும் கணவருக்கு நல்ல உணவை சமைத்து கொடுப்பது மனைவியின் கடமை. நபி (ஸல்) அவர்கள் காலத்தில், நபி (ஸல்) அவர்கள் உட்பட நபித்தோழர்களுக்கு அவர்களின் மனைவியே சமைத்து கொடுத்துள்ளார்கள். மேலும் விருந்தினருக்கு நல்ல உணவை அளித்தும் உள்ளார்கள்.

உணவு சரியாக சமைக்க தெரியாதவர்கள் பக்கத்துவீட்டு பெண்கள் மூலமாகக்கூட நல்ல உணவை சமைத்து தம் கணவருக்கு கொடுத்துள்ளார்கள்.

என்னை ஸுபைர் பின் அவ்வாம் (ரலி) அவர்கள் (மக்காவிலிருக்கும்போதே) மணந்துகொண்டார்கள். இந்தப் பூமியில்  அவருக்குத் தண்ணீர் இறைக்கும் ஓர் ஒட்டகத்தையும் அவரது குதிரையையும் தவிர வேறு எந்தச் சொத்துபத்துகளும் அடிமைகளும் உடைமைகளும் இருக்கவில்லை. அந்தக் குதிரைக்கு நான் தீனிபோடுவேன்;தண்ணீர் இறைப்பேன்; அவரது தோல் கமலையைத் தைப்பேன்; மாவு குழைப்பேன். ஆனால் எனக்கு நன்றாக ரொட்டி சுடத் தெரியாது. என் அண்டை வீட்டு அன்சாரிப் பெண்களே எனக்கு ரொட்டிசுட்டுத் தருவார்கள். அந்தப் பெண்கள் உண்மையாளர்களாயிருந்தனர்.

அறிவிப்பவர் : அஸ்மா (ரலி),

நூல் : புகாரி (5224)

உணவு சரியாக சமைக்க தெரியாத பெண்கள் முயற்சி செய்து நல்ல உணவை சமைப்பதற்கு பழகிக் கொள்ள வேண்டும். அதே நேரத்தில் சமைக்க தெரியாது என்பதற்காக அவர்களை அடிப்பதற்கோ அல்லது உறவு கொள்வதை முறித்துக் கொள்வதற்கோ மார்க்கத்தில் எந்த ஆதாரமும் இல்லை.தமக்கு கட்டுப்படாமல் விவாகரத்து ஏற்பட்டுவிடும் என்ற நிலைக்கு பிணக்குகள் ஏற்பட்டால்தான் அடிப்பது மற்றும் உறவு கொள்வதை நிறுத்துவதும் கூடும்.

சிலரை விட மற்றும் சிலரை அல்லாஹ் சிறப்பித்திருப்பதாலும், ஆண்கள் தமது பொருட்களைச் செலவிடுகிறார்கள் என்பதாலும் ஆண்கள், பெண்களை நிர்வாகம் செய்பவர்கள். கட்டுப்பட்டு நடப்போரும், அல்லாஹ்வின் பாதுகாவல் மூலம் மறைவானவற்றை (கற்பை) காத்துக் கொள்வோருமே நல்ல பெண்கள். பிணக்கு ஏற்படும் என்று (மனைவியர் விஷயத்தில்) நீங்கள் அஞ்சினால் அவர்களுக்கு அறிவுரை கூறுங்கள்! படுக்கைகளில் அவர்களை விலக்குங்கள்! அவர்களை அடியுங்கள்! அவர்கள் உங்களுக்குக் கட்டுப்பட்டு விட்டால் அவர்களுக்கு எதிராக வேறு வழியைத் தேடாதீர்கள்! அல்லாஹ் உயர்ந்தவ னாகவும், பெரியவனாகவும் இருக்கிறான்.

(அல்குர்ஆன் 4:34)

May 3, 2014, 6:21 PM

பெற்றோர் பார்க்கும் மாப்பிள்ளையை மற

பெற்றோர் பார்க்கும் மாப்பிள்ளையை மறுக்கலாமா  

என் விருப்பமின்றி பெற்றோர் திருமண ஏற்பாடு செய்துள்ளனர். எனக்கு இஸ்லாத்தில் உள்ள உரிமை என்ன?

தொடர்ந்து படிக்க May 17, 2011, 12:39 AM

நபியின் மாமனார் திருமண விருந்து கொடு

நபியின் மாமனார் திருமண விருந்து கொடுத்தார்களா?

எனது உறவினர் வீட்டில் சமீபத்தில் திருமணம் நடந்தது. உறவினர் மாப்பிள்ளை வீட்டார் தான். ஆனாலும் திருமணத்தின் போது மண்டபத்தில் மதிய உணவு பெண் வீட்டார் சார்பில் வழங்கப்பட்டது. இது தவறு என்று அவரிடத்தில் கூறிய போது  "நாங்களாக வற்புறுத்தவில்லை. பெண் வீட்டாரே தானாக முன்வந்து தருகிறார்கள். ஆகவே, இது எப்படி தவறாகவோ அல்லது வரதட்சனை ஆகவோ எடுத்துக் கொள்ள முடியும்?"  என்று கேட்கின்றனர். நாம் 'அப்துர்ரஹ்மான் பின் அவுப்' அவர்களின் ஹதீஸ் மற்றும் 'ஜகாத் வசூலித்தவருக்கு அன்பளிப்பு கொடுக்கப்பட்ட ஹதீஸ்களைக் கூறிய போது நபிகள் நாகயமும் அன்னை உம்மு ஹபீபா அவர்களும் திருமணம் செய்த போது, உம்மு ஹபீபா அவர்களின் தந்தை நஜ்ஜாசி மன்னர் அவர்கள் தானாக முன்வந்து விருந்து கொடுத்தார்கள். அதை நபிகள் நாயகம் அவர்கள் தடுக்கவில்லை என்று ஒரு ஹதீஸ் இருப்பதாகவும், அதனால் திருமணத்திற்கு மணமகள் வீட்டில் விருந்து கொடுப்பது கூடும் என்றும் தங்களின் செயலை நியாயப்படுத்துகிறார்கள். இந்த ஹதீஸ் இடம் பெற்ற நூல் மற்றும் எண்களைக் கேட்ட போது- 'தான் இதை ஒரு புத்தகத்தில் படித்ததாகவும் ஹதீஸ் நூல் மற்றும் எண் நினைவில் இல்லை' என்று கூறி விட்டார்கள்

தொடர்ந்து படிக்க April 25, 2011, 9:24 AM

மனைவிக்காக தாயைத் திட்டலாமா

மனைவிக்காக தாயைத் திட்டலாமா

எனது நண்பர் ஒருவர் என்னிடம் கேட்ட கேள்வி அவரது மனைவியிடம் சந்தோக்ஷமாக இருப்பதற்கு அவரது தாயார் எப்போதும் இடையூராக இருக்கிறாராம் அதனால் அவர்கள் ஒன்றாக இருக்க வேண்டுமானால் அவரது தாயாரைத் திட்டினால் தான் அவர் பேசாமல் இருக்கிறாராம். இஸ்லாத்தின் பார்வையில் அவ்வாறு செய்வது தடுக்கப்பட்டுள்ளது. எனவே அவர் அவரது தாயாரிடம் எவ்வாறாக நடந்து கொள்வது விளக்கம் தேவை

தொடர்ந்து படிக்க April 19, 2011, 5:24 PM

பெற்றோருக்குப் பிடிக்கவில்லை என்பத

பெற்றோருக்குப் பிடிக்கவில்லை என்பதற்காக மனைவியை தலாக் சொல்லலாமா 

கணவன் இடத்தில் நல்ல விதமாக நடக்கும் எந்த குறையும் சொல்ல முடியாத ஒரு மனைவியை கணவனின் தாய் தலாக் செய்துவிடு என்று சொன்னால் உடனே தலாக் செய்ய வேண்டும் என்று சொல்கிறார்கள். இதற்கு குர்ஆன் ஹதீஸ் அடிப்படையில் பதில் தேவை

தொடர்ந்து படிக்க April 18, 2011, 2:00 PM

தள்ளாத கிழவியின் இத்தா எவ்வளவு காலம்

தள்ளாத கிழவியின் இத்தா எவ்வளவு காலம் மாதவிடாய் நின்ற பெண்ணின் கணவர் இறந்து விட்டால் அவரது இத்தா எவ்வளவு காலம்? கர்ப்பப்பை நீக்கப்பட்ட பெண்ணின் கணவர் இறந்து விட்டால் அவரது இத்தா எவ்வளவு நாட்கள்

தொடர்ந்து படிக்க April 13, 2011, 12:29 AM

மனம் விரும்பி மகளுக்குக் கொடுத்த அன்

மனம் விரும்பி மகளுக்குக் கொடுத்த அன்பளிப்பு வரதட்சனையாகுமா

பதில்

தந்தை தன் மகளுக்கு அன்பளிப்புச் செய்வது தவறல்ல. பின்வரும் செய்திகள் இதை உறுதிப்படுத்துகின்றன.

தொடர்ந்து படிக்க April 10, 2011, 7:47 PM

ஏழைகளுக்கு தனியாக விருந்து வைக்கலாம

ஏழைகளுக்கு தனியாக விருந்து வைக்கலாமா

ஏழைகள் புறக்கணிக்கப்பட்டு பணக்காரர்கள் மட்டும் அழைக்கப்படும் விருந்துகள் தான் மிக கெட்ட விருந்து என நபிகள் நாயகம் (ஸல்) அவர்கள் கூறியுள்ளதால் ஏழைகளுக்குத் தனியாக விருந்து வைக்கலாமா?

தொடர்ந்து படிக்க March 17, 2011, 5:06 PM

ஒழுக்கம் கெட்டவருக்கு ஒழுக்கம் கெட்

ஒழுக்கம் கெட்டவருக்கு ஒழுக்கம் கெட்ட துணைதான் அமையுமா ஒருவர் விபச்சாரத்தில் ஈடுபட்டால் அவருடைய மனைவியும் விபச்சாரத்தில் ஈடுபடுத்தப்படுவார் என்று ஹதீஸ் உள்ளதா?

தொடர்ந்து படிக்க February 26, 2011, 7:41 PM

நபிகள் நாயகம் சிறுவயது ஆயிஷாவை திரு

 நபிகள் நாயகம் சிறுவயது ஆயிஷாவை திருமணம் செய்தது ஏன்  முஹம்மது நபி அவர்கள் ஏன் ஆயிஷாவை ஆறு வயதில் திருமணம் செய்து கொண்டார்கள்Lள்ள்?? ஹபீபுல்லாஹ்

தொடர்ந்து படிக்க February 26, 2011, 2:49 PM

www.onlinepj.com © 2013 Developed by Mwinsys

Scroll To Top