ஆட்சி மாற்றம் தந்த ஆஷுரா

ஆட்சி மாற்றம் தந்த ஆஷுரா

உங்களை ஊரை விட்டும் துரத்தி விடுவோம்; உங்களை நாடு கடத்துவோம்'' என்று இறைத் தூதர்களுக்கு எதிராக இறை மறுப்பாளர்கள் ஒவ்வொரு காலகட்டத்திலும் எச்சரித்துக் கொண்டிருந்தனர். அவர்களுக்கு எதிராக அல்லாஹ் ஒரு வாக்குறுதியை அளிக்கின்றான்.

உங்களை எங்கள் மண்ணிலிருந்து வெளியேற்றுவோம். அல்லது எங்கள் மார்க்கத்திற்கு நீங்கள் திரும்ப வேண்டும்'' என்று (ஏக இறைவனை) மறுப்போர் தமது தூதர்களிடம் கூறினர். அநீதி இழைத்தோரை அழிப்போம்; அவர்களுக்குப் பின்னர், உங்களைப் பூமியில் குடியமர்த்துவோம்'' என்று அவர்களது இறைவன் அவர்களுக்குச் செய்தி அனுப்பினான். இது, என் முன்னே நிற்க வேண்டும் என்பதை அஞ்சியோருக்கும், எனது எச்சரிக்கையை அஞ்சியோருக்கும் உரியது.

அல்குர்ஆன் 14:13, 14

நானும் எனது தூதர்களுமே மிகைப்போம்'' என்று அல்லாஹ் விதித்து விட்டான். அல்லாஹ் வலிமை மிக்கவன்; மிகைத்தவன்.

அல்குர்ஆன் 58:21

நமது அடியார்களான தூதர்களுக்கு நமது கட்டளை முந்தி விட்டது. அவர்களே உதவி செய்யப்படுவார்கள். நமது படையினரே வெல்பவர்கள்.

அல்குர்ஆன் 37:171-173

ஸபூர் வேதத்தில் அறிவுரைக்குப் பின் பூமியை எனது நல்லடியார்கள் வாரிசாக அடைவார்கள்'' என்று எழுதியிருந்தோம். அல்குர்ஆன் 21:105

இவை அனைத்தும் அல்லாஹ் அளித்திருக்கின்ற பொதுவான வாக்குறுதிகள்! நபி மூஸா (அலை) அவர்களுக்கென்று குறிப்பிட்டும் அல்லாஹ் வாக்குறுதியளித்தான்.

இந்தப் பூமியில் குழப்பம் செய்வதற்காகவும், உம்மையும் உமது கடவுள்களையும் புறக்கணிப்பதற்காகவும், மூஸாவையும் அவரது சமுதாயத்தையும் விட்டு வைக்கப் போகிறீரா?'' என்று ஃபிர்அவ்னுடைய சமுதாயத்துப் பிரமுகர்கள் கேட்டனர். அவர்களின் ஆண் மக்களைக் கொல்வோம். பெண் (மக்)களை உயிருடன் விட்டு விடுவோம். நாம் அவர்கள் மீது ஆதிக்கம் செலுத்துபவர்கள்'' என்று ஃபிர்அவ்ன் கூறினான்.

அல்லாஹ்விடம் உதவி தேடுங்கள்! பொறுமையாக இருங்கள்! பூமி அல்லாஹ்வுக்கே உரியது. தனது அடியார்களில் தான் நாடியோருக்கு அதை அவன் உரிமையாக்குவான். இறுதி முடிவு (இறைவனை) அஞ்சுவோர்க்கே சாதகமாக இருக்கும்'' என்று மூஸா தமது சமுதாயத்திடம் கூறினார்.

நீர் எங்களிடம் வருவதற்கு முன்னரும், நீர் எங்களிடம் வந்த பின்னரும் தொல்லை கொடுக்கப்பட்டு வருகிறோம்'' என்று அவர்கள் கூறினர். உங்கள் இறைவன், உங்கள் எதிரியை அழித்து உங்களைப் பூமியில் (அவர்களுக்குப்) பகரமாக்கி எவ்வாறு செயல்படுகின்றீர்கள் என்பதைக் கவனிப்பான்'' என்று (மூஸா) கூறினார்.

அல்குர்ஆன் 7:127-129

 அல்லாஹ் அளித்த வாக்குறுதி நிறைவேறும் நேரமும் வந்தது.

மூஸாவையும் அவரை நம்பிய இஸ்ரவேலர்களையும் நாட்டை விட்டு விரட்ட ஃபிர்அவ்ன் நினைத்த போது அல்லாஹ்வின் வாக்குறுதி நிறைவேறியது.

அவர்களை அப்பூமியை விட்டு வெளியேற்ற அவன் நினைத்தான். அவனையும், அவனுடன் இருந்த அனைவரையும் மூழ்கடித்தோம்.

அல்குர்ஆன் 17:103

அந்தப் பூமியில் இஸ்ரவேலர்களை அல்லாஹ் குடியமர்த்தினான்.

பூமியில் வசியுங்கள்! மறுமை பற்றிய வாக்கு நிறைவேறும் போது உங்களை ஒரு சேரக் கொண்டு வருவோம்'' என்று இதன் பின்னர் இஸ்ராயீலின் மக்களிடம் கூறினோம்.

அல்குர்ஆன் 17:104

 ஃபிர்அவ்னின் ஆட்சியை அழித்து, இஸ்ரவேலர்களுக்கு ஆட்சியை வழங்கினான். இந்த அற்புதம் நடந்த நாள் தான் ஆஷுரா எனும் முஹர்ரம் பத்தாம் நாளாகும்.

இதன் நினைவாகத் தான் நபி (ஸல்) அவர்கள் முஹர்ரம் 9, 10 ஆகிய நாட்களில் நோன்பு நோற்பதை வழிமுறையாக்கியுள்ளார்கள்.

ஏகத்துவம் வென்ற நாளை, அல்லாஹ்வின் வாக்குறுதி நிறைவேறிய நாளை, வரலாற்றில் என்றும் நின்று நிலைக்கின்ற நாளாக ஆக்கியுள்ளார்கள்.

இது, மூஸா நபி விஷயத்தில் நிறைவேறிய இறைவனின் வாக்குறுதியாகும்.

இது போன்று முஹம்மது நபி (ஸல்) அவர்களுக்கும் அல்லாஹ்வின் வாக்குறுதி நிறைவேறியிருக்கின்றது.

(முஹம்மதே!) உம்மை இப்பூமியிலிருந்து கிளப்பி வெளியேற்றிட அவர்கள் முயன்றனர். அப்போது உமக்குப் பின்னர் அவர்கள் குறைவாகவே தங்கியிருப்பார்கள். (அல்குர்ஆன் 17:76)

 மூஸா நபியவர்களைப் போன்று முஹம்மது (ஸல்) அவர்களுக்கும் அல்லாஹ்வின் வாக்குறுதி நிறைவேறியது. இந்த வாக்குறுதி நமக்கு ஒன்றை நினைவுபடுத்துகின்றது.

இறுதியில் ஏகத்துவம் தான் வெற்றி பெறும். இவ்வளவு பெரிய வலிமை மிக்கக் கொள்கை தான் ஏகத்துவக் கொள்கை! அந்தக் கொள்கையைத் தான் நாம் பிரச்சாரம் செய்கிறோம். அதனால் தான் இந்தப் பிரச்சாரம் செய்யும் நம்மை நோக்கி ஊர் நீக்கம், சிறைச்சாலை என்று பல்வேறு சோதனைகள் பாய்கின்றன.

இந்தச் சோதனைகளில் நாம் உறுதியாக நின்று கொள்கைப் பிடிப்புடன் செயல்பட்டால் இறுதியில் ஏகத்துவம் வெற்றி பெறும். அதற்கு மூஸா (அலை), முஹம்மது (ஸல்) அவர்களின் வரலாறுகள் சிறந்த எடுத்துக்காட்டுகள்.

 நம்மைக் கடந்து சென்றுள்ள ஆஷுரா நாள் இந்தச் சிந்தனையை நம்மிடம் புதுப்பித்து விட்டுச் சென்றிருக்கின்றது. இந்தப் புத்துணர்வுடன், புது வேகத்துடன் புரட்சி மிகு தவ்ஹீதுக் கொள்கைப் பிரச்சாரக் களத்தில் பயணிப்போமாக! 

October 27, 2014, 8:16 PM

சொற்பொழிவுக் குறிப்புகள்

சொற்பொழிவுக் குறிப்புகள்

முஹர்ரம் மாதம்

அடுத்ததாக, ஈமானின் ஐந்தாவது கிளையான மறுமைநாளை நம்புவதைப் பற்றி விரிவாகப் பார்ப்போம்.

إِنَّ عِدَّةَ الشُّهُورِ عِنْدَ اللَّهِ اثْنَا عَشَرَ شَهْرًا فِي كِتَابِ اللَّهِ يَوْمَ خَلَقَ السَّمَاوَاتِ وَالْأَرْضَ مِنْهَا أَرْبَعَةٌ حُرُمٌ ذَلِكَ الدِّينُ الْقَيِّمُ فَلَا تَظْلِمُوا فِيهِنَّ أَنْفُسَكُمْ وَقَاتِلُوا الْمُشْرِكِينَ كَافَّةً كَمَا يُقَاتِلُونَكُمْ كَافَّةً وَاعْلَمُوا أَنَّ اللَّهَ مَعَ الْمُتَّقِينَ(36) سورة التوبة

வானங்களையும், பூமியையும் படைத்த நாள் முதல் அல்லாஹ்வின் பதிவேட்டில் உள்ளபடி மாதங்களின் எண்ணிக்கை அல்லாஹ்விடம் பன்னிரண்டாகும். அவற்றில் நான்கு மாதங்கள் புனிதமானவை. இதுவே நேரான வழி. (புனிதமான) அம்மாதங்களில் உங்களுக்கு நீங்கள் தீங்கு இழைத்து விடாதீர்கள்! இணை கற்பிப்போர் ஒன்று திரண்டு உங்களுடன் போரிடுவது போல் நீங்களும் ஒன்று திரண்டு அவர்களுடன் போரிடுங்கள்! அல்லாஹ் (தன்னை) அஞ்சுவோருடன் இருக்கிறான் என்பதை அறிந்து கொள்ளுங்கள்!

(அல்குர்ஆன் 9:36)

3197 عَنْ أَبِي بَكْرَةَ رَضِي اللَّه عَنْه عَنِ النَّبِيِّ صَلَّى اللَّه عَلَيْهِ وَسَلَّمَ قَالَ الزَّمَانُ قَدِ اسْتَدَارَ كَهَيْئَتِهِ يَوْمَ خَلَقَ اللَّهُ السَّمَوَاتِ وَالْأَرْضَ السَّنَةُ اثْنَا عَشَرَ شَهْرًا مِنْهَا أَرْبَعَةٌ حُرُمٌ ثَلَاثَةٌ مُتَوَالِيَاتٌ ذُو الْقَعْدَةِ وَذُو الْحِجَّةِ وَالْمُحَرَّمُ وَرَجَبُ مُضَرَ الَّذِي بَيْنَ جُمَادَى وَشَعْبَانَ *رواه البخاري ومسلم

நபி (ஸல்) அவர்கள் கூறினார்கள்:வானங்களும் பூமியும் படைக்கப்பட்ட நாளில் இருந்த (பழைய) நிலைக்குக் காலம் திரும்பி விட்டது. வருடம் என்பது பன்னிரண்டு மாதங்களாகும். அவற்றில் நான்கு மாதங்கள் புனிதமானவை. (அவற்றில்) மூன்று மாதங்கள் தொடர்ந்து வரக் கூடியவை. அவை - துல்கஅதா, துல்ஹஜ் மற்றும் முஹர்ரம் ஆகியனவாகும். (மற்றொன்று) ஜுமாதஸ் ஸானிக்கும் ஷஅபான் மாதத்திற்கும் இடையிலுள்ள ரஜப் மாதமாகும்.

அறிவிப்பவர் : அபூபக்ரா (ரலி), நூல்: புகாரி (3197)

عَنْ أَبِي هُرَيْرَةَ رَضِي الله عنه قَالَ قَالَ رَسُولُ اللَّهِ صلى الله  عَلَيْهِ وَسَلَّمَ أَفْضَلُ الصِّيَامِ بَعْدَ رَمَضَانَ شَهْرُ اللَّهِ الْمُحَرَّمُ وَأَفْضَلُ الصَّلَاةِ بَعْدَ الْفَرِيضَةِ صَلَاةُ اللَّيْلِ *رواه مسلم

அல்லாஹ்வின் தூதர் (ஸல்) அவர்கள் கூறினார்கள்:ரமளான் மாத நோன்புக்கு அடுத்தபடியாகச் சிறந்த நோன்பு யாதெனில், அல்லாஹ் வின் மாதமான முஹர்ரம் மாத நோன்பாகும். கடமையாக்கப்பட்ட தொழுகைக்கு அடுத்தபடியாகச் சிறந்த தொழுகை, இரவுத் தொழுகை  ஆகும்.

அறிவிப்பவர் : அபூஹுரைரா (ரலி)‘ நூல் : முஸ்லிம் (2157)

2002 أَنَّ عَائِشَةَ رضي الله عَنْهَا قَالَتْ كَانَ يَوْمُ عَاشُورَاءَ تَصُومُهُ قُرَيْشٌ فِي الْجَاهِلِيَّةِ وَكَانَ رَسُولُ اللَّهِ صلى الله  عَلَيْهِ وَسَلَّمَ يَصُومُهُ فَلَمَّا قَدِمَ الْمَدِينَةَ صَامَهُ وَأَمَرَ بِصِيَامِهِ فَلَمَّا فُرِضَ رَمَضَانُ تَرَكَ يَوْمَ عَاشُورَاءَ فَمَنْ شَاءَ صَامَهُ وَمَنْ شَاءَ تَرَكَهُ *رواه البخاري ومسلم

ஆயிஷா (ரலி) அவர்கள் கூறியதாவது:அறியாமைக் காலக் குறைஷியர் ஆஷூரா நாளில் நோன்பு நோற்றனர்;  நபி (ஸல்) அவர்களும் நோற்றனர்.  நபி (ஸல்) அவர்கள் மதீனாவுக்கு வந்தபோது, தாமும் அந்நாளில் நோன்பு நோற்று மக்களையும் நோன்பு நோற்குமாறுப் பணித்தார்கள். ரமளான் நோன்பு கடமையாக்கப்பட்டதும் ஆஷூரா நோன்பை விட்டுவிட்டனர். விரும்பியவர்  அந்நாளில் நோன்பு நோற்றனர்; விரும்பாதவர் விட்டுவிட்டனர்.

நூல் : புகாரி (2002)

1592 عَنْ عَائِشَةَ رضي الله عَنْهَا قَالَتْ كَانُوا يَصُومُونَ عَاشُورَاءَ قَبْلَ أَنْ يُفْرَضَ رَمَضَانُ وَكَانَ يَوْمًا تُسْتَرُ فِيهِ الْكَعْبَةُ فَلَمَّا فَرَضَ اللَّهُ رَمَضَانَ قَالَ رَسُولُ اللَّهِ صلى الله  عَلَيْهِ وَسَلَّمَ مَنْ شَاءَ أَنْ يَصُومَهُ فَلْيَصُمْهُ وَمَنْ شَاءَ أَنْ يَتْرُكَهُ فَلْيَتْرُكْهُ *رواه البخاري

ஆயிஷா (ரலி) அவர்கள் கூறியதாவது:ரமளான் நோன்பு கடமையாக்கப்படுதவற்கு முன்னால் மக்கள் ஆஷூரா (முஹர்ரம் 10ஆம் நாளில்) நோன்பு நோற்று வந்தார்கள். அதுதான் கஅபாவுக்குப் புதிய திரை போடப்படும் நாளாக இருந்தது. அல்லாஹ் ரமளானுடைய நோன்பைக் கடமையாக்கிய போது, "யார் (ஆஷூராவுடைய) நோன்பு நோற்க விரும்புகிறாரோ அவர் அதை நோற்றுக் கொள்ளட்டும்! யார் அதை விட்டுவிட விரும்புகிறாரோ அவர் அதை விட்டுவிடட்டும்!'' என அல்லாஹ்வின் தூதர் (ஸல்) அவர்கள் கூறினார்கள்.

நூல் : புகாரி (1592)

2001 أَنَّ عَائِشَةَ رضي الله عَنْهَا قَالَتْ كَانَ رَسُولُ اللَّهِ صلى الله  عَلَيْهِ وَسَلَّمَ أَمَرَ بِصِيَامِ يَوْمِ عَاشُورَاءَ فَلَمَّا فُرِضَ رَمَضَانُ كَانَ مَنْ شَاءَ صَامَ وَمَنْ شَاءَ أَفْطَرَ *رواه البخاري ومسلم

ஆயிஷா (ரலி) அவர்கள் கூறியதாவது:       நபி (ஸல்) அவர்கள் ஆஷூரா நாளில் நோன்பு நோற்குமாறு கட்டளையிட்டார்கள். ரமளான் நோன்பு கடமையாக்கப்பட்டதும் விரும்பியவர் (ஆஷூரா தினத்தில்) நோன்பு நோற்றனர்; விரும்பாதவர் விட்டுவிட்டனர்.

நூல் : புகாரி (2001)

2007 عَنْ سَلَمَةَ بْنِ الْأَكْوَعِ رَضِي الله عنه قَالَ أَمَرَ النَّبِيُّ صلى الله  عَلَيْهِ وَسَلَّمَ رَجُلًا مِنْ أَسْلَمَ أَنْ أَذِّنْ فِي النَّاسِ أَنَّ مَنْ كَانَ أَكَلَ فَلْيَصُمْ بَقِيَّةَ يَوْمِهِ وَمَنْ لَمْ يَكُنْ أَكَلَ فَلْيَصُمْ فَإِنَّ الْيَوْمَ يَوْمُ عَاشُورَاءَ *رواه البخاري ومسلم والنسائي

சலமா பின் அக்வஃ (ரலி) அவர்கள் கூறியதாவது:நபி (ஸல்) அவர்கள் அஸ்லம் கிளையைச் சேர்ந்த ஒரு மனிதரை அனுப்பி, "இன்று ஆஷூரா நாளாகும்; ஆகவே, இந்நாளில் யாரேனும் சாப்பிட்டிருந்தால் அவர் இந்நாளின் எஞ்சிய பகுதியில் நோன்பாக இருக்கட்டும்! யாரேனும் சாப்பிடாமல் இருந்தால் அவர் நோன்பாக இருக்கட்டும்!'' என்று அறிவிக்கச் செய்தார்கள்!

நூல் : புகாரி (2007)

2005 عَنْ أَبِي مُوسَى رَضِي الله عنه قَالَ كَانَ يَوْمُ عَاشُورَاءَ تَعُدُّهُ الْيَهُودُ عِيدًا قَالَ النَّبِيُّ صلى الله  عَلَيْهِ وَسَلَّمَ فَصُومُوهُ أَنْتُمْ *رواه البخاري

அபூமூசா (ரலி) அவர்கள் கூறியதாவது:ஆஷூரா நாளை யூதர்கள் பெருநாளாகக் கொண்டாடி வந்தனர். நபி (ஸல்) அவர்கள், "அந்நாளில் நீங்களும் நோன்பு வையுங்கள்!'' என்றார்கள்.

நூல் : புகாரி (2005)

عَنْ أَبِي مُوسَى رَضِي الله عنه قَالَ كَانَ أَهْلُ خَيْبَرَ يَصُومُونَ يَوْمَ عَاشُورَاءَ يَتَّخِذُونَهُ عِيدًا وَيُلْبِسُونَ نِسَاءَهُمْ فِيهِ حُلِيَّهُمْ وَشَارَتَهُمْ فَقَالَ رَسُولُ اللَّهِ صلى الله  عَلَيْهِ وَسَلَّمَ فَصُومُوهُ أَنْتُمْ *رواه مسلم

அபூமூசா (ரலி) அவர்கள் கூறினார்கள்: கைபர்வாசிகள் (யூதர்கள்) முஹர்ரம் பத்தாவது நாளில் (ஆஷூரா) நோன்பு நோற்று வந்தனர்; அந்நாளை அவர்கள் பண்டிகை நாளாகக் கொண்டாடினர்; தங்களுடைய பெண்களுக்கு அந்நாளில் ஆபரணங்களையும் அழகிய ஆடைகளையும் அவர்கள் அணிவித்தனர். எனவே, அல்லாஹ்வின் தூதர் (ஸல்) அவர்கள் (எங்களிடம்) "இந்நாளில் நீங்களும் நோன்பு நோறுங்கள்!'' என்றார்கள்.

நூல் : முஸ்லிம் (2085)

عَنْ أَبِي قَتَادَةَ الْأَنْصَارِيِّ رَضِي الله عنه أَنَّ رَسُولَ اللَّهِ صلى الله  عَلَيْهِ وَسَلَّم...  وَسُئِلَ عَنْ صَوْمِ يَوْمِ عَرَفَةَ فَقَالَ يُكَفِّرُ السَّنَةَ الْمَاضِيَةَ وَالْبَاقِيَةَ قَالَ وَسُئِلَ عَنْ صَوْمِ يَوْمِ عَاشُورَاءَ فَقَالَ يُكَفِّرُ السَّنَةَ الْمَاضِيَةَ *رواه مسلم

துல்ஹஜ் ஒன்பதாவது நாள் (அரஃபா) அன்று நோன்பு நோற்பதை, அதற்கு முந்தைய ஓராண்டிற்கும் அதற்குப் பிந்தைய ஓராண்டிற்கும் பாவப் பரிகாரமாக அல்லாஹ் ஆக்குவான் என்று நான் எதிர்பார்க்கிறேன். முஹர்ரம் பத்தாவது நாளில் (ஆஷூரா) நோன்பு நோற்பதை, அதற்கு முந்தைய ஓராண்டிற்குப் பாவப் பரிகாரமாக அல்லாஹ் ஆக்குவான் என நான் எதிர்பார்க்கிறேன்'' என்று அல்லாஹ்வின் தூதர் (ஸல்) அவர்கள் கூறினார்கள்.

நூல் : முஸ்லிம் (2151)

حَدَّثَنِي إِسْمَعِيلُ بْنُ أُمَيَّةَ أَنَّهُ سَمِعَ أَبَا غَطَفَانَ بْنَ طَرِيفٍ الْمُرِّيَّ يَقُولُ سَمِعْتُ عَبْدَ اللَّهِ بْنَ عَبَّاسٍ رضي الله عنه  يَقُولُا حِينَ صَامَ رَسُولُ اللَّهِ صلى الله  عَلَيْهِ وَسَلَّمَ يَوْمَ عَاشُورَاءَ وَأَمَرَ بِصِيَامِهِ قَالُوا يَا رَسُولَ اللَّهِ إِنَّهُ يَوْمٌ تُعَظِّمُهُ الْيَهُودُ وَالنَّصَارَى فَقَالَ رَسُولُ اللَّهِ صلى الله  عَلَيْهِ وَسَلَّمَ فَإِذَا كَانَ الْعَامُ الْمُقْبِلُ إِنْ شَاءَ اللَّهُ صُمْنَا الْيَوْمَ التَّاسِعَ قَالَ فَلَمْ يَأْتِ الْعَامُ الْمُقْبِلُ حَتَّى تُوُفِّيَ رَسُولُ اللَّهِ صلى الله  عَلَيْهِ وَسَلَّمَ *رواه مسلم

இப்னு அப்பாஸ் (ரலி) அவர்கள் கூறியதாவது:அல்லாஹ்வின் தூதர் (ஸல்) அவர்கள் ஆஷூரா நாளில் தாமும் நோன்பு நோற்று, நோன்பு நோற்குமாறு (மக்களுக்கும்) கட்டளையிட்டார்கள். அப்போது மக்கள், "அல்லாஹ்வின் தூதரே! இது யூதர்களும் கிறிஸ்தவர்களும் கண்ணியப்படுத்தும் நாளாயிற்றே?'' என்று வினவினர். அதற்கு அல்லாஹ்வின் தூதர் (ஸல்) அவர்கள், "இன்ஷா அல்லாஹ் (அல்லாஹ் நாடினால்) அடுத்த ஆண்டில் நாம் (முஹர்ரம்) ஒன்பதாவது நாளில் நோன்பு நோற்போம்'' என்று கூறினார்கள். ஆனால், அடுத்த ஆண்டு வருவதற்குள் அல்லாஹ்வின் தூதர் (ஸல்) அவர்கள் இறந்து விட்டார்கள்.

நூல் : முஸ்லிம் (2088)

قَالَ عَنْ عَبْدِ اللَّهِ بْنِ عَبَّاسٍ رضي الله عنه  قَالَ قَالَ رَسُولُ اللَّهِ صلى الله  عَلَيْهِ وَسَلَّمَ لَئِنْ بَقِيتُ إِلَى قَابِلٍ لَأَصُومَنَّ التَّاسِعَ وَفِي رِوَايَةِ أَبِي بَكْرٍ قَالَ يَعْنِي يَوْمَ عَاشُورَاءَ *رواه مسلم

"அடுத்த ஆண்டுவரை நான் உயிரோடிருந்தால் ஒன்பதாவது நாளில் நோன்பு நோற்பேன்'' என்று நபி (ஸல்) அவார்கள் கூறினார்கள்.

நூல் : முஸ்லிம் (2089)

عَنِ ابْنِ عَبَّاسٍ رضي الله عنه  أَنَّ رَسُولَ اللَّهِ صلى الله  عَلَيْهِ وَسَلَّمَ قَدِمَ الْمَدِينَةَ فَوَجَدَ الْيَهُودَ صِيَامًا يَوْمَ عَاشُورَاءَ فَقَالَ لَهُمْ رَسُولُ اللَّهِ صلى الله  عَلَيْهِ وَسَلَّمَ مَا هَذَا الْيَوْمُ الَّذِي تَصُومُونَهُ فَقَالُوا هَذَا يَوْمٌ عَظِيمٌ أَنْجَى اللَّهُ فِيهِ مُوسَى وَقَوْمَهُ وَغَرَّقَ فِرْعَوْنَ وَقَوْمَهُ فَصَامَهُ مُوسَى شُكْرًا فَنَحْنُ نَصُومُهُ فَقَالَ رَسُولُ اللَّهِ صلى الله  عَلَيْهِ وَسَلَّمَ فَنَحْنُ أَحَقُّ وَأَوْلَى بِمُوسَى مِنْكُمْ فَصَامَهُ رَسُولُ اللَّهِ صلى الله  عَلَيْهِ وَسَلَّمَ وَأَمَرَ بِصِيَامِهِ و حَدَّثَنَا إِسْحَقُ بْنُ إِبْرَاهِيمَ أَخْبَرَنَا عَبْدُ الرَّزَّاقِ حَدَّثَنَا مَعْمَرٌ عَنْ أَيُّوبَ بِهَذَا الْإِسْنَادِ إِلَّا أَنَّهُ قَالَ عَنِ ابْنِ سَعِيدِ بْنِ جُبَيْرٍ لَمْ يُسَمِّهِ *رواه مسلم

இப்னு அப்பாஸ் (ரலி) அவர்கள் கூறியதாவது:அல்லாஹ்வின் தூதர் (ஸல்) அவர்கள் மதீனா வந்தபோது, யூதர்கள் முஹர்ரம் பத்தாவது நாளில் (ஆஷூரா) நோன்பு நோற்றிருப்பதைக் கண்டார்கள். "நீங்கள் நோன்பு நோற்றிருக்கும் இது என்ன நாள்?'' என்று கேட்டார்கள். அதற்கு யூதர்கள், "இது ஒரு மகத்தான நாள்; இந்த நாளில்தான் மூசாவையும் அவருடைய சமுதாயத்தாரையும் இறைவன் காப்பாற்றி, ஃபிர்அவ்னையும் அவனுடைய சமுதாயத்தாரையும் (செங்கடலில்) மூழ்கடித்தான். எனவே, மூசா (அலை) அவர்கள் (இறைவனுக்கு) நன்றி தெரிவிக்கும் முகமாக (இந்நாளில்) நோன்பு நோற்றார்கள். ஆகவே, நாங்களும் இந்நாளில் நோன்பு நோற்கிறோம்'' என்று கூறினர்.  அப்போது அல்லாஹ்வின் தூதர் (ஸல்) அவர்கள், "உங்களைவிட நாங்களே மூசா (அலை) அவர்களுக்கு மிகவும் உரியவர்களும் நெருக்கமானவர்களும் ஆவோம்'' என்று கூறினார்கள். பின்னர், அல்லாஹ்வின் தூதர் (ஸல்) அவர்கள் (அந்நாளில்) தாமும் நோன்பு நோற்று, நோன்பு நோற்குமாறு (மக்களுக்குக்) கட்டளையுமிட்டார்கள்.

நூல் : முஸ்லிம் (2083)

عَنِ الْحَكَمِ بْنِ الْأَعْرَجِ قَالَ انْتَهَيْتُ إِلَى ابْنِ عَبَّاسٍ رَضِي اللَّه عَنْهمَا وَهُوَ مُتَوَسِّدٌ رِدَاءَهُ فِي زَمْزَمَ فَقُلْتُ لَهُ أَخْبِرْنِي عَنْ صَوْمِ عَاشُورَاءَ فَقَالَ إِذَا رَأَيْتَ هِلَالَ الْمُحَرَّمِ فَاعْدُدْ وَأَصْبِحْ يَوْمَ التَّاسِعِ صَائِمًا قُلْتُ هَكَذَا كَانَ رَسُولُ اللَّهِ صلى الله  عَلَيْهِ وَسَلَّمَ يَصُومُهُ قَالَ نَعَمْ *رواه مسلم الترمذي وابوداؤد واحمد

அல்ஹகம் பின் அல்அஃரஜ் அவர்கள் கூறியதாவது:இப்னு அப்பாஸ் (ரலி) அவர்கள் "ஸம்ஸம்' கிணற்றுக்கருகில் தமது மேல்துண்டைத் தலையணையாக வைத்துச் சாய்ந்திருந்தபோது அவர்களிடம் நான் சென்றேன். "ஆஷூரா நோன்பு பற்றி எனக்குச் சொல்லுங்கள்!'' என அவர்களிடம் கேட்டேன். அதற்கு அவர்கள், "முஹர்ரம் மாதத்தின் (முதல்) பிறையை நீர் கண்டதும் (அன்றிலிருந்து நாட்களை) எண்ணிக்கொள்வீராக! ஒன்பதாவது நாள் காலையில் நீர் நோன்பாளியாக இருப்பீராக!'' என்று சொன்னார்கள். "இவ்வாறுதான் அல்லாஹ்வின் தூதர் (ஸல்) அவர்கள் இந்த (ஆஷூரா) நோன்பை நோற்றார்களா?'' என்று நான் கேட்டேன். அதற்கு, "ஆம்' என்று அவர்கள் விடையளித்தார்கள்.

நூல் : முஸ்லிம் (2087)

தவிர்க்க வேண்டியவைகள்

1297 عَنْ عَبْدِاللَّهِ رَضِي الله عنه عَنِ النَّبِيِّ صلى الله  عَلَيْهِ وَسَلَّمَ قَالَ لَيْسَ مِنَّا مَنْ ضَرَبَ الْخُدُودَ وَشَقَّ الْجُيُوبَ وَدَعَا بِدَعْوَى الْجَاهِلِيَّةِ *رواه البخاري ومسلم

நபி (ஸல்) அவர்கள் கூறினார்கள்:   (துக்கத்தினால்) கன்னங்களில் அறைந்துகொள்பவனும் சட்டைப் பைகளைக் கிழித்துக்கொள்பவனும் அறியாமைக்கால (மாச்சரியங்களுக்காக) அழைப்புவிடுப்பவனும் நம்மைச் சார்ந்தவன் அல்லன்.

அறிவிப்பவார் : அப்துல்லாஹ் பின் மஸ்ஊத் (ரலி),

நூல் : புகாரி (1297)

1282 عَنْ زَيْنَبَ بِنْتِ أَبِي سَلَمَةَ أَخْبَرَتْهُ قَالَتْ دَخَلْتُ عَلَى أُمِّ حَبِيبَةَ زَوْجِ النَّبِيِّ صلى الله  عَلَيْهِ وَسَلَّمَ فَقَالَتْ سَمِعْتُ رَسُولَ اللَّهِ صلى الله  عَلَيْهِ وَسَلَّمَ يَقُولُ لَا يَحِلُّ لِامْرَأَةٍ تُؤْمِنُ بِاللَّهِ وَالْيَوْمِ الْآخِرِ تُحِدُّ عَلَى مَيِّتٍ فَوْقَ ثَلَاثٍ إِلَّا عَلَى زَوْجٍ أَرْبَعَةَ أَشْهُرٍ وَعَشْرًا ثُمَّ دَخَلْتُ عَلَى زَيْنَبَ بِنْتِ جَحْشٍ حِينَ تُوُفِّيَ أَخُوهَا فَدَعَتْ بِطِيبٍ فَمَسَّتْ بِهِ ثُمَّ قَالَتْ مَا لِي بِالطِّيبِ مِنْ حَاجَةٍ غَيْرَ أَنِّي سَمِعْتُ رَسُولَ اللَّهِ صلى الله  عَلَيْهِ وَسَلَّمَ عَلَى الْمِنْبَرِ يَقُولُ لَا يَحِلُّ لِامْرَأَةٍ تُؤْمِنُ بِاللَّهِ وَالْيَوْمِ الْآخِرِ تُحِدُّ عَلَى مَيِّتٍ فَوْقَ ثَلَاثٍ إِلَّا عَلَى زَوْجٍ أَرْبَعَةَ أَشْهُرٍ وَعَشْرًا *رواه البخاري ومسلم

ஸைனப் பின்த் அபீசலமா (ரலி) அவர்கள் கூறியதாவது: நான், தமது சகோதரரை இழந்திருந்த ஸைனப் பின்த் ஜஹ்ஷ் (ரலி) அவர்களிடம் சென்றேன். அவர் நறுமணம் பூசிக்கொண்டு, "இது எனக்குத் தேவையில்லைதான்;  ஆயினும் "அல்லாஹ்வையும் மறுமை நாளையும் நம்பக்கூடிய பெண் தனது கணவனைத் தவிர வேறு யாருடைய இறப்பிற்கும் மூன்று நாட்களுக்கு மேல் துக்கம் கடைப்பிடிக்கக் கூடாது;  தனது கணவன் இறந்துவிட்டால் நான்கு மாதங்களும் பத்து நாட்களும் துக்கம் கடைப்பிடிக்க வேண்டும்' என நபி (ஸல்) அவர்கள் சொற்பொழிவு மேடை (மிம்பர்) மீது  நின்றவாறு கூற நான் கேட்டிருக்கிறேன்''  என்றார்.   

நூல் : புகாரி (1287)

October 27, 2014, 8:08 PM

தினமும் 40 ஆயிரம் முறை பார்க்கப்படும் ஆன்லைன்பிஜே இணையதளம்

கேள்வி

ஆன்லைன் பீஜே இணையதளத்தின் தரவரிசை கடந்த சில நாட்களாக சரிந்து வருவதாக முகநூல்களில் பரப்பப்பட்டு வருகிறது. இணையதளங்களின் தரவரிசையை மதிப்பிடும் அலெக்ஸாவின் ஸ்கிரீன் ஷார்ட்டை இணைத்து அதை ஆதாரமாகக் காட்டுகிறார்கள். இது உண்மையா?
இத்துடன் அலெக்ஸாவின் ஸ்கிரீன் ஷார்ட்டையும் இணைத்துள்ளேன்.

மவ்லவி ஹபீல், இலங்கை

ஆன்லைன்பீஜே இணைய தளத்துக்கு எந்தச் சரிவும் ஏற்படவில்லை. மாறாக நாள்தோறும் வளர்ச்சிப்பாதையில் தான் நடைபோட்டு வருகின்றது.
இந்தியாவிலும் தமிழர்கள் வசிக்கும் உலகநாடுகளிலும் பரவலாகப் பேசப்படும் நமது ஆன்லைன்பிஜே இணையதளம் இதுவரை 3 கோடிக்கும் மேற்பட்ட முறை நேயர்களால் பார்க்கப்பட்டு தொடர்ந்து தனது சேவையை உலகிற்கு சிறப்பாக வழங்கி வருகின்றது.
அல்ஹம்துலில்லாஹ்!

ஆயிரக்கணக்கில் ஆக்கங்கள், வீடியோ ஆடியோ சிற்றுரைகள், தொடர் உரைகள், மொபைல் போனில் பார்க்கத்தக்க வீடியோ உரைகள், ஏராளமான விவாதங்கள், வாரந்தோறும் நேரடி ஒளிபரப்புகள் கேள்வி பதில்கள், ஆய்வுகள், ஏராளமான நூல்கள் என அதிகமான தகவல்கலைக் கொண்டுள்ளது ஆன்லைன்பீஜே இணைய தளம்.
ஆன்லைன்பிஜே இணையதளம் ஒரு நாளைக்கு சராசரியாக 40 ஆயிரம் முறை நேயர்களால் பார்க்கப்படுகின்றது.
மேலும் ஒரு மாதத்திற்கு சராசரியாக 10 முதல் 15 லட்சம் முறை நேயர்களால் பார்க்கப்படுகின்றது.

இதை நாமாகக் கற்பனை செய்து சொல்லவில்லை. பின்வரும் statistic      இதை நமக்கு தெரிவிக்கின்றது.

 

stats

இது மட்டுமல்லாமல் ஒரு மாதத்திற்கு சராசரியாக 5000 GB (5 TB) அளவு கொண்ட தகவல்களை நேயர்கள் நமது ஆன்லைன்பிஜே இணையதளத்தில் இருந்து பதிவிறக்கம் செய்கின்றார்கள்.

bandwith

அதாவது சராசரியாக 70 ஆயிரம் மணி நேர (1 hr video = 70mb Avg) ஆடியோ மற்றும் வீடியோக்களை நேயர்கள் நமது இணையதளத்தில் இருந்து ஒரு மாத்திற்கு பதிவிறக்கம் செய்கின்றனர்.

இறைவனது அருளால் நேயர்களின் மகத்தான ஆதாரவைப் பெற்று தமிழ் இஸ்லாமிய இணையதளங்களில் வேறு எந்த இணையதளமும் அடையாத அளவிற்கு மிகப்பிரம்மாண்டமான வளர்ச்சியை ஆன்லைன்பிஜே இணையதளம் அடைந்துள்ளது. எல்லாப் புகழும் இறைவனுக்கே!

மேலும் தேடுபொறியில் (search engine like google) பிரதான இஸ்லாமியச் சட்டங்கள் குறித்து தேடும் போது நமது ஆன்லைன்பிஜே இணைதயளம் முதல் பக்கத்தில் கான்பிக்கப்படுகின்றது குறிப்பிடதக்கது.

உதாரணத்திற்கு சிலவற்றை இதில் இணைத்துள்ளோம்.

தொழுகை

tholugai-kuritha

tholugai-bing

tholugai

நோன்பு

nonbu-bing

nonbu-bing

ஜகாத்

jakath-bing

jakath

இறைவன் குறித்து

iraivan

 

நமது ஆன்லைன்பிஜே இணையதளம் நமது கிளைகள் இருக்கும் வளைகுடா நாடுகள், இங்கிலாந்து, அமெரிக்கா, மலேசியா, இலங்கை, கனடா போன்ற வெளிநாடுகளில் மட்டுமல்லாது கொரியா, ரஷ்யா, பின்லாந்த், ஜப்பான், ஹாங்காங், தாய்லாந்து, ஸ்பெயின் போன்ற நாடுகளிலும் பார்க்கப்படுகின்றது.

cntr
அப்படியானால் அலெக்ஸா மதிப்பீட்டில் சரிவைக் காட்டுவது ஏன் என்ற சந்தேகத்துக்கு வருவோம்.

இந்தியா மட்டுமல்லாது உலக நாடுகளில் பிரம்மாண்ட வளர்ச்சி அடைந்துள்ள நமது ஆன்லைன்பிஜே இணையதளத்தின் alexa rank அதிகரிப்பதற்குப் பதிலாக முன்பைவிட குறைந்துள்ளது உண்மைதான். எனவே இதை விரிவாகக் காண்போம்.

அலெக்ஸா மதிப்பீடு என்பது ஒரு தளத்தை எடைபோடுவதில் முழுமை பெற்றது அல்ல. ஒன்றுமில்லாத தளங்களைப் பெரிதாகக் காட்டுவதும் மிகப்பெரிய தளங்களை ஒன்றுமில்லாததாகக் காட்டுவதும் அலெக்ஸாவில் சர்வசாதாரணமாகும்.

Alexa rank எப்படி மதிப்பிடப்படுகின்றது என்பது குறித்து அவர்களே எழுதியுள்ள விளக்கங்களைப் படிக்கையில் மிகவும் வேடிக்கையாக உள்ளது.

அதாவது ஒட்டுமொத்த இன்டர்நெட் பயன்பாட்டாளர்கள் பயன்படுத்தும் Usage ஐ வைத்து Alexa Rank கணக்கிடப்படுவது கிடையாது.
Alexa நிறுவனம் பல்வேறு Browser Tool Bar களை வெளியிட்டுள்ளது. அதை யாரெல்லாம் இன்ஸ்டால் செய்து வைத்துள்ளார்களோ அவர்கள் மட்டும் பார்க்கும் இணையதளப் பயன்பாட்டை வைத்துத்தான் Alexa Rank கணக்கிடப்படுகின்றது.

அதாவது உதாரணமாக ஒருகோடி பேர் ஆன்லைன்பீஜே தளத்துக்கு வருகிறார்கல். அவர்களில் 100 பேர் மட்டும் அலக்ஸா டூல்பாரை இன்ஸ்டால் செய்திருந்தால் 100 நபர்களின் பயன்பாட்டை மட்டும் தான் Alexa கணக்கில் எடுத்துக் கொள்ளும். மற்ற 99999900 நபர்களைக் கணக்கில் எடுத்துக் கொள்ளாது.

tool-bar-sc

இதை அலெக்ஸா நிறுவனமே தங்களது இணையதளத்தில் கூறியுள்ளனர்.

alaxex-toolbar

http://www.alexa.com/help/traffic-learn-more

ஆரம்பத்தில் இந்த டூல்பார்களைப் பரவலாக இன்ஸ்டால் செய்தனர். அந்த நேரத்தில் ஆன்லைன்பிஜேவின் அலக்சாரேங்க் ஓரளவு சரியாகக் கணிக்கப்பட்டது. ஆனால் நாளடைவில் இந்த டூல்பார் “spyware, adware, traceware” (அதாவது நமது தனிப்பட்ட தகவல்களைத் திருடும் மென்பொருள்) என ஆன்ட்டிவைரஸ் மென்பொருளால் கண்டறியப்பட்டதால் இதை யாரும் இப்போது இன்ஸ்டால் செய்வதில்லை.

Alaxa Toole bar குறித்துஅறிய

http://www.spywareguide.com/spydet_418_alexa_toolbar.html

http://en.wikipedia.org/wiki/Alexa_Internet#Tracking

இதனால் தான் alexa நிறுவனமே தங்களது இணையதளத்தில் நாங்கள் குறைவாக ranking செய்யும் இணையதளம் உண்மையில் பிரபலமாக இருக்கலாம்; நாங்கள் அதிகம் மதிப்பிடும் இணையதளம் உண்மையில் குறைவானதாக இருக்கலாம் எனக் குறிப்பிட்டுள்ளார்கள்.

பார்க்க

maby-wrong

நமது பார்வையாளர்கள் பெரும்பாலானோர் Alaxa Toole ஐ இன்ஸ்டால் செய்யாததால் alaxa ranking தான் குறைவாகியுள்ளதே தவிர ஆன்லைன்பிஜே இணையதளம் உலக அளவில் பிரபல்யமாகி அதன் பயன்பாடு அதிகரித்துள்ளது என்பதை மேலே நாம் ஆதாரங்களுடன் குறிப்பிட்டுள்ளோம்.

Alaxa Ranking குறித்து நீங்களே பரிசோதித்துப் பார்ப்பதற்கு Alaxa Tool Bar ஐ உங்கள் கணிணியில் இன்ஸ்டால் செய்து கொண்டு ஏதாவது ஒரு பிரல்பயம் இல்லாத இணையதளத்தை தினமும் 10 15 முறை பாருங்கள். இது போன்று தொடர்ந்து ஒரு மாதம் செய்து விட்டு பின்னர் அதன் alaxa rank ஐ அலக்ஸாவில் பாருங்கள். உங்களுக்கே உண்மை புரியும்.

நமது ஆன்லைன்பிஜே இணையதளத்தைப் பார்க்கும் பெரும்பாலானோர் alaxa tool bar ஐ இன்ஸ்டால் செய்திருக்க மாட்டார்கள். அப்படி ஒன்று உள்ளதா என்பதே பலருக்குத் தெரியாது.

அலக்சாவில் ஆன்லைன்பிஜே இணையதளத்தின் ரேங்கை அதிகரிக்கச் செய்வது ஒன்றும் பெரிய விசயமல்ல. நம் சகோதரர்களில் வெறும் 100 நபர்கள் இந்த டூல்பாரை இன்ஸ்டால் செய்து கொண்டால் போதும். தானாக alaxa rank ஏறிவிடும். (பலர் இப்படித் தான் செய்து தங்களது Alaxa rank ஐ அதிகப்படுத்திக் கொள்கின்றனர்). அது நமக்கு அவசியம் அல்ல.

February 6, 2014, 11:17 PM

கட்டுரை தொகுப்பு

கட்டுரை தொகுப்பு

August 30, 2012, 2:05 PM

மதிப்புரை இஸ்லாம் பெண்கள் உரிமையை

   1989 களிலிருந்து அறிஞர் பிஜே அவர்கள் அல்ஜன்னத்தின் ஆசிரியராக இருக்கும் போது, இஸ்லாத்தின் மீது மாற்றார் தொடுத்த கேள்விகளுக்கெல்லாம்  'மாற்றாரின் பார்வையில் இஸ்லாம்' என்ற தலைப்பில் எழுதி வந்தார். அந்த ஆக்கங்களில் அறிவுபூர்வமாக அவர்களின் விமர்சினங்களுக்கு இஸ்லாத்தில் தக்க பதில்களை முன்வைத்தார்.

தொடர்ந்து படிக்க June 9, 2010, 6:30 AM

காட்டுமிராண்டித்தனமான பத்வா

காட்டுமிராண்டித்தனமான பத்வா

உபியில் முஸ்லிம் மத அறிஞர்கள் காட்டுமிராண்டித்தனான பத்வாவைக் கொடுத்து இஸ்லாத்தையும் பெண்களையும் கேவலப்படுத்தியுள்ளனர். வடநாட்டில் இது போன்ற கிறுக்குத் தனங்களுக்குப் பஞ்சம் இல்லை. அந்தத் தீர்ப்பு குறித்து கீழ்க்கண்ட செய்தி நாளிதழ்களில் வெளியாகியுள்ளது

தொடர்ந்து படிக்க June 2, 2010, 11:40 PM

மண்டியிட வைத்த தொண்டி விவாதம்

 

 மண்டியிட வைத்த தொண்டி விவாதம்

கே.எம். அப்துந் நாசிர், கடையநல்லூர்

விவேகத்துடனும், அழகிய அறிவுரையுடனும் உமது இறைவனின் பாதையை நோக்கி அழைப்பீராக! அவர்களிடம் அழகிய முறையில் விவாதம் செய்வீராக! உமது இறைவன் தனது பாதையை விட்டு விலகியோரை அறிந்தவன்; அவன் நேர் வழி பெற்றோரையும் அறிந்தவன். அல்குர்ஆன் 16:125

தொடர்ந்து படிக்க May 1, 2010, 5:13 AM

தமிழ் யுனிகோட் இணையதளத்தை மொபைல் போன

skyfire வேலை செய்ய வில்லை வேறு ஏதம் வழி இருக்கின்றதா என பல நேயர்கள் மின்னஞ்சல் மூலம் கேட்டகின்றனர்.  அவர்களுக்காக..

சமீபத்தில் over load காரணமாக skyfire தனது சேவையை (நாம் இது பற்றி செய்த வெளியிட்டு நமது நேயர்கள் அதிகம் பயனபடுத்தியதாலோ என்வோ) இந்தியாவில் ஜுலை 1 முதல் நிறுத்திவிட்டது.

தொடர்ந்து படிக்க September 15, 2010, 7:39 AM

மொபைல் போனில் பார்க்க

 நமது இணைய தளத்தையும் வேறு எந்த இணைய தளத்தையும் கணிணியில் காண்பது போல் செல்போனிலும் காண முடியும்.

இதற்காக கீழ்க்காணும் இலவச மென்பொருளை நீங்கள் பதிவிறக்கம் செய்து உங்கள் செல்போனில் நிறுவிக் கொள்ள வேண்டும்

 

www.skyfire.com

 

GPRS என்ற வசதியை செல் போன் நிறுவனங்களிடம் நீங்கள் பெற்றுக் கொள்ள வேண்டும். யுனிகோட் அடிப்படையில் அமைக்கப்பட்ட எல்லா தமிழ் இணைய தளங்களையும் தெளிவாகப் பார்க்கலாம்.

விண்டோஸ் மொபைல் உட்பட பெரும்பாளான மொபைல் போன்களில் வேலை செய்யக் கூடியது.

வெப்மாஸ்டர்

April 3, 2010, 9:21 PM

அவ்லியாக்களின் சிறப்பு

அவ்லியாக்களின் சிறப்பு

பி. ஜைனுல் ஆபிதீன்

 

(இந்தக் கட்டுரை, சகோதரர் பி.ஜே. அவர்கள் இருபது வருடங்களுக்கு முன்பு தாம் ஆசிரியராக இருந்த ஒரு மாத இதழில் எழுதிய கட்டுரையாகும். அதை இப்போது சில கூடுதல் குறிப்புகளுடன் வாசகர்களின் சிந்தனைக்குத் தருகிறோம்.புராணங்களில் வரும் நிர்வாணச் சாமியார்கள், ஆபாசக் கடவுளர்களின் அட்டகாசங்களை மிஞ்சும் வகையில் அவ்லியாக்கள் என்று சுன்னத் ஜமாஅத்தினரால் கூறப்படுவோரின் அட்டகாசங்கள் அமைந்திருக்கின்றன. அயோக்கியர்களின் கடைசிப் புகலிடம் அரசியல் என்பார்கள். புத்தி பேதலித்தவர்களின் கடைசிப் புகலிடம் தரீக்கா என்ற போலி ஆன்மீகம் என்று கூறலாம்.தரங்கெட்டவர்கள், தறுதலைகளின் கடைசித் தலம் தரீக்கா என்பதை இந்தக் குப்பையைப் படிப்பதன் மூலம் தெரிந்து கொள்ளலாம்.)

தொடர்ந்து படிக்க March 24, 2010, 4:47 AM

முஸ்லிம்கள் பார்வையில் தெலுங்கானா

 

பற்றி எரியும் ஆந்திரா!

விதைத்ததை அறுவடை செய்யும் காங்கிரஸ்!!

ஆந்திர மாநிலத்தில் இருந்து தெலுங்கானா பகுதியைப் பிரித்து தனி மாநிலமாக அறிவிக்க வேண்டும் என்று வலியுறுத்தும் போராட்டங்கள் அறுபது ஆண்டுகளாக நடந்து வருகின்றன.

தொடர்ந்து படிக்க December 15, 2009, 12:41 AM

லிபரான் அறிக்கை

லிபரான் கமிஷன் அறிக்கை

கூட்டுச் சதி அம்பலம்

சதிகார நரசிம்மராவ் ஆட்சியின் போது 1992 டிசம்பர் 6 அன்று பாபர் மசூதி திட்டமிட்டு இடித்து தகர்க்கப்பட்டது. இடித்தவர்கள் சங்பரிவார சதிகாரர்கள் என்றாலும் காங்கிரஸ் கயவர்களுக்கும் இதில் சமபங்கு இருந்தது என்பதை நாடே அறியும்.

தொடர்ந்து படிக்க December 1, 2009, 9:48 PM

பொருளாதார நெருக்கடி ஏன்?

 

அமெரிக்காவின் பொருளாதார நெருக்கடிக்குக் காரணம் என்ன? - ஒரு விரிவான அலசல்

 

(உணர்வு ஹஜ் பெருநாள் சிறப்பிதழுக்காக எழுதி உணர்வில் வெளியான கட்டுரை) பொருளாதார நெருக்கடி இன்று உலகையே தலைகீழாகப் புரட்டிப் போட்டுள்ளது. அமெரிக்காவில் ஏற்பட்ட இந்தப் புற்றுநோய் உலகின் பல நாடுகளிலும் மோசமான விளைவுகளை ஏற்படுத்தி வருகின்றது.

தொடர்ந்து படிக்க December 1, 2009, 9:19 PM

பலதார மணம்

பலதார மணம்

பெண்களுக்கு இஸ்லாம் கொடுமை செய்கிறது என்று விமர்சிப்பவர்களுக்கு பதிலளிக்கும் வகையில் இஸ்லாம் பெண்களின் உரிமையைப் பறிக்கிறதா என்ற நூலை நான் எழுதினேன். அது இணய தளத்திலும் வெளியிடப்பட்டுள்ளது. அதில் இடம் பெற்ற பலதாரமணம் குறித்த கட்டுரை தனியாக இங்கே வெளியிடப்படுகிறது.

தொடர்ந்து படிக்க October 26, 2009, 11:54 AM

பொதுப்பட்டியலில் முஸ்லிம்களுக்கு உ

 பொதுப்பட்டியலில் முஸ்லிம்களுக்கு உரிமை உண்டு

ஒவ்வொரு நூறு இடங்களில் 69 இடங்கள் இட ஒதுக்கீடு அடிப்படையிலும் மீதி 31 இடங்கள் பொதுப்பட்டியல் மூலமும் நிரப்பப்பட வேண்டும் என்பது சட்டமாகும்.

தொடர்ந்து படிக்க July 23, 2010, 10:04 AM

நமது இணையதளத்தின் Rss Feed வசதியை எவ்வாறு

நமது இணையதளத்தின் Rss Feed வசதியை எவ்வாறு பயன்படுத்துவது?  நமது இணையதளத்தில் இடம் பெறும் செய்திகளை அது வெளியான அடுத்த நிமிடமே அறிந்து கொள்ள இந்த RSS  வசதியை பயன்படுத்திக் கொள்ளலாம்.

தொடர்ந்து படிக்க September 29, 2010, 8:49 AM

துரோகம் செய்தவர்கள் தினமலர் கட்டுரை

துரோகம் செய்தவர்கள் தினமலர் கட்டுரை திராவிடக் கட்சிகளின் ஆட்சி குறித்து தினமலர் நெல்லை பதிப்பு பல்வேறு தலைவர்களின் கட்டுரையை வார்ந்தோறும் வெளியிட்டு வருகிறது. இன்றைய் தினம் (டிசம்பர் 26) பீஜே எழுதிய கட்டுரையை வெளியிட்டுள்ளது. அந்தக் கட்டுரையில் பயனுள்ள தகவல்கள் உள்ளதால் அதை இங்கே வெளியிடுகிறோம்.

தொடர்ந்து படிக்க December 26, 2010, 1:23 PM

www.onlinepj.com © 2013 Developed by Mwinsys

Scroll To Top