அத்தியாயம் : 100

அத்தியாயம் : 100

அல் ஆதியாத்- வேகமாக ஓடும் குதிரைகள்

மொத்த வசனங்கள் : 11

இந்த அத்தியாயத்தின் முதல் வசனத்தில் அல் ஆதியாத் என்ற சொல் இடம் பெற்றிருப்பதால் அதுவே இந்த அத்தியாயத்தின் பெயராகச் சூட்டப்பட்டுள்ளது.

அளவற்ற அருளாளனும், நிகரற்ற அன்புடையோனுமாகிய அல்லாஹ்வின் பெயரால்... .

1, 2, 3, 4, 5. மூச்சிறைத்து வேகமாக ஓடுபவைகளின் (குதிரைகளின்) மீதும், தீப்பொறியைப் பறக்கச் செய்பவற்றின் மீதும், அதிகாலையில் தாக்குதல் நடத்துபவை மீதும், அதனால் புழுதியைப் பரப்பி வருபவை மீதும், படைகளுக்கு மத்தியில் ஊடுருவிச் செல்பவை மீதும் சத்தியமாக!379

6. மனிதன் தனது இறைவனுக்கு நன்றி கெட்டவனாக இருக்கிறான்.

7. அவனே இதற்குச் சாட்சியாக இருக்கிறான்.

8. அவன் செல்வத்தைக் கடுமையாக நேசிக்கிறான்.

9, 10, 11. மண்ணறைகளில் உள்ளவை வெளிப்படுத்தப்படும்போது, உள்ளங்களில் உள்ளவை திரட்டப்படும்போது, அவர்களின் இறைவன் அவர்களைப் பற்றி அந்நாளில் நன்கறிந்தவன் என்பதை அவன் அறிய வேண்டாமா?26


To read this Chapter in English click here.

(14வது பதிப்பின்படி திருத்தி அமைக்கப்பட்டது)

July 9, 2009, 6:01 PM

அத்தியாயம் : 101

அத்தியாயம் : 101

அல் காரிஆ- திடுக்கிடச் செய்யும் நிகழ்ச்சி

மொத்த வசனங்கள் : 11

இந்த அத்தியாயத்தின் முதல் வசனமாக அல் காரிஆ என்ற சொல் இடம் பெற்றிருப்பதால் அதுவே இந்த அத்தியாயத்தின் பெயராக ஆக்கப்பட்டது.

அளவற்ற அருளாளனும், நிகரற்ற அன்புடையோனுமாகிய அல்லாஹ்வின் பெயரால்... .

1. திடுக்கிடச் செய்யும் நிகழ்ச்சி!

2. அது என்ன திடுக்கிடச் செய்யும் நிகழ்ச்சி?

3. திடுக்கிடச் செய்யும் நிகழ்ச்சி என்னவென்று உமக்கு எப்படித் தெரியும்?

4. அந்நாளில்1 மனிதர்கள் சிதறடிக்கப்பட்ட ஈசல்களைப் போல் ஆவார்கள்.

5. மலைகள் உதிர்க்கப்பட்ட கம்பளி போல் ஆகும்.

6, 7. யாருடைய எடைகள் கனமாக இருக்கின்றனவோ அவர் திருப்தியான வாழ்க்கையில் இருப்பார்.26

8, 9. யாருடைய எடைகள் இலேசாக உள்ளனவோ அவர் தங்குமிடம் ஹாவியாவாகும்.26

10. ஹாவியா என்றால் என்னவென்று உமக்கு எப்படித் தெரியும்?

11. (அது) சுட்டெரிக்கும் நெருப்பாகும்.


To read this Chapter in English click here.

(14வது பதிப்பின்படி திருத்தி அமைக்கப்பட்டது)

July 9, 2009, 6:02 PM

அத்தியாயம் : 102

அத்தியாயம் : 102

அத்தகாஸுர்- அதிகம் தேடுதல்

மொத்த வசனங்கள் : 8

இந்த அத்தியாயத்தின் முதல் வசனத்தில் அத்தகாஸுர் என்ற சொல் இடம் பெற்றிருப்பதால் இந்த அத்தியாயத்திற்கு இந்தப் பெயர் வைக்கப்பட்டுள்ளது.

அளவற்ற அருளாளனும், நிகரற்ற அன்புடையோனுமாகிய அல்லாஹ்வின் பெயரால்... .

1, 2. மண்ணறைகளைச் சந்திக்கும் வரை அதிகமாக (செல்வத்தை)த் தேடுவது உங்கள் கவனத்தைத் திருப்பி விட்டது.26

3, 4. அவ்வாறில்லை! அறிவீர்கள். பின்னரும் அவ்வாறில்லை! மீண்டும் அறிவீர்கள்.

5, 6. அவ்வாறில்லை! நீங்கள் உறுதியாக அறிவீர்களாயின் நரகத்தைக் காண்பீர்கள்.26

7. பின்னர் மிக உறுதியாக அதை அறிவீர்கள்.

8. பின்னர் அந்நாளில் அருட்கொடை பற்றி விசாரிக்கப்படுவீர்கள்.

To read this Chapter in English click here.

(14வது பதிப்பின்படி திருத்தி அமைக்கப்பட்டது)

July 9, 2009, 6:04 PM

அத்தியாயம் : 103

அத்தியாயம் : 103

அல் அஸ்ர்- காலம்

மொத்த வசனங்கள் : 3

இந்த அத்தியாயத்தின் முதல் வசனத்தில் அல் அஸ்ர் என்ற சொல் இடம் பெற்றிருப்பதால் இந்த அத்தியாயத்திற்கு இந்தப் பெயர் சூட்டப்பட்டது.

அளவற்ற அருளாளனும், நிகரற்ற அன்புடையோனுமாகிய அல்லாஹ்வின் பெயரால்... .

1. காலத்தின் மீது சத்தியமாக!379

2. மனிதன் நட்டத்தில் இருக்கிறான்.

3. நம்பிக்கை கொண்டு நல்லறங்கள் செய்வோரையும், உண்மையைப் போதித்து பொறுமையையும் போதித்துக் கொள்வோரையும் தவிர.

To read this Chapter in English click here.

(14வது பதிப்பின்படி திருத்தி அமைக்கப்பட்டது)

July 9, 2009, 6:05 PM

அத்தியாயம் : 104

அத்தியாயம் : 104

அல் ஹுமஸா- புறம் பேசுதல்

மொத்த வசனங்கள் : 9

இந்த அத்தியாயத்தின் முதல் வசனத்தில் ஹுமஸா என்ற சொல் இடம் பெற்றிருப்பதால் இந்த அத்தியாயத்திற்கு இந்தப் பெயர் சூட்டப்பட்டுள்ளது.

அளவற்ற அருளாளனும், நிகரற்ற அன்புடையோனுமாகிய அல்லாஹ்வின் பெயரால்... .

1. குறை கூறிப் புறம் பேசும் ஒவ்வொருவனுக்கும் கேடு தான்.

2. அவன் செல்வத்தைத் திரட்டி அதைக் கணக்கிடுகிறான்.

3. தனது செல்வம் தன்னை நிலைத்திருக்கச் செய்யும் என்று எண்ணுகிறான்.

4. அவ்வாறில்லை! ஹுதமாவில் அவன் எறியப்படுவான்.

5. ஹுதமா என்பது என்னவென உமக்கு எப்படித் தெரியும்?

6. மூட்டப்பட்ட அல்லாஹ்வின் நெருப்பு

7. அது உள்ளங்களைச் சென்றடையும்.

8, 9. நீண்ட கம்பங்களில் அது அவர்களைச் சூழ்ந்திருக்கும்.26


To read this Chapter in English click here.

(14வது பதிப்பின்படி திருத்தி அமைக்கப்பட்டது)

July 9, 2009, 6:06 PM

அத்தியாயம் : 105

அத்தியாயம் : 105

அல் ஃபீல்- யானை

மொத்த வசனங்கள் : 5

இந்த அத்தியாயத்தின் முதல் வசனத்தில் யானை என்ற சொல் இடம் பெற்றிருப்பதால் இந்த அத்தியாயத்திற்கு இந்தப் பெயர் சூட்டப்பட்டுள்ளது.

அளவற்ற அருளாளனும், நிகரற்ற அன்புடையோனுமாகிய அல்லாஹ்வின் பெயரால்... .

1. யானைப் படையை உமது இறைவன் எப்படி ஆக்கினான் என்பதை நீர் அறியவில்லையா?

2. அவர்களின் சூழ்ச்சியை அவன் தோல்வியில் முடிக்கவில்லையா?464

3. அவர்களுக்கு எதிராகப் பறவைகளை கூட்டம் கூட்டமாக அனுப்பினான்.

4. சூடேற்றப்பட்ட கற்களை அவர்கள் மீது அவை வீசின.

5. உடனே அவர்களை மெல்லப்பட்ட வைக்கோல் போல் ஆக்கினான்.355

To read this Chapter in English click here.

(14வது பதிப்பின்படி திருத்தி அமைக்கப்பட்டது)

July 9, 2009, 6:07 PM

அத்தியாயம் : 106

அத்தியாயம் : 106

குரைஷ்- ஒரு கோத்திரத்தின் பெயர்

மொத்த வசனங்கள் : 4

இந்த அத்தியாயத்தின் முதல் வசனத்தில் குரைஷ் என்ற சொல் இடம் பெற்றிருப்பதால் இந்த அத்தியாயத்திற்கு இந்தப் பெயர் சூட்டப்பட்டது.

அளவற்ற அருளாளனும், நிகரற்ற அன்புடையோனுமாகிய அல்லாஹ்வின் பெயரால்... .

1, 2, 3. குரைஷிகளை மகிழ்வித்ததற்காகவும், குளிர் மற்றும் கோடை காலப் பயணங்களில் அவர்களை மகிழ்வித்ததற்காகவும் இந்த ஆலயத்தின்33 இறைவனை அவர்கள் வணங்கட்டும்.26

4. பசியின்போது அவர்களுக்கு அவன் உணவளித்தான்.463 பயத்திலிருந்து அவர்களுக்கு அபயமளித்தான்.34

To read this Chapter in English click here.

(14வது பதிப்பின்படி திருத்தி அமைக்கப்பட்டது)

July 9, 2009, 6:08 PM

அத்தியாயம் : 107

அத்தியாயம் : 107

அல் மாவூன்- அற்பப் பொருள்

மொத்த வசனங்கள் : 7

இந்த அத்தியாயத்தின் கடைசி வசனத்தில் அல் மாவூன் என்ற சொல் இடம் பெற்றிருப்பதால் இந்த அத்தியாயத்திற்கு இந்தப் பெயர் சூட்டப்பட்டது.

அளவற்ற அருளாளனும், நிகரற்ற அன்புடையோனுமாகிய அல்லாஹ்வின் பெயரால்... .

1. தீர்ப்பு நாளைப்1 பொய்யெனக் கருதியவனைப் பார்த்தீரா?

2. அவன் அனாதையை விரட்டுகிறான்.

3. ஏழைக்கு உணவளிக்க அவன் தூண்டுவதில்லை.

4, 5. தமது தொழுகையில் கவனமற்று தொழுவோருக்குக் கேடு தான்.26

6. அவர்கள் பிறருக்குக் காட்டுவதற்காகத் தொழுகின்றனர்.

7. அற்பமானதையும் (கொடுக்க) மறுக்கின்றனர்.


To read this Chapter in English click here.

(14வது பதிப்பின்படி திருத்தி அமைக்கப்பட்டது)

July 9, 2009, 6:12 PM

அத்தியாயம் : 108

அத்தியாயம் : 108

அல் கவ்ஸர்- தடாகம்

மொத்த வசனங்கள் : 3

இந்த அத்தியாயத்தின் முதல் வசனத்தில் அல் கவ்ஸர் என்ற சொல் இடம் பெற்றிருப்பதால் அதுவே இந்த அத்தியாயத்தின் பெயராக ஆனது.

அளவற்ற அருளாளனும், நிகரற்ற அன்புடையோனுமாகிய அல்லாஹ்வின் பெயரால்... .

1. (முஹம்மதே!) கவ்ஸரை உமக்கு வழங்கினோம்.388

2. எனவே உமது இறைவனைத் தொழுது அவனுக்காக அறுப்பீராக!427

3. உமது எதிரி தான் சந்ததியற்றவன்.

To read this Chapter in English click here.

(14வது பதிப்பின்படி திருத்தி அமைக்கப்பட்டது)

July 9, 2009, 6:13 PM

அத்தியாயம் : 109

அத்தியாயம் : 109

அல் காஃபிரூன்- மறுப்போர்

மொத்த வசனங்கள் : 6

இந்த அத்தியாயத்தின் முதல் வசனத்தில் அல் காஃபிரூன் என்ற சொல் இடம் பெற்றிருப்பதால் இந்த அத்தியாயத்திற்கு இந்தப் பெயர் சூட்டப்பட்டது.

அளவற்ற அருளாளனும், நிகரற்ற அன்புடையோனுமாகிய அல்லாஹ்வின் பெயரால்... .

1, 2, 3, 4, 5, 6. (ஏகஇறைவனை) மறுப்பவர்களே!'' நீங்கள் வணங்குவதை நான் வணங்க மாட்டேன். நான் வணங்குபவனை நீங்கள் வணங்குவோரில்லை. நீங்கள் வணங்குவதை நான் வணங்குபவன் அல்லன். நான் வணங்குபவனை நீங்கள் வணங்குவோரில்லை. உங்கள் மார்க்கம் உங்களுக்கு. என் மார்க்கம் எனக்கு'' எனக் கூறுவீராக!26

To read this Chapter in English click here.

(14வது பதிப்பின்படி திருத்தி அமைக்கப்பட்டது)

July 9, 2009, 6:14 PM

அத்தியாயம் : 110

அத்தியாயம் : 110

அந்நஸ்ர்- உதவி

மொத்த வசனங்கள் : 3

இந்த அத்தியாயத்தின் முதல் வசனத்தில் நஸ்ர் என்ற சொல் இடம் பெற்றிருப்பதால் இந்த அத்தியாயத்திற்கு இந்தப் பெயர் சூட்டப்பட்டுள்ளது.

அளவற்ற அருளாளனும், நிகரற்ற அன்புடையோனுமாகிய அல்லாஹ்வின் பெயரால்... .

1. அல்லாஹ்வின் உதவியும் வெற்றியும் வரும்போது,

2. அல்லாஹ்வின் மார்க்கத்தில் மக்கள் கூட்டம் கூட்டமாக நுழைவதை நீர் காணும்போது,

3. உமது இறைவனைப் புகழ்ந்து போற்றுவீராக! அவனிடம் மன்னிப்புத் தேடுவீராக!493 அவன் மன்னிப்பை ஏற்பவனாக இருக்கிறான்.

To read this Chapter in English click here.

(14வது பதிப்பின்படி திருத்தி அமைக்கப்பட்டது)

July 9, 2009, 6:15 PM

அத்தியாயம் : 111

அத்தியாயம் : 111

தப்பத்- அழிந்தது

மொத்த வசனங்கள் : 5

இந்த அத்தியாயத்தின் முதல் வசனத்தில் தப்பத் என்ற சொல் இடம் பெற்றிருப்பதால் இந்த அத்தியாயத்திற்கு இந்தப் பெயர் சூட்டப்பட்டது.

அளவற்ற அருளாளனும், நிகரற்ற அன்புடையோனுமாகிய அல்லாஹ்வின் பெயரால்... .

1. அபூலஹபுடைய இரு கைகளும் அழிந்தன. அவனும் அழிந்தான்.

2. அவனது செல்வமும், அவன் செய்தவையும் அவனைக் காக்கவில்லை.

3, 4. கொழுந்து விட்டெரியும் நெருப்பில் அவனும், விறகு சுமக்கும் அவனது மனைவியும் கருகுவார்கள்.26

5. அவள் கழுத்தில் முறுக்கேறிய ஈச்சமரக் கயிறு உள்ளது.356

To read this Chapter in English click here.

(14வது பதிப்பின்படி திருத்தி அமைக்கப்பட்டது)

July 9, 2009, 6:17 PM

அத்தியாயம் : 112

அத்தியாயம் : 112

இஃக்லாஸ்- உளத்தூய்மை

மொத்த வசனங்கள் : 4

இந்த அத்தியாயம் ஓரிறைக் கொள்கையைத் இரத்தினச் சுருக்கமாகக் கூறுவதால் இந்த அத்தியாயத்திற்கு இந்தப் பெயர் சூட்டப்பட்டுள்ளது.

அளவற்ற அருளாளனும், நிகரற்ற அன்புடையோனுமாகிய அல்லாஹ்வின் பெயரால்... .

1. "அல்லாஹ் ஒருவன்'' என கூறுவீராக!

2. அல்லாஹ் தேவைகளற்றவன்.485

3. (யாரையும்) அவன் பெறவில்லை. (யாருக்கும்) பிறக்கவுமில்லை.

4. அவனுக்கு நிகராக யாருமில்லை.

To read this Chapter in English click here.

(14வது பதிப்பின்படி திருத்தி அமைக்கப்பட்டது)

July 9, 2009, 6:18 PM

அத்தியாயம் : 113

அத்தியாயம் : 113

அல் ஃபலக்- காலைப் பொழுது

மொத்த வசனங்கள் : 5

இந்த அத்தியாயத்தின் முதல் வசனத்தில் அல் ஃபலக் என்ற சொல் இடம் பெற்றிருப்பதால் இந்த அத்தியாயத்திற்கு இந்தப் பெயர் சூட்டப்பட்டுள்ளது.

அளவற்ற அருளாளனும், நிகரற்ற அன்புடையோனுமாகிய அல்லாஹ்வின் பெயரால்... .

1, 2, 3, 4, 5. அதிகாலையின் இறைவனிடம் அவன் படைத்தவற்றின் தீங்கிலிருந்தும், பரவும் இருளின் தீங்கை விட்டும், முடிச்சுக்களில் ஊதும் பெண்களின் தீங்கை விட்டும்,499 பொறாமை கொள்ளும்போது பொறாமைக்காரனின் தீங்கை விட்டும் பாதுகாப்புத் தேடுகிறேன் என்று கூறுவீராக!357

To read this Chapter in English click here.

(14வது பதிப்பின்படி திருத்தி அமைக்கப்பட்டது)

July 9, 2009, 6:19 PM

அத்தியாயம் : 114

அத்தியாயம் : 114

அந்நாஸ்- மனிதர்கள்

மொத்த வசனங்கள் : 6

இந்த அத்தியாயத்தின் முதல் வசனத்தில் அந் நாஸ் என்ற சொல் இடம் பெற்றிருப்பதால் இந்த அத்தியாயத்திற்கு இந்தப் பெயர் சூட்டப்பட்டுள்ளது.

அளவற்ற அருளாளனும், நிகரற்ற அன்புடையோனுமாகிய அல்லாஹ்வின் பெயரால்... .

1, 2, 3, 4. மறைந்து கொண்டு தீய எண்ணங்களைப் போடுபவனின் தீங்கை விட்டும்,499 மனிதர்களின் அரசனும், மனிதர்களின் கடவுளுமான மனிதர்களின் இறைவனிடம் பாதுகாப்புத் தேடுகிறேன் என்று கூறுவீராக!26

5. அவன் மனிதர்களின் உள்ளங்களில் தீய எண்ணங்களைப் போடுகிறான்.

6. ஜின்களிலும், மனிதர்களிலும் இத்தகையோர் உள்ளனர்.

To read this Chapter in English click here.

(14வது பதிப்பின்படி திருத்தி அமைக்கப்பட்டது)

July 9, 2009, 6:22 PM

www.onlinepj.com © 2013 Developed by Mwinsys

Scroll To Top